banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:218
ມື້ວານນີ້:ມື້ວານນີ້:226
ອາທິດນີ້:ອາທິດນີ້:873
ເດືອນນີ້:ເດືອນນີ້:5029
ທັງໝົດ:ທັງໝົດ:365812

Lao National Radio

radio

ແຜນທີແຂວງ ອັດຕະປື

administrative map

 

 

 

ໃນວັນທີ 13 ທັນວາ 2019 ທີ່ຜ່ານມາ ຄະນະຜູ້ແທນ ຫ້ອງວ່າການ ແຂວງອັດຕະປື ນໍາໂດຍ ທ່ານ ສຸລິສັກ ເດດພະຈັນ ແລະ ທ່ານ ດາບແກ້ວ ໄຊຍະແສງ ຮອງຫົວ ໜ້າຫ້ອງວ່າການ ແຂວງອັດຕະປື ພ້ອມດ້ວຍ ຫົວໜ້າຂະແໜງ ແລະ ຄະນະວິຊາການ ໄດ້ຮັບກຽດ ເຂົ້າຮ່ວມ ກອງປະຊຸມ ພົບປະແລກປ່ຽນ ບົດຮຽນ ກ່ຽວກັບ ວຽກງານ ຫ້ອງວ່າ ການ ທີ່ແຂວງສາລະວັນ ເປັນເຈົ້າພາບ. ໂດຍມີ ຄະນະຜູ້ແທນ ພ້ອມດ້ວຍ ພະນັກງານວິຊາການ ທີ່ມາຈາກ ຫ້ອງວ່າການ 4 ແຂວງພາກໃຕ້ຄື ແຂວງ ສາລະວັນ, ຈໍາປາສັກ, ເຊກອງ ແລະ ອັດຕະປື ເຂົ້າຮ່ວມ.

ກອງປະຊຸມ ພົບປະແລກປ່ຽນ ບົດຮຽນກ່ຽວກັບ ວຽກງານ ຫ້ອງວ່າການ ໃນຄັ້ງນີ້ ໄດ້ຈັດຂື້ນ, ທີ່ຫ້ອງປະຊຸມ ພິເສດ ສໍານັກງານ ຫ້ອງວ່າການ ແຂວງສາລະວັນ, ໂດຍການ ຕ້ອນຮັບ ຢ່າງອົບອຸ່ນ ຂອງ ທ່ານ ປອ. ສະໄໝ ໂພທິສານ ກໍາມະການພັກແຂວງ ຫົວໜ້າ ຫ້ອງວ່າການ ແຂວງສາລະວັນ, ພ້ອມດ້ວຍ ຄະນະວິຊາການ ກໍເຂົ້າຮ່ວມຕ້ອນຮັບ.

 

ການພົບປະ ແລກປ່ຽນ ບົດຮຽນໃນຄັ້ງນີ້ ໄດ້ມີການຄົ້ນຄວ້າ ແລກປ່ຽນຄໍາຄິດ ຄໍາເຫັນ ແລະ ໄດ້ເປີດກວ້າງ ປຶກສາຫາລື, ພ້ອມທັງ ຕີລາຄາ ສະພາບ ການຈັດຕັ້ງ ປະຕິບັດ ວຽກງານຕົວຈິງ ຜ່ານມາ, ລວມທັງບົດຮຽນ, ຈຸດພິເສດ ແລະ ລະບອບ ລະບຽບການ ປະຕິບັດວຽກງານ ຂອງແຕ່ລະແຂວງ ກໍ່ໄດ້ຂື້ນມາຍົກ ຄົ້ນຄວ້າແລກປ່ຽນ ຮ່ວມກັນ; ເພື່ອແນ ໃສ່ ຍົກສູງຄຸນນະພາບ ການເປັນເສນາ ທິການທີ່ດີ ໃຫ້ແກ່ການນໍາ ນັ້ນກໍ່ຄື ການເປັນຜູ້ຮັບໃຊ້ທີ່ດີ, ເປັນຜູ້ປະສານງານທີ່ດີ ແລະ ເປັນຜູ້ບໍລິການທີ່ດີ.

 

ໂອກາດ ດຽວກັນນັ້ນ ຄະນະ ຜູ້ແທນ ພ້ອມດ້ວຍ ພະນັກງານວິຊາການ ຫ້ອງວ່າການ ແຂວງອັດຕະປື ຍັງໄດ້ເຂົ້າຮ່ວມ ກິດຈະກໍາ ແຂ່ງຂັນ ກິລາບານເຕະ ແລະ ເຂົ້າຮ່ວມພາເຂົ້າ ສາມັກຄີຮ່ວມກັນ ເພື່ອຮັດແໜ້ນ ຄວາມສາມັກຄີ, ມິດຕະພາບ ລະຫວ່າງ 4 ແຂວງພາກໃຕ້, ສາລະວັນ, ຈໍາປາສັກ, ເຊກອງ ແລະ ອັດຕະປື ໃຫ້ໜັກແໜ້ນ ກວ່າເກົ່າ.