banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:101
ມື້ວານນີ້:ມື້ວານນີ້:402
ອາທິດນີ້:ອາທິດນີ້:1603
ເດືອນນີ້:ເດືອນນີ້:3268
ທັງໝົດ:ທັງໝົດ:341797

Lao National Radio

radio

ແຜນທີແຂວງ ອັດຕະປື

administrative map

 

 

ເພື່ອເປັນການ ຜັນຂະຫຍາຍ ແລະ ຈັດຕັ້ງປະຕິບັດ ເນື້ອໃນເອກະສານ ທີ່ສໍາຄັນ ຂອງພັກ ໃຫ້ໜັກແໜ້ນ ເລິກເຊິ່ງ ເຂົ້າໃນການ ປະຕິບັດ ວຽກງານຕົວຈິງ ໃຫ້ບັນລຸ ຕາມລະດັບ ຄາດໝາຍນັ້ນ.

ໃນວັນທີ 11 / 11 / 2019 ຫ້ອງວ່າການ ແຂວງອັດຕະປື ໄດ້ຈັດ ກອງປະຊຸມ ເຊື່ອມຊຶມ ເອກສານ ສໍາຄັນຂອງພັກຂື້ນ ທີ່ຫ້ອງປະຊຸມ ຊັ້ນ5 ຕຶກສໍານັກງານ ອົງການປົກຄອງແຂວງ, ໂດຍພາຍໃຕ້ ການເປັນປະທານ ຂອງ ສະຫາຍ ທະນູໄຊ ບັນຊາລິດ ກໍາມະການ ພັກແຂວງ ຫົວໜ້າ ຫ້ອງວ່າການແຂວງ; ມີບັນດາ ຄະນະພັກ ຮາກຖານ, ຄະນະ ຫ້ອງວ່າການແຂວງ, ເລຂາໜ່ວຍພັກ, ສະມາຊິກພັກ ພະນັກງານ ລັດຖະກອນ ທີ່ຂື້ນກັບ ຄະນະພັກຮາກຖານ ຫ້ອງວ່າການແຂວງ ເຂົ້າຮ່ວມ 37 ທ່ານ.

ເອກະສານ ທີ່ນຳມາເຜີຍແຜ່ ເຊື່ອມຊືມ ຄັ້ງນີ້ ມີເອກະສານ ມະຕິຂອງ ກົມການເມືອງ ສູນກາງພັກ ວ່າດ້ວຍການປັບປຸງ ການແບ່ງຂັ້ນ ຄຸ້ມຄອງ ພື່ອສ້າງ ຄວາມເຂັ້ມແຂງ ຂອງລະບົດບໍລິຫານ ລັດໃນໄລຍະໃໝ່, ເອກະສານ ມະຕິກອງປະຊຸມ ຄະນະ ບໍລິຫານງານພັກ ແຂວງ ຄັ້ງທີ12 ສະໄໝທີ່ X; ເພື່ອໃຫ້ ສະມາຊິກພັກ ພະນັກງານ ລັດຖະກອນ ໄດ້ເຂົ້າໃຈ ຢ່າງເລິກເຊິ່ງ ແລະ ກໍາແໜ້ນໄດ້ ເນື້ອໃນ, ກົນໄກ, ຫຼັກການ ແລະ ພາລະບົດບາດ ຂອບເຂດ ສິດໜ້າທີ່ ໃນການຄຸ້ມຄອງ ຕາມ ທີ່ໄດ້ລະບຸ ໃນມະຕິ ຂອງກົມການເມືອງສູນກາງພັກ ວ່າດ້ວຍ ການປັບປຸງ ການແບ່ງຂັ້ນຄຸ້ມຄອງ ເພື່ອສ້າງ ຄວາມເຂັ້ມແຂງ ຂອງລະບົດ ບໍລິຫານລັດ ໃນໄລຍະໃໝ່ ເພື່ອເຂົ້າມາໃຊ້ ໃນການຈັດຕັ້ງ ປະຕິບັດ ວຽກງານຕົວຈິງ ຢ່າງເປັນ ຮູບປະທໍາ ແລະ ໃຫ້ຖືກຕ້ອງ ສອດຄ່ອງ ກັບແນວທາງ ນະໂຍບາຍ, ລະບຽບ ກົດໝາຍຂອງ ພັກ-ລັດ, ເພື່ອແນ່ໃສ່ສ້າງ ແລະ ບູລະນະ ບໍລິຫານລັດ ແຕ່ເທິງລົງລຸ່ມ ແລະ ແຕ່ລະຂັ້ນ ມີຄວາມ ເປັນເອກະພາບ, ໂລ່ງລ່ຽນ, ເຂັ້ມແຂງ ແລະ ມີປະສິດ ທິພາບສູງຂື້ນ ເລື້ອຍໆ ແລະ ພ້ອມກັນ ຈັດຕັ້ງ ຜັນຂະຫຍາຍ ປະຕິບັດ ທິດທາງແຜນການ ແລະ ວຽກຈຸດສຸມ ຕາມທີ່ລະບຸ ໃນມະມະຕິກອງປະຊຸມ ຄະນະບໍລິ ຫານງານພັກແຂວງ ຄັ້ງທີ12 ສະໄໝທີ່ X ໃຫ້ເກີດດອກ ອອກຜົນເປັນຈິງ.

ນອກນັ້ນ, ໃນກອງປະຊຸມ ຄັ້ງນີ້ ຍັງໄດ້ເຜີຍແຜ່ ເຊື່ອມຊືມ ເອກະສານ ມະຕິກອງປະຊຸມ ອົງການປົກຄອງແຂວງ ປະຈໍາງວດ3 ( 7,8,9 ) ປີ 2019 ແລະ ຂໍ້ຕົກລົງ ວ່າດ້ວຍ ການພົວພັນລະຫວ່າງ ສະພາປະຊາຊົນແຂວງ ກັບອົງການ ປົກຄອງແຂວງ ຕື່ມອີກ.