banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:145
ມື້ວານນີ້:ມື້ວານນີ້:273
ອາທິດນີ້:ອາທິດນີ້:686
ເດືອນນີ້:ເດືອນນີ້:686
ທັງໝົດ:ທັງໝົດ:391446

Lao National Radio

radio

ແຜນທີແຂວງ ອັດຕະປື

administrative map

 

 

ຫ້ອງວ່າການແຂວງອັດຕະປື ເຊື່ອມຊຶມເອກະສານທີ່ສໍາຄັນຂອງພັກ.

ເພື່ອເປັນການ ຜັນຂະຫຍາຍ ແລະ ຈັດຕັ້ງ ປະຕິບັດ ເນື້ອໃນ ເອກະສານ ທີ່ສໍາຄັນ ຂອງພັກ ໃຫ້ໜັກແໜ້ນ ເລິກເຊິ່ງ ເຂົ້າໃນການ ປະຕິບັດ ວຽກງານ ຕົວຈິງ ໃຫ້ບັນລຸ ຕາມຄາດໝາຍ ທີ່ວາງໄວ້ ນັ້ນ, ຫ້ອງວ່າການ ແຂວງອັດຕະປື ໄດ້ຈັດ ກອງປະຊຸມ ເຊື່ອມຊຶມ ເອກະສານ ມະຕິ ກອງປະຊຸມ ໃຫຍ່ ຂອງອົງ ຄະນະພັກ ແຂວງ ຄັ້ງທີ XI ແລະ ເອກະສານມະຕິ ຂອງ ກົມການເມືອງ ສູນກາງພັກ ວ່າດ້ວຍ ການຍົກສູງ ຄຸນນະພາບ ວຽກງານ ການເມືອງ - ແນວຄິດ ໃນໄລຍະ ໃໝ່.

ການເຊື່ອມຊຶມ ເອກະສານ ສໍາຄັນ ຄັ້ງນີ້ ໄດ້ຈັດຂຶ້ນ ໃນຕອນບ່າຍ ຂອງວັນທີ 1 ກຸມພາ 2021 ທີ່ຕຶກ ສໍານັກງານ ອົງການ ປົກຄອງແຂວງ ໂດຍພາຍໃຕ້ ການປັນ ປະທານ ຂອງ ສະຫາຍ ສຸລິຈັນ ພອນແກ້ວ ກໍາມະການ ພັກຂວງ ເລຂາ ຄະນະພັກ ຮາກຖານ ຫົວໜ້າ ຫ້ອງວ່າການ ແຂວງ, ມີບັນດາ ສະຫາຍ ຄະນະພັກ, ຄະນະ ຫ້ອງວ່າການ ແຂວງ, ສະມາ ຊິກພັກ, ພະນັກງານ ທັງໝົດ ພາຍໃນ ຫ້ອງວ່າການ ແຂວງເຂົ້າຮ່ວມ.

ໂອກາດນີ້ ສະຫາຍ ສຸລິຈັນ ພອນແກ້ວ ກໍາມະການ ພັກແຂວງ ເລຂາ ຄະນະພັກ ຮາກຖານ ຫົວໜ້າ ຫ້ອງວ່າການ ແຂວງ ໄດ້ໃຫ້ກຽດ ບັນຍາຍ ເອກະສານ ມະຕິກອງປະຊຸມໃຫຍ່ ຂອງອົງ ຄະນະພັກ ແຂວງ ຄັ້ງທີ XI, ໂດຍເນັ້ນ ໃຫ້ຜູ້ ເຂົ້າຮ່ວມ ໄດ້ເຂົ້າໃຈ ແລະ ກໍາແໜ້ນ ຢ່າງລະອຽດ ເລິກເຊິ່ງ ຕໍ່ເນື້ອໃນ ການຕີລາຄາ ຜົນແຫ່ງການ ຈັດຕັ້ງປະຕິບັດ ມະຕິ ກອງປະຊຸມ ໃຫຍ່ ຄັ້ງທີ່ X ຂອງ ອົງຄະນະ ພັກແຂວງ ໃນໄລຍະ 5 ປີຜ່ານມາ, ໃນແຕ່ລະ ຂົງເຂດ ວຽກງານ ເປັນຕົ້ນ: ຂົງເຂດ ປ້ອງກັນຊາດ - ປ້ອງກັນ ຄວາມສະຫົງບ, ຂົງເຂດ ເສດຖະກິດ, ຂົງເຂດ ວັດທະນະ ທໍາ - ສັງຄົມ, ຂົງເຂດ ບໍລິຫານລັດ, ຂົງເຂດ ຕຸລາການ ແລະ ຂົງເຂດ ການເມືອງ ອົງການ ຈັດຕັ້ງ ມະຫາຊົນ, ເຊິ່ງແຕ່ລະດ້ານ ດັ່ງກ່າວ ລ້ວນແຕ່ ສາມາດ ຍາດໄດ້ ຜົນສໍາເລັດ ຢ່າງເປັນ ຮູບປະທໍາ, ເຊື່ອມຊຶມ ຮັບຮູ້ເຖິງ ດ້ານດີ, ດ້ານອອ່ນ ຂໍ້ຄົງຄ້າງ ຈໍານວນໜຶ່ງ ເພື່ອບຸກບືນ ເອົາໃຈໃສ່ ແກ້ໄຂ ດ້ານອອ່ນ ຂໍ້ຄົງຄ້າງ ດັ່ງກ່າວນັ້ນ ໄປພ້ອມໆ ກັບການ ຈັດຕັ້ງ ປະຕິບັດ ທິດທາງລວມ ແລະ ໜ້າທີ່ ຕົ້ນຕໍ ໃນການ ນໍາພາ ຂອງອົງ ຄະນະພັກ ແຂວງ ໃນ 5 ປີຕໍ່ໜ້າ ໃຫ້ບັນລຸ ຕາມຄາດໝາຍ, ພ້ອມນັ້ນ ສະຫາຍ ຍັງມີ ຄໍາເຫັນ ຮຽກຮ້ອງ ໃຫ້ຜູ້ເຂົ້າຮ່ວມ ຈົ່ງສຸມ ທຸກສະຕິ ປັນຍາ ເຂົ້າໃນການ ຈັດຕັ້ງ ປະຕິບັດ ວຽກງານ ແລະ ມີຄວາມ ຮັບຜິດຊອບ ສູງ ຕໍ່ໜ້າທີ່ການເມືອງ ຂອງຕົນ ເພື່ອເຮັດໃຫ້ ເນື້ອໃນ ຈິດໃຈ ມະຕິ ກອງປະຊຸມ ໃຫຍ່ ອົງຄະນະພັກ ແຂວງຄັ້ງທີ XI ໄດ້ຮັບການ ຈັດຕັ້ງ ປະຕິບັດ ຢ່າງມີ ຜົນສໍາເລັດ.

ໂອກາດ ດຽວກັນ ຜູ້ເຂົ້າຮ່ວມ ຍັງໄດ້ ເຊື່ອມຊຶມ ເອກະສານ ມະຕິ ຂອງກົມ ການເມືອງ ສູນກາງພັກ ວ່າດ້ວຍ ການຍົກສູງ ຄຸນນະພາບ ວຽກງານ ການເມືອງ - ແນວຄິດ ໃນໄລຍະ ໃໝ່, ເພື່ອໃຫ້ ມີຄວາມ ເຂົ້າໃຈ ຢ່າງເລິກເຊິ່ງ, ກໍາໄດ້ ແລະ ສາມາດ ນໍາໄປ ຈັດຕັ້ງ ປະຕິບັດ ໃຫ້ເກີດຜົນ ເປັນຈິງ.