banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:211
ມື້ວານນີ້:ມື້ວານນີ້:226
ອາທິດນີ້:ອາທິດນີ້:866
ເດືອນນີ້:ເດືອນນີ້:5022
ທັງໝົດ:ທັງໝົດ:365805

Lao National Radio

radio

ແຜນທີແຂວງ ອັດຕະປື

administrative map

 

 

ກົມພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນໍາປະຕິວັດ ເຄື່ອນໄຫວເຮັດວຽກຢູ່ແຂວງອັດຕະປື.

ໃນລະຫວ່າງ ວັນທີ 26-27 ຕຸລາ 2020 ທີ່ຜ່ານມາ, ທ່ານ ທອງວັນ ທອງດີ ຮອງຫົວໜ້າ ກົມພິພິ ທະພັນ ໄກສອນ ພົມວິຫານ ແລະ ອະນຸສອນ ສະຖານ ຜູ້ນໍາ ປະຕິວັດ ພ້ອມຄະນະ ໄດ້ລົງ ເຄື່ອນໄຫວ ເຮັດວຽກຢູ່ ແຂວງ ອັດຕະປື ໂດຍໃຫ້ກຽດ ຕ້ອນຮັບ ຂອງທ່ານ ສີສຸພັນ ສີຫາລາດ ຫົວໜ້າ ຄະນະ ຮັບຜິດຊອບ ອະນຸສອນ ສະຖານ ໄກສອນ ພົມ ວິຫານ ຂັ້ນແຂວງ ພ້ອມດ້ວຍ ຄະນະ ຢ່າງພ້ອມພຽງ.

ໂອກາດ ລົງເຄື່ອນໄຫວ ເຮັດວຽກ ຄັ້ງນີ້ ທັງສອງ ພາກສ່ວນ ດັ່ງກ່າວ ໄດ້ຈັດ ກອງປະຊຸມ ປຶກສາ ຫາລື ວຽກງານ ຮ່ວມກັນ ຂຶ້ນທີ່ ຫ້ອງປະຊຸມ ຊັ້ນ5 ຕຶກ ສໍານັກງານ ອົງການ ປົກຄອງແຂວງ ເຊິ່ງໄດ້ ປຶກສາ ຫາລື - ແລກປ່ຽນ ບົດຮຽນ ດ້ານວຽກງານ ອານຸສອນ ສະຖານ, ການເກັບກໍາ ຂໍ້ມູນ ປະຫວັດສາດ ການເຄື່ອນໄຫວ ຂອງບັນດາ ທ່ານ ຜູ້ ນໍາ ປະຕິວັດ ລາວ ຢູ່ແຂວງ ອັດຕະປື ແລະ ວຽກງານ ການກະກຽມ ງານບຸນໃຫຍ່ ຂອງຊາດ ນັ້ນກໍ່ຄື ການກະກຽມ ຈັດງານ ສະເຫຼີມ ສະຫຼອງ ວັນຄ້າຍ ວັນເກີດ ຂອງ ປະທານ ໄກສອນ ພົມວິຫານ ຄົບຮອບ 100 ປີ ທີ່ຈະ ມາເຖິງ ໃນມໍ່ໆນີ້.

ໂອກາດ ດຽວກັນ ທັງສອງ ພາກສ່ວນ ໄດ້ລົງ ເກັບກໍາ ຂໍ້ມູນ ປະຫວັດສາດ ການເຄື່ອນໄຫວ ຢູ່ ແຂວງອັດຕະປື ຂອງ ປະທານ ໄກສອນ ພົມວິຫານ, ທ່ານ ຄໍາໄຕ ສີພັນດອນ ແລະ ບັນດາທ່ານ ຜູ້ນໍາອື່ນໆ ໃນຊ່ວງ ໄລຍະ ການຕໍ່ສູ້ ກູ້ຊາດ, ໂດຍເກັບກໍາ ນໍາ ພະນັກງານ ອາວຸໂສ - ບໍານານ ທີ່ເຄີຍ ໃກ້ຊິດ ຕິດແທດ, ຮູ້ຈັກ ພຶດຕິກໍາ ເຄື່ອນ ໄຫວ ຂອງບັນດາ ທ່ານ ຜູ້ນໍາ ປະຕິວັດ ໃນເມື່ອກ່ອນ, ເກັບກໍາ ຂໍ້ມູນນໍາ ຮອງຮອຍ ປະຫວັດສາດ ເປັນຕົ້ນ: ຖານທີ່ໝັ້ນ ຂອງການ ປະຕິວັດ ລາວໃຕ້, ປຶ້ມ ປະຫວັດສາດ ແຂວງ ອັດຕະປື, ຫໍພິພິ ຕະພັນ ຂອງແຂວງ ທີ່ເປັນບ່ອນ ຮັກສາ ຂໍ້ມູນ ປະຫວັດສາດ ຂອງແຂວງ ແຕ່ອະດີດ ຈົນເຖິງ ປັດຈຸບັນ ເພື່ອເກັບກໍາ ຂໍ້ມູນ ແລະ ສັງລວມ ປະຫວັດສາດ ການ ເຄື່ອນໄຫວ ຂອງຜູ້ນໍາ ປະຕິວັດລາວ ໂດຍສະເພາະ ການເຄື່ອນໄຫວ ຢູ່ ແຂວງອັດຕະປື ໃຫ້ລະອຽດ ສົມບູນ ກວ່າເກົ່າ ເພື່ອໃຫ້ ຄົນລຸ້ນຫຼັງ ໄດ້ສຶກສາ ຮຽນຮູ້, ໄດ້ປົກປັກ ຮັກສາ ມູນເຊື້ອ ແລະ ໝາກຜົນ ຂອງການ ປະຕິວັດ ໄວ້ໃຫ້ ໝັ້ນຄົງ.

ພ້ອມດຽວ ກັນນີ້ ກົມພິພິ ທະພັນ ໄກສອນ ພົມວິຫານ ແລະ ອະນຸສອນ ສະຖານ ຜູ້ນໍາ ປະຕິວັດ ພ້ອມດວ້ຍ ຄະນະ ຮັບຜິດຊອບ ອະນຸສອນ ສະຖານ ຂັ້ນແຂວງ ຍັງໄດ້ ເຂົ້າວາງ ກະຕ່າ ດອກໄມ້ຢູ່ ອະນຸສອນ ສະຖານ ປະທານ ໄກສອນ ພົມວິຫານ ແຂວງອັດຕະປື ເພື່ອສະແດງ ເຖິງຄວາມ ເຄົາລົບຮັກ, ຮູ້ບຸນຄຸນ ແລະ ຈາລຶກ ຄຸນງາມ ຄວາມດີ ຂອງທ່ານ ໄວ້ໃຫ້ ຍືນຍົງ ຕະຫຼອດໄປ.