ຫ້ອງວ່າການແຂວງ ອວຍພອນ ທ່ານ ເຈົ້າແຂວງໆອັດຕະປື.

ໃນຕອນເຊົ້າ ຂອງວັນທີ 18 ມັງກອນ 2021 ຫ້ອງວ່າການ ແຂວງ ນຳໂດຍ ທ່ານ ສຸລິຈັນ ພອນແກ້ວ ຫົວໜ້າ ຫ້ອງວ່າການ ແຂວງ ພ້ອມຄະນະ ໄດ້ເຂົ້າ ອວຍພອນ ທ່ານ ເລັດ ໄຊຍະພອນ ກຳມະການ ສູນກາງພັກ ເລຂາພັກ ແຂວງ - ເຈົ້າແຂວງໆ ອັດຕະປື ເນື່ອງໃນ ໂອກາດ ສົ່ງທ້າຍ ປີເກົ່າ ຄສ 2020 ແລະ ຕ້ອນຮັບ ປີໃໝ່ ຄສ 2021, ພ້ອມສະແດງ ຄວາມຊົມເຊີຍ ຕໍ່ ຜົນສຳເລັດ ກອງ ປະຊຸມໃຫຍ່ ຜູ້ແທນ ທົ່ວປະເທດ ຄັ້ງທີ XI ຂອງພັກ ປະຊາຊົນ ປະຕິວັດລາວ.

ໂອກາດນີ້ ທ່ານ ເລັດ ໄຊຍະພອນ ກຳມະການ ສູນກາງພັກ ເລຂາພັກ ແຂວງ- ເຈົ້າແຂວງໆ ອັດຕະປື ໄດ້ກ່າວ ສະແດງ ຄວາມຂອບໃຈ ມາຍັງ ຄະນະນຳ ຂອງຫ້ອງວ່າການແຂວງ ທີ່ເປັນຫ່ວງ ເປັນໃຍ ແລະ ໄດ້ສະແດງ ຄວາມຍິນດີ ຊົມເຊີຍ ຕໍ່ ຜົນສຳເລັດ ຂອງກອງປະຊຸມ ໃຫຍ່ ຜູ້ແທນ ທົ່ວປະເທດ ຄັ້ງທີ XI ຂອງພັກ ປະຊາຊົນ ປະຕິວັດລາວ.