banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:65
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1418
ເດືອນນີ້:ເດືອນນີ້:10771
ທັງໝົດ:ທັງໝົດ:892233

Lao National Radio

radio

ແຜນທີແຂວງ ອັດຕະປື

administrative map

 

 

 

ອັດຕະປື-ຣັດຕະນະຄີຣີ ສືບຕໍ່ຮັດແໜ້ນສາຍພົວພັນຮ່ວມມື ລາວ-ກຳປູເຈຍ

ລາວ-ກຳປູເຈຍ ສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນຮ່ວມມືຮອບດ້ານ ເພື່ອຜົນປະໂຫຍດລວມ ຂອງປະຊາຊົນສອງຊາດກໍຄື ສອງ ແຂວງອັດຕະປື-ຣັດຕະນະຄີຣີໃຫ້ແຕກດອກອອກຜົນຍິ່ງໆຂຶ້ນ. ສະນັ້ນ, ເລີ່ມແຕ່ວັນທີ 28-29 ກັນຍາ 2024 ທີ່ແຂວງ ອັດຕະປື ສປປ ລາວ ແລະ ແຂວງ ຣັດຕະນະຄີຣີ ແຫ່ງຣາຊະອານາຈັກກຳປູເຈຍ ໄດ້ພ້ອມກັນເຂົ້າຮ່ວມກອງປະຊຸມຮອບວຽນ ຄັ້ງທີ VI ກ່ຽວກັບການຮັດແໜ້ນສາຍພົວພັນ ແລະ ການຮ່ວມມື ທີ່ແຂວງ ອັດຕະປື ເຊິ່ງຝ່າຍຄະນະນໍາແຂວງ ອັດຕະປື ແຫ່ງ ສປປ ລາວ ນຳໂດຍ ທ່ານ ພົນໂທ ວັນທອງ ກອງມະນີ ເຈົ້າແຂວງ ແລະ ຝ່າຍຄະນະນໍາແຂວງ ຣັດຕະນະຄີຣີຣາຊະອານາຈັກກຳປູເຈຍ ນຳໂດຍ ທ່ານ ແຍມ ສັອນເອືອນ ເຈົ້າແຂວງ ພ້ອມດ້ວຍຄະນະນຳທັງ 2 ຝ່າຍເຂົ້າຮ່ວມ.

ໃນກອງປະຊຸມຄະນະນໍາທັງສອງຝ່າຍໄດ້ຕີລາຄາສູງ ລະຫວ່າງແຂວງອັດຕະປື ແຫ່ງສປປ ລາວ ແລະ ແຂວງ ຣັດຕະນະຄີຣີ ແຫ່ງຣາຊະອານາຈັກກໍາປູເຈຍ ທີ່ມີຊາຍແດນຕິດຈອດກັນ, ສະພາບການພົວພັນຮ່ວມມືສອງຝ່າຍ ກັບແຂວງຊາຍແດນໃນໄລຍະຜ່ານມາ ແມ່ນໄດ້ມີການພົວພັນອັນດີງາມ, ມີຜົນສຳເລັດທີ່ເປັນຮູບປະທຳຕົວຈິງຫຼາຍດ້ານ ເຮັດໃຫ້ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອຖານບ້ານໃກ້ເຮືອນຄຽງ ນັບມື້ນັບໄດ້ຮັບການເສີມຂະຫຍາຍມູນເຊື້ອສາມັກຄີປອງດອງຂອງປະຊາຊົນສອງຊາດກໍຄືສອງແຂວງ ອັດຕະປືໂເຍມີການປະສານງານກັນເປັນຢ່າງດີຕະຫຼອດມາ.

ຜ່ານການປຶກສາຫາລື, ແລກປ່ຽນ ຄໍາຄິດເຫັນ ແລະ ຂໍ້ສະເໜີແລກປ່ຽນ ຈຳນວນໜຶ່ງທີ່ສອງຝ່າຍ ມີຄວາມສົນໃຈຮ່ວມກັນ ຕາມເນື້ຶອໃນບົດລາຍງານທົບທວນຜົນສຳເລັດໃນການຈັດຕັ້ງປະຕິບັດກອງປະຊຸມຮອບວຽນ ຄັ້ງທີ V ຜ່ານມາ ແລະ ທິດທາງແຜນການຮ່ວມມື ຄັ້ງທີ VI ທີ່ມີອັນໃດປະສົບຜົນສໍາເລັດ ແລະ ຂໍ້ຄົງຄ້າງທັງສອງຝ່າຍຈະຕ້ອງໄດ້ສືບຕໍ່ຊຸກຍູ້, ຮັດແໜ້ນ ແລະ ເສີມຂະຫຍາຍສາຍພົວພັນການຮ່ວມມື ລະຫວ່າງສອງແຂວງໃຫ້ນັບມື້ດີຂຶ້ນເລື້ອຍໆ.
ກອງປະຊຸມສອງຝ່າຍສຳເລັດລົງຕາມຈຸດປະສົງ ແລະ ລະດັບຄາດໝາຍທີ່ວາງໄວ້ ດ້ວຍການເຫັນດີເປັນເອກະພາບປະຕິບັດການຮ່ວມມືໃນຂົງເຂດວຽກງານປ້ອງກັນຄວາມສະຫງົບສຸກເຂດບໍລິເວນຊາຍແດນ, ສືບຕໍ່ຮ່ວມມືທາງດ້ານຄົມມະນາຄົມ ແລະ ຂົນສົ່ງ, ຮ່ວມມືການພັດທະນາເສດຖະກິດ ແລະ ການບໍລິການ, ວຽກງານສຶກສາ, ຊາວໜຸ່ມ, ກິລາ ແລະ ຝຶກອົບຮົມວິຊາຊີບ, ວຽກງານສາທາລະນະສຸກ, ວຽກງານກະສິກຳ, ສິ່ງແວດລ້ອມ ແລະ ວຽກງານອື່ນໆທີ່ໄດ້ເຊັນລົງນາມຢ່າງເອກະພາບໃນບົດບັນທຶກການຮ່ວມມື ຄັ້ງທີ VI ກໍຄື ຢູ່ກອບການຮ່ວມືເຂດສາມຫຼ່ຽມພັດທະນາ (CLV) ເພື່ອສ້າງເງື່ອນໄຂໃນການເຄື່ອນໄຫວຮ່ວມກັນ ແລະ ສືບຕໍ່ປະຕິບັດບົນຈິດໃຈການພົວພັນ, ການຮ່ວມມື, ຊຸກຍູ້ແກ້ໄຂຄວາມເປັນລະບຽບຮຽບຮ້ອຍ ແລະ ພັດທະນາເສດຖະກິດ-ສັງຄົມຂອງສອງປະເທດໃຫ້ດີຂຶ້ນ.