banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:83
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1436
ເດືອນນີ້:ເດືອນນີ້:10789
ທັງໝົດ:ທັງໝົດ:892251

Lao National Radio

radio

ແຜນທີແຂວງ ອັດຕະປື

administrative map

 

 

 

ຫ້ອງວ່າການແຂວງ
ເປີດຂະບວນການແຂ່ງຂັນຮັກຊາດ ແລະ ພັດທະນາ ໄລຍະ 5 ປີ ( 2021-2025 )

ໃນຕອນເຊົ້າຂອງວັນທີ 8 ທັນວາ 2023 ຜ່ານມານີ້ ຫ້ອງວ່າການແຂວງ ໄດ້ເປີດຂະບວນການແຂ່ງຂັນຮັກຊາດ ແລະ ພັດທະນາ ໄລຍະ 5 ປີ ( 2021-2025 ) ທີ່ຫ້ອງປະຊຸມ ຊັ້ນ 5 ຂອງຕຶກສຳນັກງານອົງການປົກຄອງແຂວງ ໂດຍໃຫ້ກຽດເປັນປະທານຂອງ ທ່ານ ບຸນເສີດ ເສດທິລາດ ຄະນະປະຈຳພັກແຂວງ ຮອງເຈົ້າແຂວງອັດຕະປື, ມີບັນດາທ່ານ ຄະນະຫ້ອງວ່າການແຂວງ, ແຂກທີ່ຖືກເຊີນຈາກອົງການຈັດຕັ້ງອ້ອມຂ້າງແຂວງ, ບັນດາທ່ານຈາກຫ້ອງວ່າການເມືອງ 5 ເມືອງ ແລະ ພະນັກງານ-ລັດຖະກອນ ຫ້ອງວ່າການແຂວງ ເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ດາບແກ້ວ ໄຊຍະແສງ ຮອງຫົວໜ້າຫ້ອງວ່າການແຂວງ ໄດ້ຂື້ນຜ່ານແຜນການຂໍ້ແຂ່ງຂັນຮັກຊາດ ແລະ ພັດທະນາຂອງຫ້ອງວ່າການແຂວງ ທັງນີ້ກໍ່ແມ່ນເພື່ອການຈັດຕັ້ງປະຕິບັດວຽກງານ ບົນພື້ນຖານຂອງການເປັນເສນາທິການໃຫ້ແກ່ການນຳແຂວງ ໃຫ້ມີຄຸນນະພາບສູງ ກໍ່ຄືການຈັດຕັ້ງປະຕິບັດແຜນພັດທະນາຂະແໜງການຂອງຫ້ອງວ່າການແຂວງ ແຕ່ປີ 2021-2024 ໃຫ້ບັນລຸຕາມຈຸດປະສົງ ແລະ ຄາດໝາຍທີ່ວາງໄວ້. ດັ່ງນັ້ນ ເພື່ອເປັນການສືບຕໍ່ພາລະກິດດັ່ງກ່າວ ໃຫ້ເຫັນຜົນອັນເປັນຮູບປະທຳ ກໍ່ຕ້ອງໄດ້ພ້ອມກັນຈັດຕັ້ງປະຕິບັດບັນດາຂໍ້ແຂ່ງຂັນທີ່ໄດ້ຕັ້ງຂື້ນມາໃຫ້ປະກົດຜົນເປັນຈິງ, ເພື່ອເປັນການປຸກລະດົມ ແລະ ສ້າງແຮງຈູງໃຈໃຫ້ພະນັກງານ-ລັດຖະກອນ ໃຫ້ມີຄວາມບຸກບືນ, ຫ້າວຫັນ, ເອົາໃຈໃສ່ສືກສາ-ຄົ້ນຄວ້າ-ຮ່ຳຮຽນຢ່າງເປັນລະບົບ ແລະ ຕໍ່ເນື່ອງ, ຕ້ອງສູ້ຊົນໃຫ້ບັນລຸຕາມເປົ້າໝາຍວາງໄວ້ ຕາມເນື້ອໃນຂໍ້ແຂ່ງຂັນ ເພື່ອແນໃສ່ການຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ ເພື່ອເຮັດໃຫ້ຫ້ອງວ່າການແຂວງ ກາຍເປັນການຈັດຕັ້ງທີ່ມີຄວາມເຂັ້ມແຂງຮອບດ້ານ.

ໂອກາດນີ້ ຍັງໄດ້ມີບັນດາທ່ານຕາງໜ້າ ຈາກ 5 ຂະແໜງ ຂອງຫ້ອງວ່າການແຂວງ ຂື້ນມາລົງທະບຽນ ແລະ ຈັບມືແຂ່ງຂັນ ແລະ ໄດ້ມີກາຜ່ານຂໍ້ຕົກລົງ ວ່າດ້ວຍການອະນຸມັດຮັບເອົາແຜນການ, ເນື້ອໃນຄຳຂັວນ ຂໍ້ແຂ່ງຂັນຮັກຊາດ ແລະ ພັດທະນາໄລຍະ 5 ປີ ຂອງຫ້ອງວ່າການແຂວງ.

ໃນຕອນທ້າຍຂອງພິທີ ຍັງໄດ້ມີການຮັບຟັງການໂອ້ລົມ ເພື່ອເປັນການໃຫ້ທິດເຍືອງທາງ ໂດຍ ທ່ານ ບຸນເສີດ ເສດທິລາດ ຄະນະປະຈຳພັກແຂວງ ຮອງເຈົ້າແຂວງ ໃຫ້ກຽດໂອ້ລົມ ເຊິ່ງທ່ານ ໄດ້ຊົມເຊີຍ ຄະນະພັກ-ຄະນະນຳຫ້ອງວ່າການແຂວງ ທີ່ໄດ້ເອົາໃຈໃສ່ ເຮື່ອແຮງ ສະຕິປັນຍາ ເຂົ້າໃນການ ນຳພາ-ຊີ້ນຳ ແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ເຮັດໃຫ້ພິທີເປີດຂະບວນການແຂງຂັນ ຮັກຊາດ ແລະ ພັດທະນາ ໄດ້ດຳເນີນດ້ວຍດີ ແລະ ມີຜົນສຳເລັດຢ່າງຈົບງາມ ແລະ ທ່ານຍັງໄດ້ເນັ້ນໜັກບາງຈຸດດັ່ງນີ້: ໃຫ້ເພີ່ມທະວີຄວາມເປັນເຈົ້າການໃນການສືກສາອົບຮົມທາງດ້ານການເມືອງ-ແນວຄິດ, ເອົາໃຈໃສ່ຕິດຕາມ ກວດກາ ການຈັດຕັ້ງປະຕິບັດໜ້າທີ່ວຽກງານວິຊາສະເພາະໃຫ້ເປັນປົກກະຕິ, ຍົກສູງຄຸນນະພາບໃນການແຂ່ງຂັນ-ຍ້ອງຍໍໃນໄລຍະໃໝ່ໃຫ້ຖືກຕາມທິດຊີ້ນຳຂອງພັກ ດ້ວຍການປັບປຸງກົນໄກ, ວິທີການ, ສ້າງຄວາມເຂັ້ມແຂ່ງເພິ່ງຕົນເອງ-ກຸ້ມຕົນເອງ, ຂະບວນການແຂ່ງຂັນຮັກຊາດ ແລະ ພັດທະນາ ຕ້ອງຮັບປະກັນໃຫ້ໄດ້ຕາມ 4 ຄາດໝາຍລວມ ແລະ ອັນສຳຄັນ ມອບໃຫ້ຫ້ອງວ່າການແຂວງ ເປັນເຈົ້າການ ໃນນາມເປັນເສນາທິການໃຫ້ແກ່ການນຳຂອງແຂວງ ເປັນເຈົ້າການສົມທົບກັບພະແນກພາຍໃນແຂວງ ສືບຕໍ່ປຸກລະດົມທົ່ວປວງຊົນລາວ ບັນດາເຜົ່າຊາວແຂວງອັດຕະປື ຈົ່ງພ້ອມກັນຕັ້ງໜ້າເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາ.


ຂ່າວ-ພາບ: ວິໄລສັກ ແກ້ວຫຼວງໂຄດ