ວັນທີ 15 ກັນຍາ 2021 ທີ່ຫ້ອງປະຊຸມຊັ້ນ 5 ສຳນັກງານອົງການປົກຄອງແຂວງ ຄະນະຊາວໜຸ່ມຮາກຖານຫ້ອງວ່າການແຂວງ ໄດ້ຈັດກອງປະຊຸມເຜີຍແຜ່, ເຊື່ອມຊືມເອກະສານສຳຄັນຂອງຄະນະຊາວໜຸ່ມ ປປລ ສະໄໝທີ VIII ແລະ ທາບທາມຄະນະຊາວໜຸ່ມຮາກຖານ ຫ້ອງວ່າການແຂວງເພີ່ມເຕີມ 1 ສະຫາຍ. ພາຍໃຕ້ການເປັນປະທານຂອງສະຫາຍ ດາບແກ້ວ ໄຊຍະແສງ ຄະນະພັກຮາກຖານ, ຮອງຫົົວໜ້າຫ້ອງວ່າການແຂວງ, ຜູ້ຊີ້ນຳອົງການຈັດຕັ້ງມະຫາຊົນ ພ້ອມດ້ວຍສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ.
ໃນພິທີ ສະຫາຍ ເພັດຈິນດາ ແກ້ວຫຼວງໂຄດ ເລຂາຄະນະຊາວໜຸ່ມຮາກຖານຫ້ອງວ່າການແຂວງ ແລະ ສະຫາຍ ນາງ ລັດດາວັນ ກອງບົວຄຳ ຮອງເລຂາຄະນະຊາວໜຸ່ມຮາກຖານຫ້ອງວ່າການແຂວງ ໄດ້ຂື້ນເຜີຍແຜ່ 2 ເອກະສານສຳຄັນຄື: ບົດແນະນຳການຈັດຕັ້ງກົດລະບຽບ ແລະ ບົດແນະນຳການຈັດຕັ້ງປະຕິບັດຂະບວນການຂໍ້ແຂ່ງຂັນ 4 ບຸກ ຄະນະຊາວໜຸ່ມ ປປລ ສະໄຫມທີ VIII. ເພື່ອໃຫ້ສະມາຊິກຊາວໜຸ່ມຫ້ອງວ່າການແຂວງ ໄດ້ເຂົ້າໃຈຈະແຈ້ງ, ກຳແໜ້ນຢ່າງລະອຽດ ກໍາແໜັນເລິກເຊິ່ງ ແລະ ເປັນເອກະພາບໃນການຈັດຕັ້ງປະຕິບັດ ກ່ຽວກັບກົດລະບຽບ ແລະ ຂໍ້ແຂ່ງຂັນ 4 ບຸກ. ໃນການຜັນຂະຫຍາຍເປັນແຜນງານ, ໂຄງການ, ບ່ອນອີງ ແລະ ທິດທາງໃນການຈັດຕັ້ງປະຕິບັດວຽກງານຕາມສິດ ແລະ ພາລະບົດບາດຂອງຄະນະຊາວໜຸ່ມຮາກຖານຫ້ອງວ່າການແຂວງ ລົງສູ່ສະມາຊິກຊາວໜຸ່ມໃນການເຄື່ອນໄຫວຂະບວກການຂໍ້ແຂ່ງຂັນ 4 ບຸກ ໃຫ້ສອດຄ່ອງກັບເນື້ອໃນ ແລະ ກົດລະບຽບ ທີ່ສູນກາງຊາວໜຸ່ມ ປປລ ສະໄໝທີ VIII ໄດ້ກຳນົດໄວ້.
ຈາກນັ້ນ, ກອງປະຊຸມໃນດຳເນີນການທາບທາມຄະນະຊາວໜຸ່ມຮາກຖານຫ້ອງວ່າການແຂວງເພີ່ມເຕີມ ແລະ ປ່ອນບັດທາບທາມໄດ້ສະຫາຍ ອາລຸນ ພົນເສນາ ເປັນຄະນະຊາວໜຸ່ມຮາກຖານ ເຊິ່ງມີຜູ້ສະໝັກທັງໝົດ 5 ສະຫາຍ, ຍິງ 1 ສະຫາຍ.
ຂ່າວ: ຫ້ອງວ່າການແຂວງ.