banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:206
ມື້ວານນີ້:ມື້ວານນີ້:383
ອາທິດນີ້:ອາທິດນີ້:589
ເດືອນນີ້:ເດືອນນີ້:7571
ທັງໝົດ:ທັງໝົດ:380912

Lao National Radio

radio

ແຜນທີແຂວງ ອັດຕະປື

administrative map

 

 

tn IMG 8758

ຂະແໜງຄົ້ນຄວ້າສັງລວມ ສະຫຼຸບວຽກງານ ປີ 2020 ແລະ ວາງທິດທາງແຜນການ ປີ 2021.

ໃນຕອນເຊົ້າ ຂອງວັນທີ 30 ທັນວາ 2020 ທີ່ ສໍານັກງານ ອົງການ ປົກຄອງ ແຂວງ ອັດຕະປື, ຂະແໜງ ຄົ້ນຄວ້າ ສັງລວມ ຫ້ອງວ່າການ ແຂວງ ອັດຕະປື ໄດ້ຈັດ ກອງປະຊຸມ ສະຫຼຸບ ວຽກງານ ປະຈຳປີ2020 ແລະ ວາງທິດທາງ ແຜນການ ປີ2021 ໂດຍພາຍໃຕ້ ການເປັນ ປະທານ ຂອງ ທ່ານ ໄຊຍະລາດ ຊຸມພົນພັກດີ ຄະນະພັກ ຮາກຖານ ຜູ້ ​ປະ​ຈຳ​ການ ຫົວ ໜ້າ ຫ້ອງວ່າການ ແຂວງ, ມີຄະນະ ຫ້ອງວ່າການ ຜູ້ຊີ້ນຳ ຂະແໜງ, ຫົວໜ້າ ຂະແໜງ ອອ້ມຂ້າງ ແລະ ພະນັກງານ ລັດຖະກອນ ພາຍໃນ ຂະແໜງ ຄົ້ນຄວ້າ ສັງລວມ ເຂົ້າຮ່ວມ.

tn IMG 8779

ໃນກອງປະຊຸມ ທ່ານ ລິດຄຳ ໂຮມອິນຕາ ຄະນະພັກ ຮາກຖານ ຫົວໜ້າ ຂະແໜງ ຄົ້ນຄວ້າ ສັງລວມ ໄດ້ລາຍງານ ການຈັດຕັ້ງ ປະຕິບັດ ວຽກງານ ຂອງຂະແໜງ ຄົ້ນຄວ້າ - ສັງ ລວມ ປະຈຳປີ 2020 ແລະ ທິດທາງ ແຜນການ ປະຈຳປີ 2021 ໃຫ້ຮູ້ວ່າ: ໃນຕະຫຼອດ ໄລຍະ 1 ປີຜ່ານມາ ການຈັດຕັ້ງ ປະຕິບັດ ວຽກງານ ຂອງຂະແໜງ ຄົ້ນຄວ້າ ສັງລວມ ໃນ ແຕ່ລະໜ້າວຽກ ເປັນຕົ້ນ: ວຽກງານ ການເມືອງ ແນວຄິດ ພະນັກງານ ລັດຖະກອນ ພາຍໃນ ຂະແໜງ ໄດ້ເຊື່ອມຊຶມ ບັນດາ ເອກະສານ ທີ່ສຳຄັນ ຂອງພັກ ຂອງຊາດ ແລະ ນິຕິກຳ ອື່ນໆ ຈຳນວນໜຶ່ງ ພ້ອມນັ້ນ, ພະນັກງານ ຍັງໄດ້ ຊອກຮູ້ ຮ່ຳຮຽນ ເອກະສານ ທີ່ສຳຄັນ ອື່ນໆ ທີ່ສົນໃຈ, ພະນັກງານ ລັດຖະກອນ ພາຍໃນ ຂະແໜງ ມີແນວຄິດ ອຸ່ນອ່ຽນ ທຸ່ນທ່ຽງ, ມີຫຼັກໝັ້ນ ການເມືອງໜັກແໜ້ນ, ຈຳແນກ ມິດ-ສັດຕູ່ ຢ່າງຈະແຈ້ງ, ມີສະຕິ ຕໍ່ການ ຈັດຕັ້ງ, ເຊື່ອໝັ້ນ ຕໍ່ແນວທາງ ຂອງພັກ ແລະ ປະຕິບັດ ລະບຽບ ກົດໝາຍ ຢ່າງຈິງຈັງ, ດ້ານກົງຈັກ ການຈັດຕັ້ງ ພາຍໃນຂະແໜງ ມີ ພະນັກງານ ທັງໝົດ 15 ທ່ານ ຍິງ 1 ທ່ານ, ປະຕິບັດ ໜ້າທີ່ ຕາມ 3 ວຽກໃຫຍ່ ຕົ້ນຕໍຄື: ວຽກງານ ຄົ້ນຄວ້າ ສັງລວມພັກ, ວຽກງານ ຄົ້ນຄວ້າ ສັງລວມລັດ ແລະ ວຽກງານເລ ຂາ ນຸການ, ແບບແຜນ ວິທີ ເຮັດວຽກ ປະຕິບັດ ຕາມຫຼັກການ ລວມສູນ ປະຊາ ທິປະໄຕ, ນຳພາ ເປັນໝູ່ ຄະນະ ແລະ ມອບໝາຍ ວຽກງານ ໃຫ້ບຸກຄົນ ຮັບຜິດຊອບ ຢ່າງຈະແຈ້ງ. ເຊິ່ງຕະ ຫຼອດ ໄລຍະ 1 ປີຜ່ານມາ ວຽກງານ ຄົ້ນຄວ້າ ສັງລວມ ພັກ-ລັດ ໄດ້ຄົ້ນຄວ້າ, ກວດກາ, ວິເຄາະ, ວິໄຈ, ສະລຸບ ສັງລວມ ສະພາບ ຜັນຂະຫຍາຍ ມະຕິ, ຄຳສັ່ງ ຂອງພັກ ມາຫັນ ເປັນແຜນດຳເນີນ ງານ, ໂຄງການ ແລະ ວິເຄາະ, ວິໄຈ ບັນດາ ເອກະສານ ທີ່ຂໍທິດ ຊີ້ນຳ, ຂໍການ ຕົກລົງ ຈາກຄະນະ ປະຈຳພັກ ແຂວງ, ເຈົ້າແຂວງ ຮັບປະກັນໄດ້ ຄວາມຖືກຕ້ອງ ວ່ອງໄວ, ກະກຽມ ແລະ ຮຽບຮຽງ ເນື້ອໃນ ກອງປະຊຸມ ອົງການ ປົກຄອງ, ກອງປະຊຸມ ຄົບຄະນະ ບໍລິຫານງານ ພັກແຂວງ, ສັງລວມ ລາຍງານ ສະພາບ ພົ້ນເດັ່ນ ຂອງແຂວງ ໃຫ້ສູນກາງ ຮັບຊາບ ຢ່າງເປັນປົກກະຕິ, ເຂົ້າຮ່ວມ ຕິດຕາມ - ຊຸກຍູ້ ວຽກງານ ນຳພະແນກ ການອອ້ມຂ້າງ ແຂວງ ຕາມໜ້າທີ່ ຄວາມ ຮັບຜິດຊອບ ແລະ ຕາມການ ມອບໝາຍ ຂອງຂັ້ນເທິງ ຢ່າງເປັນ ປົກກະຕິ - ຕໍ່ ເນື່ອງ, ວຽກງານ ເລຂາ ນຸການ ກໍ່ໄດ້ ສຳເລັດ ສ້າງແຜນ ເຄື່ອນໄຫວ ຂອງການນຳ ແຂວງ, ກະກຽມ ບົດລາຍງານ, ບົດຄຳເຫັນ, ກວດກາ ເອກະສານ ຕ່າງໆ ກ່ອນເຂົ້າ ຂໍລາຍເຊັນ ແລະ ປະຕິບັດ ວຽກງານອື່ນໆ ຕາມໜ້າທີ່ ກ່ຽວຂ້ອງ ຢ່າງມີ ຜົນສຳເລັດ. ຄຽງຄູ່ ກັບ ຜົນສຳເລັດ ດັ່ງກ່າວ ຍັງມີ ດ້ານອອ່ນ ແລະ ຂໍ້ຄົງຄ້າງ ເຊິ່ງ ຈະໄດ້ ສຸມໃສ່ ແກ້ໄຂ ແລະ ໄດ້ວາງ ທິດທາງ -ແຜນການ ເຄື່ອນໄຫວ ວຽກງານ ໃນປີ 2021 ເພື່ອໃຫ້ ຂະແໜງ ຄົ້ນຄວ້າ ສັງລວມ ມີຄວາມ ໜັກແໜ້ນ ແລະ ເຂັ້ມແຂງ ສາມາດ ເຄື່ອນໄຫວ ໜ້າທີ່ ວຽກງານ ວິຊາສະເພາະ ຂອງຕົນ ໄດ້ດີ ແລະ ຮັບປະກັນ ໃຫ້ແກ່ ການເປັນ ເສນາ ທິການ ທີ່ດີ, ເປັນຜູ້ ປະສານງານ ທີ່ດີ ແລະ ເປັນຜູ້ ບໍລິຫານ - ບໍລິການ ຮັບໃຊ້ ທີ່ດີ. ໂອກາດ ດຽວກັນ ຜູ້ເຂົ້າຮ່ວມ ກອງປະຊຸມ ຍັງໄດ້ປະ ກອບ ຄໍາເຫັນ ໃສ່ຮ່າງ ບົດສະຫຼຸບ ແລະ ທິດທາງ ແຜນການ ດັ່ງກ່າວ ເພື່ອໃຫ້ ມີຄວາມ ສົມບູນ ຂຶ້ນຕື່ມອີກ.

tn IMG 8774

ໂອກາດນີ້ ທ່ານ ໄຊຍະລາດ ຊຸມພົນພັກດີ ຄະນະພັກ ຮາກຖານ ຜູ້​ ປະ​ຈໍາ​ການ ຫົວໜ້າ ຫ້ອງວ່າການ ແຂວງ ທັງເປັນ ປະທານ ກອງປະຊຸມ ໄດ້ໃຫ້ກຽດ ມີຄໍາເຫັນ ໂອ້ລົມ ເຊິ່ງກ່ອນອື່ນ ທ່ານກໍ່ໄດ້ ຍ້ອງຍໍ ຊົມເຊີຍ ຕໍ່ຜົນງານ ໃນການ ຈັດຕັ້ງ ປະຕິບັດ ວຽກງານ ຕະຫຼອດ ໄລຍະ 1 ປີ ຜ່ານມາ ຂອງຂະແໜງ ຄົ້ນຄວ້າ ສັງລວມ ແລະ ໄດ້ເນັ້ນໜັກ ໃຫ້ ພະນັກ ງານລັດຖະກອນ ພາຍໃນ ຂະແໜງ ມີຄວາມ ເອົາໃຈໃສ່ ຢ່າງຕັ້ງໜ້າ, ສຸມໃສ່ ສະຕິ ປັນຍາ, ກໍາລັງກາຍ - ກໍາລັງໃຈ ຢ່າງຈິງຈັງ, ມີຄວາມ ດຸໝັ່ນ ຂະຫຍັນພຽນ ຫ້າວຫັນ ຕໍ່ໜ້າທີ່ ວຽກງານ ຂອງຕົນ ຂຶ້ນຕື່ມອີກ, ປະຕິບັດ ແນວທາງ ນະໂຍບາຍ, ລະບຽບ ກົດໝາຍ ເຂັ້ມງວດ ກວ່າເກົ່າ, ນຳເອົາ ທິດທາງ - ແຜນດຳເນີນງານ ຂອງຕົນ ເປັນບ່ອນອີງ ໃນການ ຈັດຕັ້ງ ປະຕິບັດວຽກງານ ແລະ ໃຫ້ເກີດຜົນ ເປັນຈິງ, ສືບຕໍ່ ເສີມຂະຫຍາຍ ຈຸດດີ ແລະ ແກ້ໄຂ ຈຸດອອ່ນ ທີ່ຍັງ ຄົງຄ້າງ ແລະ ສືບຕໍ່ ມີຄວາມ ສາມັກຄີ ພາຍໃນ ເປັນເອ ກະພາບ, ປະຕິບັດ ໜ້າທີ່ ວຽກ ງານ ທີ່ພັກ - ລັດ ມອບໝາຍ ໃຫ້ສໍາເລັດ ຜົນເປັນຢ່າງດີ.