banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:14
ມື້ວານນີ້:ມື້ວານນີ້:408
ອາທິດນີ້:ອາທິດນີ້:876
ເດືອນນີ້:ເດືອນນີ້:9307
ທັງໝົດ:ທັງໝົດ:919090

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ດຳເນີນກອງປະຊຸມ ອົງການປົກຄອງແຂວງ ປະຈຳງວດ I ປີ 2024

ກອງປະຊຸມ ອົງການປົກຄອງແຂວງອັດຕະປື ປະຈຳງວດ I ປີ 2024 ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 2 ແລະ ສຳເລັດລົງໃນວັນທີ 3 ພຶດສະພາ 2024 ທີ່ຫ້ອງປະຊຸມຊັ້ນ 5 ຕຶກສຳນັກງານອົງການປົກຄອງແຂວງ ໂດຍການເປັນປະທານຂອງ ທ່ານ ພົທ ວັນທອງ ກອງມະນີ ກຳມະການສູນກາງພັກ ເລຂາພັກແຂວງ ເຈົ້າແຂວງອັດຕະປື, ມີຄະນະນະ ຈຳພັກແຂວງ, ກຳມະການພັກແຂວງ, ເຈົ້າເມືອງ 5 ເມືອງ ແລະ ບັນດາສະມາຊິກອົງການປົກຄອງແຂວງ ເຂົ້າຮ່ວມ.

ນະໂອກາດທີ່ມີຄວາມໝາຍຄວາມສຳຄັນນີ້ ທ່ານ ພົທ ວັນທອງ ກອງມະນີ ເຈົ້າແຂວງອັດຕະປື ໃນນາມປະທານກອງປະຊຸມ ກໍ່ໄດ້ມີຄຳເຫັນກ່າວເປີດກອງປະຊຸມຄັ້ງນີ້ວ່າ: ກອງປະຊຸມຂອງພວກເຮົາໃນຄັ້ງນີ້, ຈະໄດ້ຮັບຟັງການສະຫຼຸບຜົນງານການປະຕິບັດວຽກງານ ໃນໄລຍະ 3 ເດືອນຕົ້ນປີ2024 ແລະ ທິດທາງແຜນການ 3 ເດືອນຕໍ່ໜ້າ, ທົບທວນຄືນການຈັດຕັ້ງປະຕິບັດມະຕິຂອງກອງປະຊຸມອົງການປົກຄອງແຂວງໃນຄັ້ງຜ່ານມາ, ທັງເປັນການກວດກາຄືນບັນດາໜ້າທີ່ວຽກງານ ອັນໃດທີ່ເຮັດໄດ້ ແລະ ອັນໃດທີ່ຍັງເປັນບັນຫາຄົງຄ້າງທີ່ຈະຕ້ອງໄດ້ສືບຕໍ່ແກ້ໄຂ ຫຼື ມີວຽກງານໃໝ່, ບັນຫາໃໝ່ ທີ່ຈຳເປັນຈະຕ້ອງໄດ້ເຮັດ, ຈຳເປັນຈະຕ້ອງໄດ້ແກ້ໄຂ ເພື່ອແນໃສ່ຮັບໃຊ້ຜົນປະໂຫຍດລວມ; ຮັບຟັງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ວຽກງານການຈັດເກັບລາຍຮັບ ແລະ ການຄຸ້ມຄອງລາຍຈ່າຍ ໃນໄລຍະ 3 ເດືອນຕົ້ນປີ2024 ແລະ ທິດທາງແຜນການ 3 ເດືອນຕໍ່ໜ້າ, ວຽກງານການຈັດຕັ້ງຜັນຂະຫຍາຍ 2 ວາລະແຫ່ງຊາດ ແລະ ວຽກອື່ນໆ...ທີ່ສຳຄັນ ອີກຈໍານວນໜຶ່ງ. ບັນດາທ່ານທີ່ນັບຖື ແລະ ຮັກແພງ! ກອງປະຊຸມຂອງພວກເຮົາ ຈະໄດ້ດໍາເນີນເປັນເວລາ 2 ວັນ ວຽກທີ່ພວກເຮົາຈະປຶກສາຫາລືກັນມີຈໍານວນຫຼາຍສົມຄວນ ແຕ່ມີເວລາຈຳກັດ ດັ່ງນັ້ນ, ໃນນາມປະທານກອງປະຊຸມ ຂ້າພະເຈົ້າຂໍຮຽກ ຮ້ອງມາຍັງບັນດາທ່ານທີ່ມີໜ້າໃນນະທີ່ນີ້ ຈົ່ງພ້ອມກັນຍົກສູງຄວາມຮັບຜິດຊອບການເມືອງ, ຮັບຜິດ ຊອບການພັດທະນາແຂວງຂອງພວກເຮົາ, ເອົາໃຈໃສ່ຄົ້ນຄວ້າປືກສາຫາລື, ປະກອບຄຳຄິດຄຳເຫັນຕໍ່ບັນດາວຽກງານ ແລະ ບັນຫາຕ່າງໆ ໃຫ້ລະອຽດຖີ່ຖ້ວນ ເລີກເຊິ່ງ, ຈິງໃຈ ຕາມຄວາມເປັນຈິງ ເປັນຕົ້ນ: ດ້ານຜົນສຳເລັດ, ດ້ານດີ, ດ້ານອ່ອນ, ຂໍ້ຄົງຄ້າງ, ສາຍເຫດຖອດຖອນບົດຮຽນ ແລະ ພ້ອມກັນຊອກວິທີທາງແກ້ໄຂຢ່າງເໝາະສົມ, ຄົ້ນຄວ້າພິຈາລະນາຕໍ່ກັບທິດທາງແຜນການຂອງວຽກງານແຕ່ລະດ້ານ ໃຫ້ສອດຄ່ອງສົມບູນຂຶ້ນຕື່ມ ເພື່ອໃຫ້ການປະຕິບັດວຽກງານຕົວຈິງມີຜົນສຳເລັດດີ; ເຊື່ອແນ່ວ່າ ດ້ວຍຄວາມຮັບຜິດຊອບສູງ, ດ້ວຍປະສົບການຕົວຈິງ, ດ້ວຍຄວາມຮູ້ຄວາມສາມາດ ແລະ ດ້ວຍຈິດໃຈເພື່ອອັນລວມຂອງບັນດາທ່ານ ຈະເຮັດໃຫ້ກອງປະຊຸມ ອົງການປົກຄອງແຂວງ ປະຈໍາປີງວດ1 ປີ2024 ປະສົບຜົນສຳເລັດຕາມຈຸດປະສົງ ແລະ ຄາດໝາຍທີ່ວາງໄວ້. ໃນນາມຕາງໜ້າອົງການປົກຄອງແຂວງ, ຂ້າພະເຈົ້າຂໍປະກາດໄຂກອງປະຊຸມອົງການປົກຄອງແຂວງອັດຕະປື ປະຈໍາງວດ1 ປີ2024 ຢ່າງເປັນທາງການ ນັບແຕ່ເວລານີ້ເປັນຕົ້ນໄປ.

ໂດຍອີງຕາມວະລະຂອງກອງປະຊຸມ ແມ່ນບັນດາຜູ້ແທນກອງປະຊຸມ ຈະໄດ້ຜັດປ່ຽນກັນຂື້ນລາຍງານເອກະສານ ການສະຫຼຸບຜົນງານການປະຕິບັດວຽກງານ ໃນໄລຍະ 3 ເດືອນຕົ້ນປີ2024 ແລະ ທິດທາງແຜນການ 3 ເດືອນຕໍ່ໜ້າ ເຊິ່ງມີເອກະສານສຳຄັນດັ່ງນີ້ : 1. ລາຍງານການເຄື່ອນໄຫວຂອງເຈົ້າແຂວງ - ຮອງເຈົ້າແຂວງ ແລະ ຜົນການຊຸກຍູ້, ຕິດຕາມການຈັດຕັ້ງປະຕິບັດວຽກງານຈຸດສຸມໃນໄລຍະ 3 ເດືອນ, 2. ລາຍງານຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບການປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຄວາມຍຸ້ງຍາກທາງດ້ານເສດຖະກິດ - ການເງີນ, ການປະຕິບັດມາດຕະການເຄັ່ງ້ອນຂອງເສດຖະກິດ - ການເງີນ, ແຜນການລົງທືນຂອງລັດໃນໄລຍະ 3 ເດືອນຕົ້ນປີ ( 1,2,3 ) ແລະ ທິດທາງແຜັນການ ( 4,5,6 ). 3. ລາຍງານຜົນການຈັດຕັ້ງປະຕິບັດແຜນງົບປະມານລາຍຮັບ-ລາຍຈ່າຍ, ການເກັບກູ້ໜີ້ສີນ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ ( 4,5,6 ). 4. ລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 5. ລາຍງານການປະຕິບັດການຄົ້ນຄວ້າແກ້ໄຂບັນຫາການສະໜອງນ້ຳ ແລະ ສ້ອມແປງຕຶກອາຄານໂຮງໝໍແຂວງ, ບັນຫາການຂາດແຄນຢາປົວພະຍາດໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 6. ລາຍງານການປະຕິບັດການເຜົ້າລະວັງ ແລະ ຕອບໂຕ້ການແຜ່ລະບາດຂອງພະຍາດຕາມລະດູການ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 7. ລາຍງານການປະຕິບັດການຄົ້ນຄວ້າ, ເກັບກຳຂໍ້ມູນ ແລະ ການແກ້ໄຂບັນຫາຂາດແຄນຄູສອນ ແລະ ການປະລະການຮຽນຂອງນັກຮຽນຊັ້ນຕ່າງໆໃນທົ່ວແຂວງ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 8. ລາຍງານວຽກງານຫັນເປັນດີຈີຕອນຂອງແຂວງ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 9. ລາຍງານການປະຕິບັດການອອກສຳມະໂນຕອນດີນໃນທົ່ວແຂວງ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 10.ລາຍງານການປະຕິບັດການແກ້ໄຂຂໍ້ຂັດແຍ່ງ ຢູ່ເມືອງໄຊເສດຖາ ແລະ ເມືອງຊານໄຊ ທີ່ໄດ້ຮັບຜົນກະທົບຈາກການຈົກຄອງອ້ອມສວນຂອງບໍລິສັດທາໂກ. 11. ລາຍງານການປະຕິບັດຄຳສັ່ງເລກທີ 01/ຈຂອປ, ລົງວັນທີ 8 ມັງກອນ 2024 ກ່ຽວກັບການຫ້າມບຸກຄົນ, ນິຕິບຸກຄົນສ້າງອາຄານບ້ານເຮືອນ, ປູກຕົ້ນໄມ້ໃສ່ກ້ອງແລວສາຍໄຟ ແລະ ລັກລອບ ຮັບຊື້-ຂາຍ ເຄື່ອງໄຟຟ້າທຸກສະນິດຢູ່ແຂວງອັດຕະປື ແລະ ຄຳສັ່ງເລກທີ 02/ຈຂອປ, ລົງວັນທີ 17 ມັງກອນ 2024 ວ່າດ້ວຍການຢຸດຕິການຂຸດຄົ້ນແຮ່ຄຳຕົກຂ້ອນພາຍໃນແຂວງອັດຕະປື. 12. ລາຍງານການປະຕິບັດການຊຸກຍູ້ການພະລິດລະດູແລ້ງ ແລະ ກະກຽມການພະລິດລະດູຝົນ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 13. ລາຍງານການປະຕິບັດຄຳສັ່ງເລກທີ 03/ຈຂອປ, ລົງວັນທີ 24 ມັງກອນ 2024 ວ່າດ້ວຍການຢຸດຕິການສຳຫຼວດ ການຂຸດຄົ້ນ, ທ້ອນໂຮມໄມ້ໃນທົ່ວແຂວງອັດຕະປື. 14. ລາຍງານການປະຕິບັດການເຜົ້າລະວັງການຕອບໂຕ້ການແຜ່ລະບາດຂອງພະຍາດຕາມລະດູການຂອງສັດ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 15. ລາຍງານການປະຕິບັດການຄົ້ນຄວ້າ, ວາງແຜນຈັດສັນ ແລະ ພື້ນຟູທີ່ດີນ 3 ປະເພດປ່າ ໃນ 5 ຕົວເມືອງ ແລະ ບໍລິເວນສາຍນ້ຳເຊປຽນ ເມືອງສະໜາມໄຊ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ). 16. ລາຍງານການຈັດສັນ, ບູລະນະແຫຼ່ງທ່ອງທ່ຽວແຊພະ, ແຊປອງໄລ ຄືນໃຫມ່ ໂດຍແມ່ນພາກລັດເປັນຜູ້ຈັດສັນອອກແບບພັດທະນາໃຫ້ບໍລສັດ ໃນໄລຍະ 3 ເດືອນ ( 1,2,3 ) ແລະ ທິດທາງແຜນການ 3 ເດືອນ ( 4,5,6 ) ແລະ 17. ລາຍງານຄວາມຄືບໜ້າໃນການຕິດຕາມ, ຊຸກຍູ້ແກ້ໄຂຜົນການກວດສອບທີ່ຍັງຄ້າງຈຳນວນ 10 ຫົວຂໍ້ ຕາມບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານປະຈຳປີ 2020-2022.

ກອງປະຊຸມດຳເນີນມາເປັນເວລາ 2 ວັນ ໄດ້ຄົ້ນຄວ້າຫລາຍບັນຫາສໍາຄັນ ເພື່ຶອແນ່ໃສ່ເຮັດໃຫ້ການດໍາເນີນການພັດທະນາເສດຖະກິດ-ສັງຄົມ ແຂວງ ອັດຕະປື ໄປຕາມລະບຽບຫຼັກການ, ຕາມທິດທາງແຜນການລວມຂອງແຂວງ ແລະ ໄດ້ຮັບຜົນສຳເລັດຕາມລະດັບຄາດໝາຍ, ບັນດາຄະນະນໍາຂອງແຂວງໄດ້ສຸມໃສ່ປະກອບຄໍາຄິດເຫັນ, ຕີລາຄາການຈັດຕັ້ງປະຕິ ບັດວຽກງານອັນທີ່ພົ້ນເດັ່ນ ພາຍໃຕ້ການນໍາພາ-ຊີ້ນຳ ຂອງອົງການປົກຄອງແຂວງ ໃນໄລຍະ 3 ເດືອນຜ່ານມາ ເປັນຕົ້ນ ກອງປະຊຸມໄດ້ນຳເອົາບັນດາຫາງສຽງສັງຄົມອັນເປັນຂໍ້ຄົງຄ້າງຈາກແຕ່ລະທ້ອງຖິ່ນທີ່ປະຊາຊົນຖືກຜົນກະທົບ, ບັນຫາເສດຖະກິດຕິດພັນກັບການແກ້ໄຂ 2 ວາລະແຫ່ງຊາດ ແລະ ອື່ນໆ ເຊິ່ງກອງປະຊຸມຄັ້ງນີ້, ໄດ້ຄົ້ນຄວ້າ, ແລກປ່ຽນທັດສະນະແນວຄວາມຄິດ, ວິທີການ ແລະ ແບບ ແຜນການຈັດຕັ້ງປະຕິບັດວຽກງານໃນແຕ່ລະດ້ານ, ການແກ້ໄຂຂອດຂັ້ນຕ່າງໆໃນການຄຸ້ມຄອງ-ບໍລິຫານ ເພື່ອປັບປຸງໃຫ້ມີຄວາມສອດຄ່ອງ ແລະ ເປັນເອກະພາບກັນ ບົນພື້ນຖານສຸມໃສ່ປະຕິບັດວຽກງານທຸກດ້ານ ໃຫ້ໄດ້ຮັບການແກ້ໄຂຢ່າງຈິງຈັງ, ມີມາດຕະການພ້ອມທັງຊອກໃຫ້ເຫັນສາເຫດ -ເຫດຜົນ ທີ່ຈະຕ້ອງໄດ້ບຸກບືນສູ້ຊົນຜ່ານຜ່າຄວາມຫຍຸ້ງຍາກ, ສິ່ງທ້າທາຍຕ່າງໆ ເພື່ອຊອກໃຫ້ມີວິທີທາງອອກທີ່ດີ ເຊິ່ງມະຕິກອງປະຊຸມໄດ້ມອບໃຫ້ຂະແໜງການອອ້ມຂ້າງແຂວງ ແລະ ບັນດາເມືອງນຳເອົາເນື້ອໃນມະຕິກອງປະຊຸມອົງການປົກຄອງແຂວງໃນຄັ້ງນີ້ໄປຈັດຕັ້ງຜັນ ຂະຫຍາຍໃຫ້ປະກົດຜົນເປັນຈິງສູງຂຶ້ນ.

ໂອກາດດຽວກັນ ທ່ານ ພົນໂທ ວັນທອງ ກອງມະນີ ເລຂາພັກ ເຈົ້າແຂວງ ໄດ້ຮຽກຮ້ອງໃຫ້ຄະນະພັກ, ຄະນະນໍາໃນແຕ່ລະຂົງເຂດວຽກງານ ເພີ່ມທະວີເອົາໃຈໃສ່ໃນການນຳໆພາ-ຊີ້ນຳ, ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ເພື່ອສ້າງຄວາມເປັນເອກະພາບແຕ່ລະບັນຫາຕາມລະບຽບກົດໝາຍ ແລະ ສະພາບຄວາມເປັນຈິງຂອງທ້ອງຖິ່ນ, ເປັນກຳລັງແຮງ, ຮ່ວມກັນຊອກຫາທາງອອກ, ພ້ອມກັນຊອກວິທີແກ້ໄຂຢ່າງຖືກຕ້ອງສອດຄ່ອງ ໃນສະເພາະໜ້າ ແລະ ຍາວນານ ແນໃສສ້າງໃຫ້ແຂວງ ອັດຕະປື ມີການພັດທະນາຕາມແນວທາງປ່ຽນແປງໃໝ່ ແລະ ມີການພັດທະນາດີຂຶ້ນ, ພ້ອມກັນສືບຕໍ່ພັດທະນາເສດຖະ ກິດ-ສັງຄົມຂອງແຂວງ, ແກ້ໄຂບັນດາປະກົດການຫຍໍ້ທໍ້ຕ່າງໆ, ເອົາໃຈໃສ່ປັບປຸງຂອດການປະສານງານຂອງຂະແໜງການຕ່າງໆ ຢ່າງກົມກຽວ, ມີການປຶກສາຫາລື, ຊຸກ ຍູ້ຊ່ວຍເຫລືອເຊິ່ງກັນ ແລະ ກັນ ເພື່ອເຮັດໃຫ້ວຽກງານຕ່າງໆ ດຳເນີນໄປຢ່າງມີປະສິດທິພາບສູງຂຶ້ນ.

ຂ່າວ-ພາບ: ວິໄລສັກ ແກ້ວຫຼວງໂຄດ