banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:166
ມື້ວານນີ້:ມື້ວານນີ້:440
ອາທິດນີ້:ອາທິດນີ້:993
ເດືອນນີ້:ເດືອນນີ້:12963
ທັງໝົດ:ທັງໝົດ:827584

Lao National Radio

radio

ແຜນທີແຂວງ ອັດຕະປື

administrative map

 

 

 

ຫ້ອງວ່າການແຂວງ ຈັດກອງປະຊຸມ

ສຳມະນາແລກປ່ຽນບົດຮຽນ ພາຍໄຕ້ຫົວຂໍ້ ການກຳນົດວິເຄາະຕຳແໜ່ງງານ ຂົງເຂດຫ້ອງວ່າການ

ໃນຕອນບ່າຍຂອງວັນທີ 8 ມີຖຸນາ 2023 ນີ້ ຫ້ອງວ່າການແຂວງ ໄດ້ຈັດກອງປະຊຸມສຳມະນາແລກປ່ຽນບົດຮຽນ ພາຍໄຕ້ຫົວຂໍ້ ການກຳນົດວິເຄາະຕຳແໜ່ງງານ ຂົງເຂດຫ້ອງວ່າການ ຂື້ນທີ່ຫ້ອງປະຊຸມຊັ້ນ 5 ຕຶກສຳນັກງານອົງການປົກຄອງແຂວງ ໂດຍການໃຫ້ກຽດເປັນປທານຂອງ ທ່ານ ປອ ຄຳພັນ ແກ້ວມະນີ ຄະນະພັກຮາກຖານ, ຮອງຫົວໜ້າຫ້ອງວ່າການແຂວງ, ມີທ່ານຕາງໜ້າຈາກພະແນກພາຍໃນແຂວງ, ຫ້ອງວ່າການຈາກ 5 ເມືອງ ແລະ ພະນັກງານກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້ໄດ້ຮັບຟັງການຜ່ານຮ່າງຕົວຢ່າງບົດວິເຄາະກຳນົດຕຳແໜ່ງງານ ເພື່ອເປັນບ່ອນອີງໃຫ້ແກ່ການດຳເນີນ ກອງປະຊຸມສຳມະນາແລກປ່ຽນບົດຮຽນກ່ຽວກັບການກຳນົດຕຳ   ແໜ່ງງານໃນຂົງເຂດຫ້ອງວ່າການແຂວງ ແລະ ເມືອງ ຄັ້ງນີ້ ໄດ້ດຳເນີນໄປຕາມທິດທາງ ແລະ ຄາດໝາຍທີ່ວາງໄວ້, ຈາກນັ້ນ ບັນດາຜູ້ແທນກອງປະຊຸມ ກໍ່ໄດ້ຮ່ວມກັນ ອອກຄຳຄິດຄຳເຫັນ, ປຶກສາຫາລື, ຊ່ວຍກັນຄົ້ນຄວ້າ, ວີເຄາະ ຕໍ່ກັບບັນຫາ ແລະ ຄວາມຍຸ້ງຍາກໃນການຈັດຕັ້ງປະຕິບັດວຽກງານ ການກຳນົດຕຳແໜ່ງງານຕ່າງໆ ໃນຂົງເຂດຫ້ອງວ່າການ ໃນໄລຍະຜ່ານມາ ແລະ ພ້ອມກັນຄົ້ນຄວ້າຫາທາງອອກ ແລະ ວິທີແກ້ໄຂ ເພື່ອເຮັດໃຫ້ການວຽກງານດັ່ງກ່າວນັ້ນ ໄດ້ຮັບການຈັດຕັ້ງປະຕິບັດຢ່າງຖືກຕ້ອງ, ສອດຄ່ອງ ແລະ ເໝາະສົມຕາມສະພາບ ແລະ ໜ້າວຽກຕົວຈິງ,

ທັງນີ້ ກໍ່ແມ່ນເພື່ອເຮັດໃຫ້ທຸກວຽກງານ, ທຸກຂະແໜງການໃນຂົງເຂດຫ້ອງວ່າການ ໄດ້ມີການຈັດແບ່ງໜ້າທີ່ ແລະ ຄວາມຮັບຜິດຊອບວຽກງານຕ່າງໆນັ້ນ ໄດ້ເປັນໄປຕາມລະບົບ ແລະ ກົນໄກທີ່ສະດວກ, ຈະແຈ້ງ ແລະ ສອດຄ່ອງຕາມລະບຽບການຢ່າງແທ້ຈິງ ເພື່ອເຮັດໃຫ້ການປະຕິບັດໜ້າທີ່ ແລະ ພາລະບົດບາດຂອງການເປັນເສນາທິການໃຫ້ແກ່ການນຳ ມີປະສິດທິພາບ ແລະ ປະສິດທິຜົນ ຕາມຄາດໝາຍທີ່ວາງໄວ້ໃຫ້ດີຂື້ນເປັນກ້າວໆ.

ຂ່າວ: ວິໄລສັກ ແກ້ວຫຼວງໂຄດ