banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:55
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1408
ເດືອນນີ້:ເດືອນນີ້:10761
ທັງໝົດ:ທັງໝົດ:892223

Lao National Radio

radio

ແຜນທີແຂວງ ອັດຕະປື

administrative map

 

 

ຄະນະຮາກຖານສະຫະພັນແມ່ຍິງຫ້ອງວ່າການແຂວງ ອັດຕະປື

ໄຂກອງປະຊຸມໃຫຍ່ຄັ້ງທີ IV ແລະ ສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ 

ໃນວັນທີ 1 ທັນວາ 2023 ນີ້, ຄະນະຮາກຖານສະຫະພັນແມ່ຍິງຫ້ອງວ່າການແຂວງ ອັດຕະປື ໄດ້ໄຂກອງປະຊຸມໃຫຍ່ຄັ້ງທີ IV ແລະ ສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ຂື້ນທີ່ຫ້ອງປະຊຸມຊັ້ນ 5 ຕຶກສຳນັກງານອົງການປົກຄອງແຂວງ ພາຍໃຕ້ການຮ່ວມເປັນປະທານຂອງ ທ່ານ ນ. ຈັນເພັດ ຈັນທະມາດ ກຳມະການພັກແຂວງ, ປະທານສະຫະພັນແມ່ຍິງແຂວງ, ທ່ານ ດາບແກ້ວ ໄຊຍະແສງ ຄະນະພັກຮາກຖານ ຮອງຫົວໜ້າ ຫ້ອງວ່າການແຂວງ ທັງເປັນຜູ້ຊີນຳວຽກງານອົງການຈັດຕັ້, ທ່ານ ນ. ດາວິນ ມະນີວົງ ປະທານ ສະຫະພັນແມ່ຍິງ ຮາກຖານ ຫ້ອງວ່າການແຂວງ, ມີບັນດາຫົວໜ້າໜ່ວຍຈາກ 3 ອົງການຈັດຕັ້ງຂອງຫ້ອງວ່າການແຂວງ ແລະ ແຂກຖືກເຊີນຈາກພະແນກການພາຍໃນຕຶກອົງການປົກຄອງ ເຂົ້າຮວ່ມຢ່າງພອ້ມພຽງ.

ທ່ານ ນ. ດາວິນ ມະນີວົງ ປະທານ ສະຫະພັນແມ່ຍິງ ຮາກຖານຫ້ອງວ່າການແຂວງ ໄດ້ຂື້ນຜ່ານບົດລາຍງານການເມືອງ ( ສະຫຼຸບ ແລະ ທິດທາງແຜນການ ) ແລະ ຜ່ານບົດສະຫຼຸບວຽກງານ 3 ດີ ແລະ ທິດທາງ ) ເຊິ່ງເຫັນໄດ້ວ່າ ໄລຍະຜ່ານມາ ວຽກງານຂອງແມ່ຍິງ ຫ້ອງວ່າການແຂວງ ແມ່ນໄດ້ຖືເອົາວຽກງານການເມືອງ-ແນວຄິດເປັນຫຼັກ ແລະ ຕິດພັນກັບວຽກງານວິຊາສະເພາະ, ສະມາຊິກໄດ້ຕັ້ງໜ້າເຂົ້າຮ່ວມຂະບວນການພັດທະນາເສດຖະກິດ-ສັງຄົມ ກໍ່ຄືການພັດທະນາແມ່ຍິງທີ່ຢູ່ໃນຖັນແຖວຫ້ອງວ່າການແຂວງ ເພື່ອແນໃສ່ການກະກຽມຮັບໃຊ້ຊາດ-ຮັບໃຊ້ປະຊາຊົນ ບົນຈິດໃຈອັນເດັດດ່ຽວໜຽວແໜ້ນ ແລະ ຄວາມສາມັກຄີເປັນປືກແຜ່ນ, ໃນໄລຍະ 5 ປີຜ່ານມາ ໜ່ວຍຮາກຖານສະຫະພັນແມ່ຍິງຫ້ອງວ່າການແຂວງ ໄດ້ເອົາໃຈໃສ່ ສຶກສາອົບຮົມວຽກງານການເມືອງ-ແນວຄິດ ໃຫ້ແກ່ເອື້ອຍນ້ອງຍິງຢ່າງເປັນປົກກະຕິຕໍ່ເນື່ອງ. ນອກນີ້ວຽກງານການຈັດຕັ້ງຂໍ້ແຂ່ງຂັນ 3 ດີ ກໍ່ໄດ້ເອົາໃຈໃສ່ໃນການເຜີຍແຜ່ເນື້ອໃນ ຂໍ້ແຂ່ງຂັນ 3 ດີ ໃຫ້ເອື້ອຍນ້ອງໄດ້ມີຄວາມຮູ້ ຄວາມເຂົ້າໃຈຢ່າງລະອຽດ ແລະ ນຳພາ-ຊີ້ນຳ ການຈັດຕັ້ງປະຕິບັດແຂ່ງຂັນໃນຮາກຖານ ຈົນສຳເລັດ ແລະ ໄດ້ຕາມແຜນທີ່ວາງໄວ້, ເຊິ່ງໄດ້ສະແດງອອກໃນຂໍ້ຕົກລົງ ຂອງສະຫະພັນແມ່ຍິງແຂວງ ວ່າດ້ວຍການ ວ່າດ້ວຍ ຢັ້ງຢືນຍ້ອງຍໍ 3 ດີ ໃຫ້ສະຫະພັນແມ່ຍິງຮາກຖານ ຫ້ອງວ່າການແຂວງ ເປັນແມ່ຍິງ 3 ດີ ໄລຍະ II ປີ 2023 ແລະ ວ່າດ້ວຍ ຍ້ອງຍໍບຸກຄົນທີມີຜົນງານດີເດັ່ນ ໃນການເຄື່ອນໄຫວວຽກງານ 3 ດີ ລວມທັງໝົດ 22 ສະຫາຍ ( ໃນນັ້ນ ປະເພດ I ມີ 22 ສະຫາຍ ແລະ ປະເພດ II ມີ 1 ສະຫາຍ ) .

ກອງປະຊຸມຄັ້ງນີ້ ຍັງໄດ້ມີການປ່ອນບັດເລືອກຕັ້ງເອົາຄະນະ ບໍລິຫານງານ ສະຫະພັນແມ່ຍິງຮາກຖານຫ້ອງວ່າການແຂວງ, ເຊິ່ງມີຜູ້ລົງສະໝັກເລືອກຕັ້ງຄັ້ງນີ້ ມີ 7 ທ່ານ ໂດຍເລືອກເອົາ 5 ທ່ານເປັນຄະນະຊຸດໃຫມ່ ແລະ ຜົນຂອງການປ່ອນບັດຄັ້ງນີ້ແມ່ນໄດ້ 1. ທ່ານ ນ. ດາວິນ ມະນີວົງ ເປັນປະທານ, 2. ທ່ານ ນ. ສຸກດາລີ ໄຊຍະເຮືອງ ເປັນຮອງປະທານ ທັງເປັນປະທານ ກອດກາ, 3. ທ່ານ ນ. ອານົງຮັກ ອ້ວນນະລາດ ເປັນຮອງຜູ້ທີ 2, 4. ທ່ານ ນ. ພູທອງ ໝັ້ນໄຊຍະເພັດ ແລະ ທ່ານ ນ. ມະນີສອນ ເພັດວິໄລ ເປັນຄະນະ.

ຂ່າວ-ພາບ: ວິໄລສັກ ແກ້ວຫຼວງໂຄດ.