banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:141
ມື້ວານນີ້:ມື້ວານນີ້:394
ອາທິດນີ້:ອາທິດນີ້:794
ເດືອນນີ້:ເດືອນນີ້:141
ທັງໝົດ:ທັງໝົດ:307039

Lao National Radio

radio

ແຜນທີແຂວງ ອັດຕະປື

administrative map

 

 

ໃນວັນທີ 17 ມັງກອນ 2020 ຄະນະ ຊາວໜຸ່ມ ຮາກຖານ ຫ້ອງວ່າການ ແຂວງ ໄດ້ຈັດພິທີ ປະກາດ ຊາວໜຸ່ມ 4 ບຸກ ຂອງຄະນະ ຊາວໜຸ່ມ ປປລ ຂອງ ຮາກຖານ ຫ້ອງວ່າການ ແຂວງ ຄັ້ງທີ V ໂດຍພາຍໃຕ້ ການເປັນ ປະທານຂອງ ສະຫາຍ ເພັດຈິນດາ ແກ້ວຫຼວງໂຄດ ເລຂາຄະນະ ຊາວໜຸ່ມ ຮາກຖານ ຫ້ອງວ່າການ ແຂວງ ໂດຍໃຫ້ກຽດ ເຂົ້າຮ່ວມ ເປັນຄະນະ ປະທານ ຂອງສະຫາຍ ຄຳພາສີ ເວັນມະສອນ ຮອງເລຂາ ຄະນະ ບໍລິຫານງານ ຊາວໜຸ່ມ ແຂວງ ອັດຕະປື ແລະ ສະຫາຍ ທະນູໄຊ ບັນຊາລິດ ກຳມະການ ພັກແຂວງ, ເລຂາ ຄະນະພັກ ຮາກຖານ - ຫົວໜ້າ ຫ້ອງວ່າການແຂວງ ໃນນັ້ນ ມີຕາງໜ້າ ໜ່ວຍພັກ ທີ່ຂຶ້ນກັບ ຄະນະພັກ ຮາກຖານ, ແຂກຖືກເຊີນ ຈາກ 8 ອົງການ ຈັດຕັ້ງ ອ້ອມຂ້າງ ແຂວງ ເຂົ້າຮ່ວມ.

ພິທີດັ່ງກ່າວ ໄດ້ໄຂຂຶ້ນ ທາມກາງ ບັນຍາກາດ ອັນຟົດຟື້ນ ແລະ ເຕັມໄປດ້ວຍ ຄວາມໝາຍ ຄວາມສຳຄັນ ສະຫາຍ ເລຂາ ຊາວໜຸ່ມ ຮາກຖານ ຫ້ອງວ່າການ ແຂວງ ໄດ້ຂຶ້ນຜ່ານ ບົດປະເມີນ ແຜນການຈັດຕັ້ງ ປະຕິບັດ ຂໍ້ແຂ່ງຂັນ 4 ບຸກ ປະຈໍາປີ 2019 ແລະ ທິດທາງ ແຜນການປີ 2020 ເຊິ່ງໄດ້ ຮັບຮອງ ເອົາແຜນການ ປະຕິບັດ ຂໍ້ແຂ່ງຂັນ 4 ບຸກ ໃຫ້ສາມາດ ບັນລຸ ໃນປີ 2020 ເຊິ່ງ ສະແດງອອກ ໃນ 4 ມາກຖານຄື: ບຸກດ້ານແນວຄິດ, ບຸກດ້ານການ ຝຶກຝົນ ຫຼໍ່ຫຼອມຮ່ຳຮຽນ, ບຸກດ້ານວຽກງານ ການຈັດຕັ້ງ, ບຸກດ້ານວີ ຊາຊີບ ແລະ ສ້າງວຽກເຮັດ ງານທຳ ໃຫ້ບັນລຸ ລື່ນຄາດໝາຍ.

ນອກນັ້ນ ຍັງໄດ້ ຮັບກຽດ ຟັງການ ໂອ້ລົມ ຂອງ ສຳຫາຍ ທະນູໄຊ ບັນຊາລິດ ກຳການພັກແຂວງ, ເລຂາ ຄະນະພັກ ຮາກຖານຽ - ຫົວໜ້າ ຫ້ອງວ່າການ ແຂວງ ແລະ ສະຫາຍ ຄຳພາສີ ເວັນມະສອນ ຮອງເລຂາ ຄະນະ ບໍລິຫານງານ ຊາວໜຸ່ມ ແຂວງ ອັດຕະປື ເຊິ່ງ ໄດ້ເນັ້ນໜັກ ຫຼາຍບັນຫາ ທີ່ຈະຕ້ອງ ສືບຕໍ່ຈັດຕັ້ງ ປະຕິບັດ ເຊັ່ນ: ໃຫ້ມີຄວາມ ເຂັ້ມແຂງ ສືບຕໍ່ຮັກສາ ມູນເຊື້ອນາມ ມະຍົດ 4 ບຸກ ທີ່ຍາດມາໄດ້ ແລະ ຕ້ອງເສີມຂະຫຍາຍ ທາດແທ້ ມູນເຊື້ອ ພິລະອາດຫານ ຂອງຊາວໜຸ່ມ ປປລ, ສະມາຊິກ ຊາວໜຸ່ມ ຕ້ອງໜັກແໜ້ນ ທາງດ້ານ ການເມືອງ-ນຳພາ ແນວຄິດ; ມີຄຸນສົມ ບັດສິນທຳ ປະຕິວັດ, ຮັກຊາດ ຮັກບ້ານເກີດ ເມືອງນອນ, ຮັກສາ ຮີດຄອງ ປະເພນີ ວັດທະນາ ທຳອັນດີງາມ ຂອງຊາດ, ຂອງເຜົ່າ ສົມກັບພັກ ໃຫ້ນາມວ່າ ເປັນແຂນຂວາ ຂອງພັກ, ເປັນກະດູກ ສັນຫຼັງ ຂອງຊາດ ແລະ ເປັນຜູ້ ເບິ່ງແຍງ ຝຶກຝົນ ຫຼໍ່ຫຼອມ ເຍົາວະຊົນ ທັນວາ ໃຫ້ກາຍເປັນ ຜູ້ສືບທອດໃໝ່ ໃນການ ປົກປັກຮັກສາ ແລະ ສ້າງສາ ພັດທະນາ ປະເທດຊາດ.