banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:218
ມື້ວານນີ້:ມື້ວານນີ້:383
ອາທິດນີ້:ອາທິດນີ້:601
ເດືອນນີ້:ເດືອນນີ້:7583
ທັງໝົດ:ທັງໝົດ:380924

Lao National Radio

radio

ແຜນທີແຂວງ ອັດຕະປື

administrative map

 

 

ເວັບໄຊຫ້ອງວ່າການແຂວງອັດຕະປື ສືບຕໍ່ປັບປຸງ ແລະ ພັດທະນາ ຂຶ້ນເລື້ອຍໆ.

ເວັບໄຊ ຫ້ອງວ່າການ ແຂວງອັດຕະປື ເປັນຊ່ອງທາງ ສື່ຂ່າວ-ສານໜຶ່ງ ທີ່ສຳຄັນ, ຊຶ່ງສູນກາງ, ທ້ອງຖິ່ນ ແລະ ສັງຄົມ ຍອມຮັບ ເປັນສື່ ຂ່າວ-ສານ ທາງການ ແລະ ເປັນບ່ອນ ເກັບກຳຂໍ້ມູນ, ນິຕິກຳ, ແຫຼ່ງທ່ອງທ່ຽວ, ເສດຖະກິດ, ວັດທະນະທຳ -ສັງຄົມ, ຂ່າວ-ສານ ການເຄື່ອນໄຫວ ວຽກງານຂອງ ການນຳແຂວງ, ການເຄື່ອນໄຫວ ຂອງຫ້ອງວ່າການ ແຂວງ ແລະ ຂໍ້ມູນການເຄື່ອນໄຫວ ອື່ນໆ ກ່ຽວກັບ ແຂວງອັດຕະປື.

ເພື່ອຮັບປະກັນ ການບໍລິຫານ ຄຸ້ມຄອງ ເວັບໄຊ ດັ່ງກ່າວ ທັງໃນ ປັດຈຸບັນ ແລະ ໃນອະນາຄົດ ໃຫ້ມີ ປະສິດ ທິຜົນ ດີຂຶ້ນ ກວ່າເກົ່ານັ້ນ, ໃນລະຫວ່າງ ວັນທີ 16-18 ທັນວາ 2020 ທີ່ຜ່ານມາ ຄະນະ ຮັບຜິດຊອບ ເວັບໄຊ ຫ້ອງວ່າການ ແຂວງອັດຕະປື ໄດ້ຂຶ້ນໄປ ແລກປ່ຽນ ບົດຮຽນ ດ້ານເຕັກນິກ ວິຊາການ ກ່ຽວກັບ ການປັບປຸງ ແລະ ພັດທະນາ ເວັບໄຊ ຮ່ວມກັບ ຄະນະ ຮັບຜິດຊອບ ຄຸ້ມຄອງ ເວັບໄຊ, ກົມ ປະຊາສຳພັນ ຫ້ອງວ່າການ ສຳນັກງານ ນາຍົກ ລັດຖະມົນຕີ, ໂດຍໄດ້ ຮັບກຽດ ຕ້ອນຮັບ ຢ່າງອົບອຸ່ນ ຈາກທ່ານ ຮສ ປອ ສົມກຽດ ພະສີ ຫົວ ໜ້າກົມ ປະຊາສຳພັນ ແລະ ພະນັກງານ ວິຊາການ ຂອງກົມ ປະຊາສຳພັນ ຫ້ອງວ່າການ ສຳນັກງານ ນາຍົກ ລັດຖະມົນຕີ.

 

ການແລກປ່ຽນ ບົດຮຽນ ແລະ ປັບປຸງ ເວັບໄຊ ຄັ້ງນີ້ ໄດ້ຈັດຂຶ້ນ ທີ່ສຳນັກງານ ນາຍົກ ລັດຖະມົນຕີ, ນະຄອນຫຼວງ ວຽງຈັນ; ໂດຍໄດ້ ແລກປ່ຽນ ບົດຮຽນ ທາງດ້ານ ເຕັກນິກວິຊາການ ກ່ຽວກັບ ການພັດທະນາ, ປັບປຸງ ເວັບໄຊ ແລະ ດ້ານການ ນຳໃຊ້ ເຄື່ອງໄອທີ - ເອເລັກ ໂຕຼນິກ ເຂົ້າໃນການ ເຮັດວຽກງານ, ການຄຸ້ມຄອງ ບໍລິຫານ ເວັບໄຊ ເປັນຕົ້ນ: ການຂຶ້ນແຜນ ງົບປະມາ ນປະຈຳປີ ເພື່ອຈ່າຍ ຄ່າເຊົ່າ ຄ່າ ໂດເມນເນມ ( Domain Name ), ຈ່າຍຄ່າ ໂຮດສະຕິງ ( Hotsting ) ແລະ ອື່ນໆ, ລວມທັງ ການຂຶ້ນແຜນ ຝຶກອົບຮົມ, ແຜນເຄື່ອນໄຫວ ປັບປຸງ - ພັດທະນາ ເວັບໄຊ ໃນແຕ່ລະປີ, ວິທີການ ອັບເດດ ໂປຣແກມ ຈູມລາ ( Joomla ) ຈາກເວີຊັນ 3.7 ມາເປັນ ເວີຊັນ 3.23, ອັບເດດ PHP ແລະ ເວີຊັນອື່ນໆ ໃນອະນາຄົດ, ວິທີປ່ຽນ - ວິທີສ້າງ ຢູເຊີ ແລະ ກຳນົດສິດ ໃຫ້ກັບ User ຕ່າງໆ ທີ່ເປັນ ແອັດມິນ, ສຸບເປີ ແອັດມິນ ( ລະຫັດ ເຂົ້າເບື້ອງຫຼັງ ເວັບໄຊ ), ລວມທັງ ການລົບ ຂໍ້ມູນ, ການສ້າງ ໂຟເດີ ເພີ່ມຂໍ້ມູນ, ການກວດເບິ່ງ ຂໍ້ມູນ ເວັບໄຊ, ແກ້ໄຂ ເວັບໄຊ ມີບັນຫາ ແລະ ກໍລະນີ ຖືກແຮັກ, ການປັບປຸງ ຂໍ້ມູນ ໃນລະບົບ ຊີພາເນວ ຈັດລຽງ ຫົວຂໍ້ ການເຄື່ອນໄຫວ ຂອງການນຳ ແລະ ການເຄື່ອນໄຫວ ອື່ນໆ ຕາມລຳດັບ ໃຫ້ເປັນ ລະບົບ, ການບີບ ຂະໜາດ ຮູບພາບ ເພື່ອລົງ ຂ່າວ-ສານ ແລະ ວິທີການ ແຊຂ່າວ-ສານ ຈາກເວັບໄຊ ຫາ ເຟສບຸກ ເພື່ອໃຫ້ ຜູ້ຕິດຕາມ ຊົມ ຂ່າວ-ສານ ໄດ້ສະດວກ ຫຼາຍຂຶ້ນ, ນອກນັ້ນ ຍັງໄດ້ ແລກປ່ຽນ ບົດຮຽນ ດ້ານການ ນຳໃຊ້ ເຄືອຂ່າຍ ພາຍໃນ ແລະ ການນຳໃຊ້ ລະບົບ ສຳເນົາ ເອກະສານ ອີກດວ້ຍ.