banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:168
ມື້ວານນີ້:ມື້ວານນີ້:394
ອາທິດນີ້:ອາທິດນີ້:821
ເດືອນນີ້:ເດືອນນີ້:168
ທັງໝົດ:ທັງໝົດ:307066

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມ ໃຫຍ່ຄັ້ງທີ IV ຂອງ ຄະນະ ພັກຮາກຖານ ຫ້ອງວ່າການ ແຂວງອັດຕະປື ໄດ້ສໍາເລັດ ຢ່າງເປັນທາງການ, ພາຍຫຼັງ ໄດ້ດຳເນີນ ໄປເປັນເວລາ ເຄິ່ງວັນ ຂອງ ວັນທີ 25 ກຸມພາ 2020 ທີ່ຫ້ອງ ປະຊຸມຊັ້ນ5 ຕຶກສໍານັກງານ ອົງການ ປົກຄອງແຂວງ, ໂດຍເປັນກຽດ ເຂົ້າຮ່ວມຂອງ ສະຫາຍ ເລັດ ໄຊຍະພອນ ເລຂາພັກ ແຂວງ ເຈົ້າແຂວງໆ ອັດຕະປື, ມີ ສະຫາຍ ທະນູໄຊ ບັນຊາລິດ ເລຂາ ຄະນະພັກ ຮາກຖານ ຫ້ອງວ່າການແຂວງ, ສະຫາຍ ຂັນທອງ ຍິ້ນດາວົງ ຮອງຄະນະ ຈັດຕັ້ງແຂວງ ແລະ ມີຜູ້ແທນ ສະມາຊິກ ພັກສົມບູນ, ແຂກ ທີ່ຖືກເຊີນ ຈາກພະແນກການ ອ້ອມຂ້າງ ແຂວງ, ເມືອງ ແລະ ອາດີດ ພະນັກງານ ບໍານານ ຫ້ອງວ່າການແຂວງ ເຂົ້າຮ່ວມ.

ຕະຫຼອດ ວາລະ ການດໍາເນີນ ກອງປະຊຸມ ຜູ້ແທນ ທີ່ເຂົ້າຮ່ວມ ໄດ້ຮັບຟັງ ແລະ ພ້ອມກັນ ຄົ້ນຄວ້າ ຕີລາຄາຄືນ ຜົນສໍາເລັດ ແລະ ການຈັດຕັ້ງ ປະຕິບັດ ວຽກງານ ໃນຕະຫລອດ ໄລຍະ 5 ປີຜ່ານມາ 2015-2019, ເຊິ່ງ ສະແດງອອກ ໃນບົດລາຍງານ ການເມືອງ ທີ່ສະເຫນີໂດຍ ສະຫາຍ ທະນູໄຊ ບັນຊາລິດ ກໍາມະການ ພັກແຂວງ ຫົວຫນ້າ ຫ້ອງວ່າການ ແຂວງເຫັນວ່າ: ຄະນະພັກ ຮາກຖານ ໄດ້ນໍາພາ ກໍ່ສ້າງຫນ່ວຍພັກ ແຂງຮູ້ນໍາພາຮອບດ້ານ ຫລື ໜ່ວຍພັກປອດໄສ, ເຂັ້ມແຂງ, ຫນັກແຫນ້ນໄດ້ 3 ສະໄຫມ ຕິດຕໍ່ກັນ ຫນຶ່ງຫນ່ວຍພັກ, ສະມາຊິກ ຮາກຖານພັກ, ພະນັກງານ - ລັດຖະກອນ ທົ່ວຫ້ອງວ່າ ການແຂວງ ຍັງຮັກສາໄດ້ ທັດສະນະ ຫລັກຫມັ້ນ ປະຕິວັດ, ມີສະຕິ ຕື່ນຕົວ ເຄົາລົບ ລະບຽບ ກົດຫມາຍ ແລະ ນັບຖືການຈັດຕັ້ງ, ມີຄວາມ ຕື່ນຕົວ ພ້ອມກັນ ຈັດຕັ້ງ ປະຕິບັດ ຫນ້າທີ່ ວິຊາສະເພາະ ແລະ ວຽກງານ ຂະບວນການ ລວມ ຂອງແຂວງ ສໍາເລັດ ທຸກຫນ້າທີ ຕາມການ ມອບຫມາຍ, ພ້ອມນີ້ ຍັງໄດ້ ຍົກໃຫ້ເຫັນ ດ້ານດີ, ດ້ານອ່ອນ, ສາເຫດ, ບົດຮຽນ ທີ່ຖອດຖອນ ໄດ້ ທີ່ໄດ້ຮັບ ຄຸນນະພາບ ແລະ ຄວາມສາມາດ ໃນການ ເປັນເສນາທິ ການຄົ້ນຄວ້າ, ວິໄຈ ບັນຫາຕ່າງໆ ຊ່ວຍການນໍາ ໃຫ້ຖືກຕ້ອງ ສອດຄ່ອງ ກັບແນວທາງ ນະໂຍບາຍ ລະບຽບ ກົດໝາຍ ຂອງພັກ-ລັດ ຕາມຫົວຂໍ້ ທີ່ວ່າ ຍົກສູງ ຄວາມສາມາດ ນໍາພາ ທີ່ເຂັ້ມແຂງ ຂອງຄະນະພັກ ຮາກຖານ ຫ້ອງວ່າການ, ເຊິ່ງໃນນັ້ນ ໄດ້ເອົາໃຈໃສ່ ໜ້າທີ ເປັນເສນາທິການ, ເປັນໃຈກາງປະສານງານ, ບໍລິຫານຮັບໃຊ້ທີ່ດີ ແລະ ຫັນສູ່ ທັນສະ ໄຫມ ເທື່ອລະກ້າວ, ພ້ອມນີ້ ກອງປະຊຸມ ຍັງໄດ້ຮັບຮອງ ຢ່າງເປັນເອກະສັນ ຕໍ່ເນື້ອໃນ ລາຍງານການເມືອງ ແລະ ແຜນພັດທະນາ ຂະແໜງການ ຫ້ອງວ່າການແຂວງ ແລະ ບົດສຳຫຼວດ ນຳພາລວມ ຂອງຄະນະພັກ ຊຸດເກົ່າ.

ເພື່ອສືບຕໍ່ ຈັດຕັ້ງ ປະຕິບັດ ແຜ່ນພັດທະນາ ວຽກງານ ໃນໄລຍະ5 ປີຕໍ່ຫນ້າ 2020-2024 ໃຫ້ປະກົດຜົນ ເປັນຈິງ ນັ້ນ ກອງປະຊຸມ ໄດ້ປ່ອນບັດ ເລືອກຕັ້ງ ຄະນະພັກ ຮາກຖານ ຊຸດໃຫມ່ ໂດຍມີ ຜູ້ສະຫມັກ ເປັນຄະພັກ ທັງຫມົດ 9 ສະຫາຍ, ເລືອກເອົາ 7 ສະຫາຍ, ກອງປະຊຸມ ຄັ້ງປະຖົມ ມະລຶກ ເລືອກໄດ້ ສະຫາຍ ທະນູໄຊ ບັນຊາລິດ ເປັນເລຂາ ຄະນະພັກ ຮາກຖານ, ສະຫາຍ ນາງ ບັນໄດ ໄຊຍະສິດ ເປັນຮອງ ເລຂາ ຄະນະພັກ ຮາກຖານ ທັງເປັນ ປະທານ ກວດກາ, ສະຫາຍ ຄໍາມ່ວນ ຄູນມາລາ, ສະຫາຍ ດາບແກ້ວ ໄຊຍະແສງ ,ສະຫາຍ ຄໍາພູ ສາຍດອນໂຂງ, ສະຫາຍ ລິດຄໍາ ໂຮມອິນຕາ ແລະ ສະຫາຍ ໄຊຍະລາດ ຊຸມພົນພັກດີ ເປັນຄະນະພັກ ຮາກຖານ.

ໂອກາດນີ້, ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງ ໄດ້ໃຫ້ກຽດ ໂອ້ລົມ ຕໍ່ກອງປະຊຸມ ໃຫຍ່ ແລະ ໄດ້ໃຫ້ທິດ ຊີ້ນໍາ ອັນສໍາຄັນ ໃຫ້ແກ່ ຄະນະພັກ ຮາກຖານ ຊຸດໃຫມ່ ເພື່ອຮັບປະກັນ ໃນການ ປະຕິບັດ ຫນ້າທີ່ ຂອງຕົນ ໃນໄລຍະໃຫມ່ ດ້ວຍຮູບການ ເອົາໃຈໃສ່ ວຽກງານ ສຶກສາ ອົບຮົມ ທາງດ້ານ ການເມືອງ ແນວຄິດ ໃຫ້ສະ ມາຊິກພັກ , ພະນັກງານ - ລັດຖະກອນ ເຊື່ອມຊຶມ, ຮັບຮູ້ ເຂົ້າໃຈ ແລະ ເປັນເອກະພາບ ກັບແນວທາງ ນະໂຍບາຍ ຂອງພັກ, ຍົກສູງ ຄວາມເປັນ ແບບຢ່າງ ນໍາຫນ້າ ຂອງສະ ມາຊິກພັກ , ສຸມໃສ່ ຍົກລະດັບ ຄວາມສາມາດ ໃນການ ປະຕິບັດ ບົດບາດ ແລະ ຫນ້າທີ່ ຂອງການ ເປັນເສນາ ທິການ ໃຫ້ມີຄວາມເຂັ້ມແຂງ , ຫນັກແຫນ້ນ, ມີຄຸນນະພາບ ແລະ ໃຫ້ໄປຕາມ ທິດຫັນສູ່ ທັນສະໄຫມ ເທື່ອລະກ້າວ.