ໂຮງແຮມແສງທຽນ ເໝາະກັບການພັກ ຜ່ອນຂອງນັກທ່ອງທ່ຽວ ຢູ່ອັດຕະປື
ປັດຈຸບັນ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງ ອັດຕະປື ກຳລັງສຸມໃສ່ການ ໂຄສະນາປີທ່ອງທ່ຽວລາວ 2018 ເຊິ່ງນອກຈາກການເອົາໃຈ ໃສ່ໂຄສະນາເຜີຍແຜ່ ວັດທະນະທຳອັນດີງາມ ຂອງຊາດ, ປະຫວັດສາດອັນ ເປັນມູນເຊື້ອຂອງລາວ ແລະ ຄວາມອຸດົມສົມບູນຮັ່ງມີ ທາງດ້ານທຳມະຊາດແລ້ວນັ້ນ, ຍັງໄດ້ເອົາໃຈໃສ່ໂຄສະສະນາ ດ້ານມາດຕາຖານສະຖານທີ່ ພັກແຮມໃນຫຼາຍແຫ່ງ ແລະ ລົງຕິດຕາມຊຸກຍູ້ ໃຫ້ຜູ້ປະກອບການດ້ານການບໍລິການນັກທ່ອງທ່ຽວ ໃນປີ 2018 ຢ່າງເປັນເຈົ້າການ ເພື່ອໃຫ້ໄດ້ມາດ ຕາຖານໃນລະດັບສາກົນ.
ໜຶ່ງໃນຈຳນວນຫຼາຍຂອງໂຮງແຮມ ທີ່ໄດ້ຈັດຢູ່ໃນລະດັບມາດ ຕາຖານຫຼາຍແຫ່ງຢູ່ແຂວງ ອັດຕະປື ທີ່ກຽມຕ້ອນຮັບ ນັກທ່ອງທ່ຽວ ສຳລັບປີ ທ່ອງທ່ຽວລາວ 2018 ນັ້ນ ໂຮງແຮມແສງທຽນ ກໍ່ແມ່ນໄດ້ເປັນໜຶ່ງ ເຊິ່ງບັນດານັກທ່ອງທ່ຽວຖ້າໄດ້ແວ່ພັກຜ່ອນ ຈະໄດ້ຮັບການດົນໃຈ ເພາະໂຮງແຮມແສງທຽນ ມີທິວທັດຢ່າງທຳມະຊາດ, ມີສາຍນ້ຳເຊກອງໄຫຼຜ່ານ ສາມາດເວົ້າໄດ້ວ່າ: ຈັດຢູ່ໃນລະດັບມາດຕາຖານ, ມີຄວາມສວຍງາມ, ກວ້າງຂວາງ, ສະອາດ, ສະຫງົບ ມີພະນັກງານທຸ່ມເທກັບການ ບໍລິການບັນດາທ່ານ ດ້ວຍຮອຍຍິ້ມທີ່ດີ, ບໍລິການລະບົບອິນເຕີເເນັດ wifi ຟີ, ໂຮງແຮມແສງທຽນເປີດ ໃຊ້ບໍລິການມາໄດ້ 1 ປີກວ່າ ສະຖານທີ່ຕັ້ງຢູ່ ບ້ານ ເຊໃຫຍ່ ເມືອງ ສະມັກຄີໄຊ ແຂວງ ອັດຕະປື, ເປັນຕຶກ 3 ຊັ້ນ ມີຄວາມສວຍງາມ ພ້ອມກັບຄຸນະພາບ ແລະ ສິ່ງອຳນວຍຄວາມ ສະດວກຄົບຊຸດ ທີ່ພ້ອມໃຫ້ບໍລິການ ແກ່ບັນດານັກທຸລະກິດ-ນັກທ່ອງທ່ຽວທັງພາຍໃນ ແລະ ຕ່າງປະເທດ ດ້ວຍມິດຕະພາບ.
ທ່ານ ນາງ ແສງອຳພອນ ວົງພູທອນ ເຈົ້າຂອງໂຮງແຮມ ໄດ້ໃຫ້ສຳພາດວ່າ: ໂຮງແຮມ ແສງທ່ຽນ ຂອງຂ້າພະເຈົ້າ ມີຫ້ອງນອນ ຕິດແອ ທັງໝົດ 23 ຫ້ອງໃນນີ້: ຫ້ອງຕຽງຄູ່ 8 ຫ້ອງ ລາຄາ 150.000 k ຕໍ່ຄືນ, ຫ້ອງດ່ຽວມີ 18 ຫ້ອງລາຄາ 120.000 k ຕໍ່ຄືນ, ບັນດາທ່ານໄດ້ມາພັກຜ່ອນ ແນ່ນອນໄດ້ຮັບຄວາມປອດໄພ, ມີສະຖານທີ່ສະດວກສະບາຍ ພວກເຮົາພ້ອມທີ່ຈະ ຮັບໃຊ້ທ່ານຢ່າງເຕັມທີ່ ເພື່ອສະຫນຸກກັບການພັກ ຜ່ອນຂອງທ່ານຕະຫຼອດ ການບໍລິການ ບັນດາທ່ານສົນໃຈ ສາມາດຕິດຕໍ່ພົວພັນ ໄດ້ທຸກເວລາ ທີ່ເບີ 020 22249962.
ໂດຍ: ມາລາທິບ