ກຸ່ມບໍລິສັດ ວັງຕັດມາຍນິງ

ໄດ້ມອບເຄື່ອງຊ່ວຍເຫລືອ ໃຫ້ແກ່ປະຊາຊົນຊາວແຂວງອັດຕະປື ທີ່ຖືກຜົນກະທົບຈາກໄພພິບັດຕ່າງໆ

ໃນຕອນເຊົ້າຂອງວັນທີ 16 ກໍລະກົດ 2023 ນີ້ ກຸ່ມບໍລິສັດ ວັງຕັດມາຍນິງ ໄດ້ມອບເຄື່ອງຊ່ວຍເຫລືອ ໃຫ້ແກ່ປະຊາຊົນຊາວແຂວງອັດຕະປື ທີ່ຖືກຜົນກະທົບຈາກໄພພິບັດຕ່າງໆ, ໂດຍຕາງຫນ້າຄະນະນຳແຂວງອັດຕະປື ຂື້ນຮັບເຄື່ອງຊ່ວຍເຫລືອຄັ້ງນີ້ ມີ ທ່ານ ຈິດປະສົງ ສິງສະຫວັດ ຫົວຫນ້າພະແນກ ແຮງງານ ແລະ ສະຫວັດດີການສັງຄົມແຂວງ ແລະ ທ່ານ ລິດຄຳ ໂຮມອີນຕາ ຮອງຫົວຫນ້າຫ້ອງວ່າການແຂວງ, ລາຍລະອຽດເຄື່ອງຊ່ວຍເຫລືອມີດັ່ງນີ້: 1; ເຂົ້າສານ ຈຳນວນ 10 ໂຕນ, 2; ມີ່ເຄິ່ງສຳເລັດຮູບ ຈຳນວນ 100 ແກັດ ແລະ 3; ປາກະປ໋ອງ 500 ປ໋ອງ ລວມມູນຄ່າທັງໝົດ 160.000.000 ກິບ

ຂ່າວ ວິໄລສັກ ແກ້ວຫລວງໂຄດ