banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:183
ມື້ວານນີ້:ມື້ວານນີ້:440
ອາທິດນີ້:ອາທິດນີ້:1010
ເດືອນນີ້:ເດືອນນີ້:12980
ທັງໝົດ:ທັງໝົດ:827601

Lao National Radio

radio

ແຜນທີແຂວງ ອັດຕະປື

administrative map

 

 

 

ຮາກຖານຊາວໜຸ່ມຫ້ອງວ່າການແຂວງອັດຕະປື ຈັດກອງປະຊຸມໃຫຍ່ ຄັ້ງທີ V 

ກອງປະຊຸມໃຫຍ່ຮາກຖານຊາວໜຸ່ມຫ້ອງວ່າການແຂວງອັດຕະປື ຄັ້ງທີ V ໄດ້ໄຂຂຶ້ນໃນຕອນເຊົ້າຂອງວັນທີ 16 ສິງຫາ 2023 ຢູ່ຫ້ອງປະຊຸມຊັ້ນ 5 ຂອງຕຶກສຳນັກງານອົງການປົກຄອງແຂວງ, ໂດຍໃຫ້ກຽດຮ່ວມເປັນປະທານຂອງ ສະຫາຍ ດາບແກ້ວ ໄຊຍະແສງ ຄະນະພັກຮາກຖານ, ຮອງຫົວໜ້າຫ້ອງວ່າການແຂວງ, ສະຫາຍ ໄຊລະຄອນ ອີນທິວົງ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ສະຫາຍ ເພັດຈີນດາ ແກ້ວຫຼວງໂຄດ ເລຂາຄະນະຊາວໜຸ່ມຮາກຖານຫ້ອງວ່າການແຂວງ, ມີບັນດາແຂກທີ່ີຖືກເຊີນຈາກບັນດາອົງການຈັດຕັ້ງອ້ອມຂ້າງ, ບັນດາອົງການຈັດຕັ້ງມະຫາຊົນ ແລະ ສະມາຊິກຊາວໜຸ່ມຮາກຖານຫ້ອງວ່າການແຂວງເຂົ້້າຮ່ວມຢ່າງພ້ອມພຽງ.

ສະຫາຍ ເພັດຈີນດາ ແກ້ວຫຼວງໂຄດ ເລຂາຊາວໜຸ່ມຮາກຖານ ຫ້ອງວ່າການແຂວງ ໄດ້ໃຫ້ກຽດຂຶ້ນຜ່ານບົດລາຍງານການເມືອງ 5 ປີທີ່ຜ່ານມາ ເຊິ່ງສະຫາຍໄດ້ຍົກໃຫ້ເຫັນເຖິງຜົນງານ ແລະ ຜົນສຳເລັດຫຼາຍຢ່າງທີ່ພົ້ນເດັ່ນ ທີ່ສາມາດຍາດມາໄດ້ໃນໄລຍະ 5 ປີຜ່ານມາ ເຊິ່ງສະແດງໃຫ້ເຫັນວ່າ ຄະນະຮາກຖານຊາວໜຸ່ມຫ້ອງວ່າການ ໄດ້ເອົາໃຈໃສ່ສຶກສາອົບຮົມ ການເມືອງ-ແນວຄິດ ໃຫ້ແກ່ສະມາຊິກຊາວໜຸ່ມໃນຂົງເຂດຮັບຜິດຊອບຂອງຕົນຢ່າງເປັນປົກກະຕິ, ປຸກລະດົມສະມາຊິກຊາວໜຸ່ມໃຫ້ປະກອບສ່ວນເຂົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກ, ມະຕິຄຳສັ່ງຕ່າງໆ, ລະບຽບກົດໝາຍຂອງລັດ ກໍ່ຄືຂອງຄະນະຊາວໜຸ່ມ ປປລ ວາງອອກ ຢ່າງເປັນປົກກະຕິ ແລະ ໜັກແໜ້ນ, ພ້ອມນີ້ໄດ້ນຳພາສະມາຊິກຊາວໜຸ່ມຂອງຕົນເຂົ້າໃນຂະບວນການຕ່າງໆຢ່າງພ້ອມພຽງ ແລະ  ໄດ້ສຳເລັດຕາມແຜນການທີ່ວາງໄວ້, ຊຸກຍູ້ສົ່ງເສີມມະຫາຊົນຜູ້ກ້າວໜ້າໃຫ້ໄດ້ເຂົ້າເປັນສະມາຊິກພັກສຳຮອງແລະສົມບູນ ພ້ອມທັງໄດ້ຈັດສົ່ງໄປຍົກລະດັບທາງດ້ານທິດສະດີ ແລະ ວິຊາສະເພາະຫລາຍສະຫາຍ, ປະກອບສ່ວນເຂົ້າໃນຂະບວນການລວມທາງດ້ານວັດທະນະທຳ- ສັງຄົມ, ຂະບວນການອອກແຮງງານ, ຂະບວນດ້ານວິຊາສະເພາະ ແລະ ຂະບວນການອື່ນໆ ທີ່ການຈັດຕັ້ງຈັດຂຶ້ນ, ຊຸກຍູ້ສົ່ງເສີມການສ້າງເງື່ອນໄຂ ແລະ ນຳພາຄອບຄົວສ້າງອາຊີບເສີມດ້ວຍການປູກ-ການລ້ຽງເພື່ອສ້າງລາຍຮັບເຂົ້າຄອບຄົວໃຫ້ເຂັ້ມແຂງຂື້ນເທື່ອລະກ້າວ.

ໃນໂອກາດທີ່ມີຄວາມໝາຍຄວາມສຳຄັນນີ້ ກໍ່ໄດ້ມີພິທີ ມອບໃບຍ້ອງຍໍ ແລະ ຊົມເຊີຍ ໃຫ້ສະມາຊີກທີ່ມີຜົນງານດີເດັ່ນໃນຂະບວນການຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນປະຕິວັດລາວ ແລະ ມອບທຸງໄຊນຳໜ້າ ໃຫ້ແກ່ຮາກຖານຊາວໜຸ່ມຫ້ອງວ່າການແຂວງ ປະຈຳປີ 2022. ອີງຕາມວາລະຂອງກອງປະຊຸມ ກໍ່ໄດ້ມີການກ່າວລາໜ້າທີ່ຂອງຄະນະຊາວໜຸ່ມຮາກຖານຫ້ອງວ່າການແຂວງຊຸດເກົ່າ ແລະ ໄດ້ມີການປ່ອນບັດຄັດເລືອກເອົາຄະນະຊາວໜຸ່ມຮາກຖານຫ້ອງວ່າການແຂວງ ຊຸດໃຫມ່ ເຊິ່ງບັນດາສະມາຊິກຊາວໜຸ່ມຮາກຖານຫ້ອງວ່າການແຂວງ ກໍ່ໄດ້ພ້ອມພຽງກັນໃຊ້ສິດປະຊາທິປະໄຕຂອງຕົນ ເພື່ອປ່ອນບັດຄັດເລືອກເອົາຄະນະຮາກຖານຊາວໜຸ່ມຊຸດໃໝ່ ເຊິ່ງມີຜູ້ລົງສະໝັກ 5 ສະຫາຍ, ຍິງ 1 ສະຫາຍ, ເລືອກເອົາ 3 ສະຫາຍ. ຜ່ານການປ່ອນບັດ ແລະ ກອງປະຊຸມຄັ້ງປະຖົມມະລືກນີ້ ໄດ້ເອກະພາບເລືອກເອົາ ສະຫາຍ ເພັດຈີນດາ ແກ້ວຫຼວງໂຄດ ທີ່ມີຄະແນນສູງສຸດ ເປັນເລຂາ, ໄດ້ເລືອກເອົາ ສະຫາຍ ນ ລັດດາວັນ ກອງບົວຄຳ ເປັນຮອງເລຂາ ພ້ອມທັງເປັນປະທານກວດກາ ແລະ ເລືອກເອົາສະຫາຍ ອາລຸນ ພົນເສນາ ເປັນຄະນະ.

ເພື່ອເຮັດໃຫ້ກອງປະຊຸມຄັ້ງນີ້ ມີຄວາມໝາຍຄວາມສຳຄັນ ຄະນະປະທານກໍ່ໄດ້ມີຄຳຄິດຄຳເຫັນໂອ້ລົມຕໍ່ກອງປະຊຸມຄັ້ງນີ້ ໂດຍກ່ອນອື່ນ ສະຫາຍ ໄຊລະຄອນ ອີນທິວົງ ຮອງເລຂາຄະນະບໍລິຫານງານຊາວໜຸ່ມແຂວງ ໄດ້ສະແດງຄວາມຮູ້ບຸນຄຸນ ຄວາມຂອບໃຈ ຕໍ່ຄະນະພັກຄະນະນຳຂອງຫ້ອງວ່າການແຂວງ ທີ່ໄດ້ມີຄວາມເອົາໃຈໃສ່ ໄກ້ຊິດຕິດແທດ ໃຫ້ຄວາມເປັນຮ່ວງເປັນໃຍ ແລະ ໃຫ້ການນຳພາ ຊີ້ນຳຕໍ່ຮາກຖານຊາວໜຸ່ມຫ້ອງວ່າການແຂວງໃນໄລຍະຜ່ານມາຢ່າງປົກກະຕິ ແລະ ສະຫາຍຍັງໄດ້ຍໍ້ຍໍຊົມເຊີຍຕໍ່ ຄະນະຊາວໜຸ່ມຮາກຖານ ຫ້ອງວ່າການແຂວງທີ່ຍາດໄດ້ຜົນສຳເລັດທີ່ພົ້ນເດັ່ນຫລາຍຢ່າງໃນໄລຍະ 5 ປີ ຜ່ານມາທີ່ສະແດງອອກໃນບົດລາຍງານການເມືອງ 5 ປີທີ່ຜ່ານມານັ້ນ ແລະ ສະຫາຍຍັງໄດ້ເນັ້ນໃຫ້ຄະນະຊາວໜຸ່ມຮາກຖານຊຸດໃຫມ່ ພ້ອມສະມາຊີກ ຈົ່ງຍົກສູງ ແລະ ຮັກສາມູນເຊື້ອ ຕາມຄັນທຸງນຳໜ້າຢ່າງມີກຽດສະງ່າ, ຈົ່ງສືບຕໍ່ເຊີດຊູ ຄຸນທາດການເມືອງ-ແນວຄິດ, ຄຸນນະທຳ ສີນທຳປະຕິວັດ, ມີສະຕິຕື່ນຕົວສູງໃນການຈັດຕັ້ງປະຕິບັດໜ້າທີ່ວຽກງານຂອງຕົນໃນນາມເປັນສະມາຊີກ ຊາວໜຸ່ມປະຊາຊົນປະຕິວັດລາວ, ເປັນເຈົ້້າການປະກອບສ່ວນເຂົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກ, ມະຕິຄຳສັ່ງຕ່າງໆ, ລະບຽບກົດໝາຍຂອງລັດ ກໍ່ຄືຂອງຄະນະຊາວໜຸ່ມ ປປລ ວາງອອກ ຢ່າງເປັນປົກກະຕິ ແລະ ໜັກແໜ້ນ, ຈົ່ງພ້ອມກັນສືບຕໍ່ຈັດຕັ້ງປະຕິບັດຕາມແຜນງານ 5 ປີໃນຕໍ່ໜ້າໃຫ້ເກິດດອກອອກຜົນເປັນຈິງ ຕາມຄາດໝາຍ

ຂ່າວ-ພາບ ວິໄລສັກ ແກ້ວຫຼວງໂຄດ