banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:152
ມື້ວານນີ້:ມື້ວານນີ້:443
ອາທິດນີ້:ອາທິດນີ້:2392
ເດືອນນີ້:ເດືອນນີ້:152
ທັງໝົດ:ທັງໝົດ:607489

Lao National Radio

radio

ແຜນທີແຂວງ ອັດຕະປື

administrative map

 

 

ຫ້ອງວ່າການແຂວງ ແລະ ຫ້ອງວ່າການ 5 ເມືອງ ໄດ້ຈັດກອງປະຊຸມ ພົບປະແລກປ່ຽນບົດຮຽນ

ໃນຕອນເຊົ້າ ຂອງວັນທີ 2 ເມສາ 2022 ທີ່ຜ່ານມານີ້ ຫ້ອງວ່າການແຂວງ ແລະ ຫ້ອງວ່າການ 5 ເມືອງ ໄດ້ຈັດກອງປະຊຸມ ພົບປະແລກປ່ຽນ ບົດຮຽນຂື້ນ ເຊິ່ງເປັນກອງປະຊຸມພົບປະແລກປ່ຽນ ຄັ້ງທີ 2 ທີ່ຫ້ອງປະຊຸມຫ້ອງວ່າການ ເມືອງພູວົງ ໂດຍໃຫ້ກຽດ ຮ່ວມເປັນປະທານ ຂອງທ່ານ ປອ ຄຳພັນ ແກ້ວມະນີ ຮອງຫົວຫນ້າ ຫ້ອງວ່າການແຂວງ ແລະ ທ່ານ ສຸກັນ ມຽງລາວັນ ຫົວຫນ້າຫ້ອງວ່າການ ເມືອງພູວົງ ໂດຍມີ ບັນດາຫົວຫນ້າ ແລະ ຄະນະຫ້ອງວ່າການ 5 ເມືອງ, ຫົວຫນ້າ ແລະ ຮອງຂະແໜງ ຫ້ອງວ່າການແຂວງ, ຫົວຫນ້າ ແລະ ຮອງໜ່ວຍງານ ພ້ອມດ້ວຍ ພະນັກງານ-ວິຊາການ ຫ້ອງວ່າການແຂວງ ແລະ ຫ້ອງວ່າການ 5 ເມືອງເຂົ້າຮ່ວມ.

ກອງປະຊຸມພົບປະແລກປ່ຽນບົດຮຽນຄັ້ງນີ້ ແມ່ນໄດ້ຮັບຟັງການລາຍງານ ການເຄື່ອນໄຫວ ຈັດຕັ້ງປະຕິບັດວຽກງານຮອບດ້ານ ຂອງຫ້ອງວ່າການແຂວງ ແລະ ຫ້ອງວ່າການ 5 ເມືອງ ໃນໄລຍະຜ່ານມາ, ຈາກນັ້ນກອງປະຊຸມຍັງໄດ້ຄົ້ນຄວ້າ, ປຶກສາຫາລື, ຕີລາຄາ ແລະ ປະກອບຄຳຄິດຄຳເຫັນ ເພື່ອແລກປ່ຽນບົດຮຽນເຊິ່ງກັນ ແລະ ກັນ ຢ່າງເລິກເຊິ່ງ, ພົດພື້ນ ແລະ ສ້າງສັນ ຮູ້ເຖິງສາເຫດທີ່ພາໃຫ້ມີຈຸດດີ, ຈຸດອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ວິທີແກ້ໄຂໃນຕໍ່ໜ້າ ເພື່ອນຳເອົາບົດຮຽນທີ່ຖອດຖອນໄດ້ນັ້ນ ໄປຫນູນໃຊ້ເຂົ້າໃນການຈັດຕັ້ງປະຕິບັດຕົວຈິງໃນຕໍ່ໜ້າຕາມພາລະບົດບາດ ການເປັນເສນາທິການໃຫເແກ່ການນຳ ໃຫ້ເກິດດອກ ອອກຜົນ, ມີປະສິດທິຜົນ ແລະ ປະສິດທິພາບຢ່າງໜັກແໜ້ນ.

  ໃນຕອນທ້າຍ ຂອງກອງປະຊຸມ ທ່ານ ປອ ຄຳພັນ ແກ້ວມະນີ ຮອງຫົວຫນ້າຫ້ອງວ່າການແຂວງ ໄດ້ມີຄຳເຫັນໂອລົມຕໍ່ກອງປະຊຸມ ເຊິ່ງກ່ອນອື່ນ ທ່ານກໍ່ໄດ້ສະແດງ ຄວາມຊົມເຊີຍ ແລະ ສະແດງຄວາມ ເປັນເອກະພາບ ຕໍ່ກອງປະຊຸມ ກໍ່ຄືຕໍ່ກັບການຄົ້ນຄ້ວາ, ຕີລາຄາ ແລະ ການປະກອບຄຳຄິດ ຄຳເຫັນ ຂອງບັນດາທ່ານ ຜູ້ເຂົ້າຮ່ວມກອງປະຊຸມ ພ້ອມເນັ້ນໃຫ້ສືບຕໍ່ເອົາໃຈໃສ່ ພັດທະນາດ້ານດີ ແລະ ແກ້ໄຂດ້ານອ່ອນ ໃນຂົງເຂດວຽກງານ ຫ້ອງວ່າການຢ່າງຈິງຈັງ ແລະ ຊອກໃຫ້ເຫັນສາເຫດ ແລ້ວພ້ອມກັນແກ້ໄຂໃຫ້ຖືກຕ້ອງ ແລະ ສອດຄ່ອງ, ເອົາໃຈໃສ່ຄວາມສາມັກຄີ ຮັກແພງເຊິ່ງກັນ ແລະ ກັນ, ພ້ອມກັນນຳເອົາເນື້ອໃນຈິດໃຈ ຂອງກອງປະຊຸມຄັ້ງນີ້ ນຳໄປຜັນຂະຫຍາຍ ນຳໃຊ້ເຂົ້າໃນການຈັດຕັ້ງ ປະຕິບັດວຽກງານຕາມ ສິດພາລະບົດບາດ ຂອງຕົນໃຫ້ດີຂື້ນ ແລະ ມີຜົນສຳເລັດຢ່າງຈົບງາມ.

ໂອກາດດຽວກັນນີ້ ຫລັງຈາກສຳເລັດ ກອງປະຊຸມ ຫ້ອງວ່າການແຂວງ ແລະ ຫ້ອງວ່າການ 5 ເມືອງ ກໍ່ໄດ້ຈັດກິດຈະກຳ ແຂ່ງຂັນກິລາເປຕັງຮ່ວມກັນ ທີ່ເດີ່ນກິລາເປຕັງຫ້ອງການສຶກສາເມືອງພູວົງ ເພື່ອເພີ່ມທະວີຮັດແໜ້ນ ຄວາມສາມັກຄີຮັກແພງ.


ຂ່າວ-ພາບ ວິໄລສັກ ແກ້ວຫລວງໂຄດ.