banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:93
ມື້ວານນີ້:ມື້ວານນີ້:467
ອາທິດນີ້:ອາທິດນີ້:1552
ເດືອນນີ້:ເດືອນນີ້:93
ທັງໝົດ:ທັງໝົດ:569300

Lao National Radio

radio

ແຜນທີແຂວງ ອັດຕະປື

administrative map

 

 

 

ຫ້ອງວ່າການແຂວງ  ສະຫລຸບວຽກງານປະຈຳປີ 2021 ແລະ ທິດທາງແຜນການປີ 2022

ໃນວັນທີ 27 ມັງກອນ 2022 ນີ້, ຫ້ອງວ່າການແຂວງ ໄດ້ມີກອງປະຊຸມ ສະຫລຸບວຽກງານປະຈຳປີ 2021 ແລະ ທິດທາງແຜນການປີ 2022 ຂື້ນທີ່ຫໍປະຊຸມໃຫຍ່ຂອງແຂວງ ໂດຍການເປັນປະທານຂອງ ທ່ານ ສຸລິຈັນ ພອນແກ້ວ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ, ໃຫ້ກຽດເຂົ້າຮ່ວມໃນກອງປະຊຸມມີບັນທ່ານຮອງເລຂາພັກແຂວງ, ທ່ານຮອງເຈົ້າແຂວງ, ບັນດາທ່ານຫົວໜ້າພະແນກ, ຕາງໜ້າພະແນກການ, ກອງບັນຊາການ ປກຊ, ກອງບັນຊາການ ປກສ ແຂວງ, ອົງການຈັດຕັ້ງມະຫາຊົນ, ອົງການທຽບເທົົ່າອ້ອມຂ້າງແຂວງ, ບັນດາທ່ານເຈົ້າເມືອງ 5 ເມືອງ, ບັນດາຄະນະພັກ-ຄະນະຫ້ອງວ່າການແຂວງ, ຫົວໜ້າຂະແໜງ, ຮອງຂະແໜງ ຕະຫຼອດຮອດພະນັກງານ-ລັດຖະກອນ ຫ້ອງວ່າການແຂວງທັງໝົດເຂົ້າຮ່ວມຢ່າພ້ອມພຽງ.

ທ່ານ ສຸລິຈັນ ພອນແກ້ວ ຫົວໜ້າຫ້ອງວ່າການແຂວງ, ປະທານກອງປະຊຸມ ໄດ້ມີຄໍາເຫັນກ່າວເປີດກອງປະຊຸມວ່າ : ມື້ນີ້, ໃນທາມກາງບັນຍາກາດ ທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວບັນດາເຜົ່າ ເວົ້າລວມ, ເວົ້າສະເພາະ ຊາວແຂວງອັດຕະປື ພວມອອກແຮງແຂ່ງຂັນໃນການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກ ແລະ ຂອງອົງຄະນະພັກແຂວງ.  ຈຸດປະສົງຂອງກອງປະຊຸມ ກໍ່ເພື່ອເປັນການຕີລາຄາໝາກຜົນຂອງການນໍາພາ-ຊີ້ນຳຂອງຄະນະຫ້ອງວ່າການແຂວງ, ການຈັດຕັ້ງປະຕິບັດວຽກງານວິຊາສະເພາະຂອງບັນດາຂະແໜງການຂອງຫ້ອງວ່າການແຂວງ ທີ່ໄດ້ເຮັດໜ້າທີ່ເປັນເສນາທິການໃຫ້ແກ່ການນຳຂັ້ນແຂວງ ເຊິ່ງພວກເຮົາຈະໄດ້ຕີລາຄາດ້ານດີ, ດ້ານຄົງຄ້າງ, ວິທີແກ້ໄຂໃນຕໍ່ໜ້າ ແລະ ຈະໄດ້ວາງທິດທາງແຜນການໃນໄລຍະປີ 2022 ເພື່ອສືບຕໍ່ປະຕິບັດວຽກງານຫ້ອງວ່າການແຂວງ ຕາມພາລະບົດບາດ, ຂອບເຂດສິດ ທີ່ໄດ້ກຳນົດໄວ້ ໂດຍສະເພາະແມ່ນການປະຕິບັດ 3 ພາລະບົດບາດຄື: ການເປັນເສນາທິການທີ່ດີ, ການປະສານງານທີ່ດີ ແລະ ການບໍລິຫານ-ບໍລິການຮັບໃຊ້ທີ່ດີ ໃຫ້ມີຄວາມໜັກແໜ້ນເຂັ້ນແຂງ ຫັນໄປສູ່ທັນສະໄໝເທື່ອລະກ້າວ.
ກອງປະຊຸມຍັງໄດ້ຮັບຟັງການລາຍງານ ບົດສະຫລຸບວຽກງານຂອງຫ້ອງວ່າການແຂວງ ປີ 2021 ແລະ ທິດທາງແຜນການປີ 2022.ເຊິ່ງໃຫ້ກຽດຂື້ນຜ່ານໂດຍ ທ່ານ ລັດສະຫມີ ວັນໄຊ ຄະນະພັກຮາກຖານ, ຮອງຫົົວໜ້າຫ້ອງວ່າການແຂວງ ເຊິ່ງມີບາງຜົນສຳເລັດທີ່ພົ້ນເດັ່ນດັ່ງນີ້:

1,) ວຽກຄຸ້ມຄອງບໍລິຫານ, ພິທີການ, ການ​ເງິ​ນ ແລະ ໄອທີ : ໄດ້ເອົາໃຈໃສ່ໃນການຄຸ້ມຄອງເອກະສານ ຂາເຂົ້າ-ຂາອອກ, ແຈກຢາຍເອກະສານຕາມລະບົບກົນໄກການຈາລະຈອນເອກະສານພາຍໃນຫ້ອງວ່າການແຂວງ ທີ່ໄດ້ກໍານົດໄວ້, ໄດ້ຮັບເອກະສານຂໍລາຍເຊັນຄະນະປະຈໍາພັກແຂວງ ແລະ ເຈົ້າແຂວງ 1.262 ສະບັບ, ເອກະສານຂາອອກທີ່ໄດ້ປະທັບຕາທັງໝົດ 2.714 ສະບັບ, ສົ່ງເອກະສານເປັນຊອງ 1.612 ຊອງແລະ ເອກະສານອື່ນໆ 785 ສະບັບ; ຈັດເອກະສານເຂົ້າຫ້ອງສໍາເນົາທັງໝົດ 2.525 ສະບັບ, ໄດ້ເອົາໃຈໃສ່ປັບປຸງ, ສ້ອມແປງ, ເພີ່ມເຕີມ ສິ່ງອໍານວຍຄວາມສະດວກ ແລະ ປັບປຸງເພີ່ມເຕີມໃນສ່ວນທີ່ຍັງບໍ່ທັນມີ ຢູ່ສໍານັກງານອົງການປົກຄອງແຂວງ ເປັນຕົ້ນ: ສ້າງຫລັກທຸງຊາດ-ທຸງພັກ ຢູ່ໜ້າສໍານັກງານອົງການປົກຄອງແຂວງ, ສ້າງບ່ອນຈອດລົດເພີ່ມເຕີມ 4 ຫລັງ, ປັບປຸງປ່ຽນຖ່າຍລະບົບໂປມນ້ຳບາດານ, ໂປມນ້ຳສົ່ງຂຶ້ນຕຶກ ແລະ ປັບປຸງແກ້ໄຂທໍ່ນ້ຳຕັນ ໃຫ້ໄດ້ນໍາໃຊ້ສະດວກຕາມປົກກະຕິ; ໄດ້ເອົາໃຈໃສ່ຕິດຕາມ, ກວດກາ, ບໍາລຸງຮັກສາ ແລະ ສ້ອມແປງປ່ຽນຖ່າຍລະບົບດອກໄຟ, ລະບົບຫ້ອງນໍ້າ ຢູ່ຕຶກສໍານັກງານອົງການປົກຄອງແຂວງ, ຫໍປະຊຸມ ແລະ ຢູ່ເຮືອນພັກປະຈໍາຕຳແໜ່ງເຈົ້າແຂວງ; ປ່ຽນຈາກລະບົບ Lead line 60 MB ມາເປັນລະບົບ FTTX 180 MB, ປັບປຸງລະບົບວາຍຟາຍ ( Wifi System ) ຈາກ Unifi ມາເປັນ Aruba ສາມາດຮອງຮັບຜູ້ເຂົ້າໃຊ້ 1.120 ເຄື່ອງ ຫລື User ລະບົບ; ໄດ້ເອົາໃຈໃສ່ຄຸ້ມຄອງ ແລະ ບໍາລຸງຮັກສາພາຫານະລວມຂອງແຂວງ, ຂອງຫ້ອງວ່າການແຂວງ ໃຫ້ຢູ່ໃນສະພາບພ້ອມໃຊ້ງານຕະຫລອດເວລາ, ສ້າງແຜນສະເໜີຂັ້ນເທິງອະນຸມັດບໍາລຸງຮັກສາ ແລະ ສ້ອມແປງໃຫຍ່ ພາຫານະລວມຂອງແຂວງ; ໄດ້ເອົາໃຈໃສ່ຄຸ້ມຄອງລາຍຮັບ-ລາຍຈ່າຍ, ສ້າງແຜນລາຍຈ່າຍ ໄປຕາມລະບຽບ ແລະ ນະໂຍບາຍລວມຂອງແຂວງ ແລະ ໄດ້ເບີກຈ່າຍທັງໝົດຕາມແຜນທີ່ໄດ້ກໍານົດໄວ້ ເປັນຕົ້ນ: ເບີກຈ່າຍເງິນເດືອນ, ເງິນໄປວຽກທາງການຂອງຄະນະຫ້ອງວ່າການ, ການນໍາຂອງແຂວງ, ເງິນອັດຕານ້ຳມັນ-ໂທລະສັບປະຈໍາງວດ, ເງິນຕັດເຄື່ອງແບບປະຈໍາປີ 2021 ແລະ ເງິນຮ່ວງອື່ນທັນຕາມກໍານົດເວລາ. ນອກນີ້ ກໍ່ຍັງໄດ້ມີການສະຫລຸບປະຈໍາເດືອນ ເປັນປົກກະຕິ.
2,) ວຽກຄົ້ນຄວ້າສັງລວມ :ໄດ້ເອົາໃຈໃສ່ຄົ້ນຄວ້າ, ວິເຄາະ, ວິໃຈ ແລະ ມີຄໍາເຫັນທາງດ້ານວິຊາການຕໍ່ບັນດາເອກະສານ ຂອງພາກສ່ວນຕ່າງໆ ເພື່ອສະເໜີຂັ້ນເທິງຊີ້ນໍາ ແລະ ອະນຸມັດ ປະກອບມີ: ມະຕິຕົກລົງຄະນະປະຈໍາພັກແຂວງ 236 ສະບັບ, ຂໍ້ຕົກລົງເຈົ້າແຂວງ ແລະ ເອກະສານອື່ນໆ 1.149 ສະບັບ, ຮ່າງແຈ້ງການຕາມຄໍາເຫັນຊີ້ນໍາຂອງຄະນະປະຈໍາພັກແຂວງ ແລະ ເຈົ້າ ແຂວງ-ຮອງເຈົ້າແຂວງ 373 ສະບັບ; ຊ່ວຍກະກຽມເນື້ອ ແລະ ເອກະສານກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 2, 3, 4 ສະໄໝທີ XI ແລະ ກອງປະຊຸມອົງການປົກຄອງແຂວງ ງວດທີ 1 ຫາ 4 ປີ 2021; ສັງລວມສະຫລຸບລາຍງານສະພາບພົ້ນເດັ່ນ ໃນການຊີ້ນຳ-ນຳພາຂອງຄະນະບໍລິຫານງານພັກແຂວງ ແລະ ວຽກງານອົງການປົກຄອງແຂວງປະຈຳ​ເດືອນ ແລະ ທິດທາງແຜນການຕໍ່ໄປ ລາຍ​ງານ​ໃຫ້​ຫ້ອງ​ວ່າການ​ສູນ​ກາງ​ພັກ, ສຳນັກງານນາຍົກລັດຖະມົນຕີ ແລະ ສຳນັກງານປະທານປະເທດ
3,) ວຽກຈັດຕັ້ງ ແລະ ກວດກາ : ຄົ້ນຄວ້າການປະຕິບັດນະໂຍບາຍ ຕໍ່ກັບພະນັກງານລັດຖະກອນ ແລະ ຄອບຄົວ ທີ່ເກີດລູກ, ອຸປະຕິເຫດ, ເສຍຊິວິດ ທັງໝົດ 9 ຄັ້ງ, ເອົາໃຈໃສ່ຂຽນແຜນກໍານົດຕໍາແໜ່ງງານຂອງຫ້ອງວ່າການແຂວງ ພ້ອມທັງລາຍງານໃຫ້ຂັ້ນເທິງສໍາເລັດ, ຜ່ານແຜນຈໍານວນພົນເງິນເດືອນປະຈໍາງວດ 1-4 ປີ 2021,​ ປ້ອນຂໍ້ມູນລັດຖະກອນເຂົ້າລະບົບຖານຂໍ້ມູນເອເລັກໂຕຣນິກສຳ ເລັດ, ສະຫລຸບການເຄື່ອນໄຫວນໍາພາ-ຊີ້ນໍາຂອງຄະນະພັກຮາກຖານ ແລະ ວຽກປ້ອງກັນພັກ ໄລຍະ ປີ 2020 ແລະ ທິດທາງປີ 2021;ໄດ້ເອົາໃຈໃສ່ຕິດຕາມ, ກວດກາໂຄງການລຶບລ້າງຄວາມທຸກຍາກເເຫ່ງຊາດ ແລະ ກະກຽມເປີດກອງປະຊຸມເຜີຍ ແຜ່ວາລະການພັດທະນາແບບຍືນຍົງ ປີ 2030 ຢູ່ແຂວງອັດຕະປື; ກະກຽມເອກະສານ ເພື່ອລົງຕິດຊຸກຍູ້ວຽກງານຈັດຕັ້ງ ແລະ ກວດກາ ຕາມທິດ 3 ສ້າງຢູ່ 5 ເມືອງ ສໍາເລັດໂດຍພື້ນຖານ; ຮ່າງນິຕິກໍາກ່ຽວກັບວຽກກວດສອບ, ການປະສານງານວຽກກວດສອບທີ່ກວດເຫັນເພີ່ມ 9 ເປົ້າໝາຍ ປີ 2021.
ຂ່າວ-ພາບ ວິໄລສັກ ແກ້ວຫລວງໂຄດ