ໃນຕອນເຊົ້າ ຂອງວັນທີ 2 ກຸມພາ 2021 ທີ່ ສໍານັກງານ ອົງການ ປົກຄອງແຂວງ, ຫ້ອງວ່າການ ແຂວງອັດຕະປື ໄດ້ຈັດ ກອງປະຊຸມ ສະຫຼຸບ ວຽກງານ ປະຈຳປີ2020 ແລະ ວາງທິດທາງ ແຜນການ ປີ2021 ໂດຍພາຍໃຕ້ ການເປັນ ປະທານ ຂອງ ທ່ານ ບຸນຮຽນ ແກ້ວບົວພາດ ຮອງເລຂາ ພັກແຂວງ, ມີບັນດາ ທ່ານຄະນະ ຫ້ອງວ່າການ ແຂວງ, ພະນັກງານ ທັງໝົດ ພາຍໃນ ຫ້ອງວ່າການ ແຂວງ, ແຂກຖືກເຊີນ ອອ້ມຂ້າງແຂວງ ແລະ ຫ້ອງວ່າການ ເມືອງ ເຂົ້າຮ່ວມ.

ກອງປະຊຸມ ຄັ້ງນີ້ ໄດ້ ຕີລາຄາ ການເຄື່ອນໄຫວ ແລະ ການຈັດຕັ້ງ ປະຕິບັດ ວຽກງານ ຂອງຫ້ອງວ່າການ ແຂວງ ໄລຍະ 1 ປີ ຜ່ານມາ ໃນແຕ່ລະດ້ານ ເປັນຕົ້ນ: ດ້ານການເມືອງ - ແນວຄິດ ພະນັກງານ ລັດຖະກອນ ພາຍໃນ ຫ້ອງວ່າການ ແຂວງ ຍັງ ຮັກສາໄດ້ ຄຸນທາດ ການເມືອງ, ມີແນວຄິດ ອຸ່ນອ່ຽນ ທຸ່ນທ່ຽງ, ມີຫຼັກໝັ້ນ ການເມືອງ ໜັກແໜ້ນ, ຈຳແນກມິດ - ສັດຕູ່ ຢ່າງຈະແຈ້ງ, ມີສະຕິ ຕື່ນຕົວ ເຄົາລົບ ກົດໝາຍ, ນັບຖື ການຈັດຕັ້ງ, ມີຄວາມ ຮັບຜິດຊອບ ແລະ ສາມາດ ເຮັດຫຼ້ອນ ໜ້າທີ່ ການຈັດຕັ້ງ ມອບໝາຍ, ໄດ້ ຕີລາຄາ ການຈັດຕັ້ງ ປະຕິບັດ ວຽກງານ ດ້ານກົງຈັກ ການຈັດຕັ້ງ - ພະນັກງານ, ດ້ານແບບແຜນ ວິທີນຳພາ ແລະ ວິທີ ເຮັດວຽກ, ດ້ານວຽກງານ ປ້ອງກັນຊາດ - ປ້ອງກັນຄວາມສະຫງົບ ແລະ ການປະຕິບັດ ເນື້ອໃນ ຂໍ້ແຂງຂັນ 3 ດີ 4 ມີ ແລະ 5 ສ ເຊິ່ງແຕ່ລະ ວຽກງານ ດັ່ງກ່າວນັ້ນ ລ້ວນແຕ່ ໄດ້ຈັດຕັ້ງ ປະຕິບັດ ຢ່າງມີ ຜົນສຳເລັດ ເປັນກ້າວໆ ໂດຍສະເພາະ ການປະຕິບັດ ເນື້ອໃນ ຂໍ້ແຂງຂັນ 3 ດີ ເປັນເສນາ ທິການ ທີ່ດີ, ເປັນຜູ້ ປະສານງານ ທີ່ດີ ແລະ ເປັນຜູ້ ບໍລິຫານ - ຮັບໃຊ້ ທີ່ດີ ແມ່ນໄດ້ ນຳພາ ຈັດຕັ້ງ ປະຕິບັດ ມີຄຸນ ນະພາບ ດີຂຶ້ນ ເປັນລຳດັບ ຢ່າງຕໍ່ເນື່ອງ ເປັນຕົ້ນ: ຄວາມສາມາດ ໃນການ ເປັນເສນາ ທິການ ຄົ້ນຄວ້າ ວິໄຈ ບັນຫາຕ່າງໆ ຊ່ວຍການນຳ ໃຫ້ຖືກຕ້ອງ, ການ ປະສານງານ ມີຄວາມ ວ່ອງໄວ, ລະອຽດ ຮັດກຸມ, ການບໍລິການ ມີຄວາມ ສະດວກ, ວ່ອງໄວ ແລະ ທັນເວລາ, ຕີລາຄາ ຜົນສຳເລັດ ໃນການ ປະຕິບັດ ເນື້ອໃນ ຂໍ້ແຂງຂັນ 3 ດີ ໄດ້ ໃນລະດັບປະມານ 98% ແລະ ຄຸນນະພາບ ວຽກ 90-95%, ການປະຕິບັດ ເນື້ອໃນ ຂໍ້ແຂ່ງຂັນ 4 ມີ: ມີຄວາມ ໜັກແໜ້ນ ຕໍ່ແນວທາງ ການເມືອງ ແລະ ການຈັດຕັ້ງ, ມີຄວາມ ສະຫງົບປອດໄພ ແລະ ເປັນລະບຽບ ຮຽບຮ້ອຍ, ມີຄວາມ ສະອາດ ສວຍງາມ ໂດຍພື້ນຖານ ໄດ້ເອົາ ໃຈໃສ່ ຈັດຕັ້ງ ປະຕິບັດ ຢ່າງຕໍ່ເນື່ອງ ແລະ ມີຜົນ ສຳເລັດ 100%, ຄຸນນະພາບ ວຽກ 95-98%, ດ້ານການ ປະຕິບັດ ເນື້ອໃນ ຂໍ້ແຂ່ງ 5 ສ: ສ ສະສາງ, ສ ສະດວກ, ສ ສະອາດ, ສ ສຸຂະ ລັກສະນະ ແລະ ສ ສ້າງນິໄສ ປະຕິບັດໄດ້ 100%, ຄຸນນະພາບ ວຽກ 90%, ພ້ອມນັ້ນ ການປະຕິບັດ ວຽກງານ ວິຊາສະເພາະ ຂອງບັນດາ ຂະແໜງ ພາຍໃນ ຫ້ອງວ່າການ ແຂວງ ກໍ່ໄດ້ ຮັບການ ຈັດຕັ້ງ ປະຕິບັດ ຢ່າງມີ ຜົນສຳເລັດ.

ຄຽງຄູ່ ກັບຜົນສຳເລັດ ທີ່ກ່າວ ມານັ້ນ ກອງປະຊຸມ ຄັ້ງນີ້ ຍັງໄດ້ ຕີລາຄາ ດ້ານດີ, ດ້ານອອ່ນ ແລະ ຂໍ້ຄົງຄ້າງ ເພື່ອບຸກບືນ ປັບປຸງ ແກ້ໄຂ ແລະ ໄດ້ວາງ ທິດທາງແຜນການ ປີ 2021 ເພື່ອສືບຕໍ່ ຍົກສູງ ບົດບາດ ການເປັນ ເສນາ ທິການ ທີ່ດີ, ເປັນຜູ້ ປະສານງານ ທີ່ດີ ແລະ ເປັນຜູ້ ບໍລິຫານ ຮັບໃຊ້ ທີ່ດີ ໃຫ້ແກ່ ການນຳ ແລະ ການພັດທະ ນາ ວຽກງານ ຫ້ອງວ່າການ ແຂວງ ກໍ່ຄື ວຽກງານ ຂອງແຂວງ ໃຫ້ກ້າວສູ່ ຄຸນນະພາບ ດີຂຶ້ນ ເປັນກ້າວໆ.

ໂອກາດນີ້ ທ່ານ ບຸນຮຽນ ແກ້ວບົວພາດ ຮອງເລຂາ ພັກແຂວງ, ປະທານ ກອງປະຊຸມ ໄດ້ມີ ຄຳເຫັນ ໂອ້ລົມ ເຊິ່ງກ່ອນອື່ນ ທ່ານ ໄດ້ຍ້ອງຍໍ ຊົມເຊີຍ ຕໍ່ຜົນງານ ໃນການຈັດຕັ້ງ ປະຕິບັດ ວຽກງານ ໄລຍະ 1 ປີ ຜ່ານມາ ແລະ ຮຽກຮ້ອງ ໃຫ້ຄະນະພັກ, ຄະນະ ຫ້ອງວ່າການ ແຂວງ ແລະ ພະນັກງານ ທັງໝົດ ພາຍໃນ ຫ້ອງວ່າການ ແຂວງ ສືບຕໍ່ຮັກສາ ມູນເຊື້ອ ຜົນສຳເລັດ ຂອງ ວຽກງານຕົນ, ພ້ອມເອົາ ໃຈໃສ່ ໃນການ ຈັດແບ່ງ ໜ້າທີ່ ວຽກງານ ຈັດວາງ ບຸກຄະລາກອນ ເຂົ້າໃນ ວຽກງານ ໃຫ້ຄົບຖ້ວນ ລະອຽດ ຊັດເຈນ, ທຸກຄົນ ໃຫ້ຈັດຕັ້ງ ປະຕິບັດ ໜ້າທີ່ ຄວາມຮັບ ຜິດຊອບ ຂອງຕົນ ໃຫ້ມີ ຜົນສຳເລັດ, ສືບຕໍ່ ເອົາໃຈໃສ່ ສ້າງພັກ ປອດໃສ ເຂັ້ມແຂງ ແລະ ໜັກແໜ້ນ, ເອົາໃຈໃສ່ ປະຕິບັດ ສິດໜ້າທີ່ ເປັນເສນາ ທິການ ໃຫ້ແກ່ ການນຳ 3 ດີ, 4 ມີ ແລະ 5 ສ ໃຫ້ດີຂຶ້ນ ກວ່າເກົ່າ, ຊອກຮູ້ ບັນຫາ ຈຸດອອ່ນ ຂໍ້ຄົງຄ້າງ, ສາເຫດ ທີ່ພາ ໃຫ້ເກີດມີ ບັນຫາ ດັ່ງກ່າວ ແລະ ພ້ອມກັນ ວາງແຜນ ແກ້ໄຂ ໃຫ້ຖືກຈຸດ, ສູ້ຊົນ ຈັດຕັ້ງ ປະຕິບັດ ທິດທາງ ແຜນການ ປີ 2021 ໃຫ້ມີ ຜົນສຳເລັດ ຕາມຄາດໝາຍ.