banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:188
ມື້ວານນີ້:ມື້ວານນີ້:252
ອາທິດນີ້:ອາທິດນີ້:383
ເດືອນນີ້:ເດືອນນີ້:8172
ທັງໝົດ:ທັງໝົດ:287073

Lao National Radio

radio

ແຜນທີແຂວງ ອັດຕະປື

administrative map

 

 

ໃນວັນທີ 27 ທັນວາ 2019 ຂະແໜງຄົ້ນຄວ້າ ສັງລວມ ຫ້ອງວ່າການ ແຂວງອັດຕະປື ໄດ້ຈັດກອງປະຊຸມ ສະຫຼຸບ ການຈັດຕັ້ງ ປະຕິບັດ ວຽກງານ ປີ 2019 ແລະ ວາງທິດທາງ ແຜນການ ປີ 2020 ຂື້ນທີ່ ຫ້ອງປະຊຸມ 502 ຕຶກສໍານັກງານ ອົງການ ປົກຄອງແຂວງ, ໂດຍພາຍໃຕ້ ການເປັນປະທານ ຂອງ ທ່ານ ຄໍາມ່ວນ ຄູນມາລາ ຮອງຫົວໜ້າ ຫ້ອງວ່າການ ແຂວງ, ມີ ທ່ານ ລິດຄໍາ ໂຮມອິນຕາ ຫົວໜ້າ ຂະແໜງ ຄົ້ນຄວ້າສັງລວມ, ພ້ອມດ້ວຍ ພະນັກງານ ວິຊາການພາຍໃນ ຂະແໜງ ແລະ ແຂກຖືກເຊີນ ຂະແໜງອອ້ມ ຂ້າງ ຫ້ອງວ່າການແຂວງ ເຂົ້າຮ່ວມ 15 ທ່ານ.

ໂອກາດນີ້ ທ່ານ ລິດຄໍາ ໂຮມອິນຕາ ຫົວໜ້າ ຂະແໜງຄົ້ນຄວ້າ ສັງລວມ ຫ້ອງວ່າການ ແຂວງ ໄດ້ຜ່ານຮ່າງ ບົດສະຫຼຸບ ຕີລາຄາ ການເຄື່ອນໄຫວ ຊີ້ນໍາ-ນໍາພາ ການຈັດຕັ້ງ ປະຕິບັດ ວຽກງານ ພາຍໃນຂະແໜງ ຄົ້ນຄວ້າສັງລວມ ປະຈໍາປີ 2019 ແລະ ທິດທາງ ແຜນການປີ 2020, ເຊິ່ງທ່ານ ໄດ້ຍົກເຫັນຜົນ ສໍາເລັດ, ດ້ານດີ, ດ້ານອອ່ນ ແລະ ຂໍ້ຄົງຄ້າງ ໃນການຈັດຕັ້ງ ປະຕິບັດ ວຽກງານໄລຍະ ຜ່ານມາ ເປັນຕົ້ນ: ວຽກງານການ ເມືອງ-ແນວຄິດ ພະນັກງານ ລັດຖະກອນ ໄດ້ເອົາໃຈໃສ່ ຍົກສູງ ຄວາມຮັບຜິດຊອບ ແລະ ເປັນເຈົ້າການ ໃນການ ຊີ້ນໍາ-ນໍາພາ, ເຊື່ອມຊຶມ ບັນດາເອກະສານ ທີ່ສໍາຄັນຕ່າງໆ ຂອງພັກ, ຂອງ ຊາດ, ເຮັດໃຫ້ ພະນັກງານ ລັດຖະກອນ ມີຄວາມ ເຂົ້າໃຈ ຕໍ່ແນວທາງ ຂອງພັກ, ລະບຽບກົດໝາຍ ຂອງລັດ, ມີສະຕິຕື່ນຕົວ ຕໍ່ການຈັດຕັ້ງ, ມີທັດສະນະ ຫຼັກໝັ້ນການເມືອງ ໜັກແໜ້ນ, ມີນໍ້າໃຈຮັກຊາດ ຮັກປະຊາຊົນ ຢ່າງ ແທ້ຈິງ; ພ້ອມນັ້ນຍັງ ເອົາໃຈໃສ່ເຕົ້າໂຮມ ຄວາມສາມັກຄີ, ຕໍານິກໍ່ສ້າງ ຊ່ວຍເຫຼືອເຊິ່ງກັນ ແລະ ກັນ, ຊຸກຍູ້ສົ່ງເສີມ ດ້ານດີ ແລະ ແກ້ໄຂດ້ານອອ່ອນ ຢ່າງຈິງຈັງ ແລະ ເອົາໃຈໃສ່ ຕິດຕາມ ກວດກາ, ຊຸກຍູ້ແນະນໍາ ພະນັກງານ ພາຍໃນຂະແໜງ ໃຫ້ເປັນເຈົ້າການ ຈັດຕັ້ງ ປະຕິບັດວຽກງານ ຕາມການມອບໝາຍ ຢ່າງມີຜົນສໍາເລັດ ແລະ ຖືເອົາ ວຽກງານ ວິຊາສະເພາະ ເປັນວຽກງານ ທີ່ສໍາຄັນຄື: ການເປັນເສນາທິການ ທີ່ດີ, ເປັນຜູ້ປະສານງານ ທີ່ດີ ແລະ ເປັນຜູ້ບໍລິຫານ-ຮັບໃຊ້ ທີ່ດີ ເປັນພື້ນຖານ ໃນການຈັດຕັ້ງ ປະຕິບັດວຽກງານ ເພື່ອແນ່ໃສ່ ເຮັດໃຫ້ ວຽກງານ ຂອງຂະແໜງຄົ້ນຄວ້າ ສັງລວມ, ວຽກງານ ຫ້ອງວ່າການ ແລະ ວຽກງານຂອງແຂວງ ສາມາດດໍາເນີນ ແລະ ຈັດຕັ້ງ ປະຕິບັດໄດ້ ຢ່າງຕໍ່ເນື່ອງ ບົນພື້ນຖານ ແນວທາງ, ນະໂຍບາຍ ແລະ ລະບຽບ ກົດໝາຍ ຂອງພັກ-ລັດ. ນອກຈາກນີ້ ຜູ້ເຂົ້າຮ່ວມ ກອງປະຊຸມ ຍັງໄດ້ຮັບຟັງ ການຜ່ານ ທິດທາງແຜນການ ປີ 2020 ແລະ ພ້ອມກັນ ປະກອບຄໍາເຫັນ ໃສ່ຮ່າງບົດສະຫຼຸບ ເພື່ອໃຫ້ມີ ເນື້ອໃນ ຄົບຖ້ວນສົມບູນ ຂື້ນຕື່ມ.

ໃນຕອນທ້າຍ ກອງປະຊຸມ ທ່ານ ຄໍາມ່ວນ ຄູນມາລາ ຮອງຫົວໜ້າ ຫ້ອງວ່າການແຂວງ, ປະທານ ກອງປະຊຸມ ໄດ້ມີຄໍາເຫັນ ໂອ້ລົມ ເຊິ່ງກ່ອນອື່ນ ທ່ານ ໄດ້ສະແດງ ຄວາມຍ້ອງຍໍ ຊົມເຊີຍ ຕໍ່ຜົນສໍາເລັດ ໃນການຈັດຕັ້ງ ປະຕິບັດ ວຽກງານ ຂອງຂະແໜງ ຄົ້ນຄວ້າ ສັງລວມ, ເຊິ່ງຍາມໃດ ກໍ່ໄດ້ຕັ້ງໜ້າ ເອົາໃຈໃສ່ ເຮັດໜ້າທີ່ວຽກງານ ຕາມຄວາມ ຮັບຜິດຊອບ ຢ່າງຈິງຈັງ ແລະ ຜົນສໍາເລັດຫຼາຍດ້ານ, ພ້ອມໄດ້ຮຽກຮ້ອງ ໃຫ້ຂະແໜງ ຄົ້ນຄວ້າສັງລວມ ສືບຕໍ່ ຮັກສາມູນເຊື້ອ ອັນດີງາມ ຂອງຂະແໜງ, ສືບຕໍ່ເອົາໃຈໃສ່ ຊີ້ນໍາ-ນໍາພາ ສຶກສາອົບຮົມ ການເມືອງ-ແນວຄິດ ຢ່າງຕໍ່ເນື່ອງ, ເຕົ້າໂຮມ ຄວາມສາມັກຄີ ຊ່ວຍເຫຼືອເຊິ່ງກັນ ແລະ ກັນ; ແລະ ເອົາໃຈໃສ່ ຈັດຕັ້ງປະຕິບັດ ວຽກງານ ຕາມຄວາມ ຮັບຜິດຊອບ, ປະຕິບັດທິດທາງ ແຜນການ ປີ 2020 ໃຫ້ສໍາເລັດ ຕາມລະດັບຄາດໝາຍ.