banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:83
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1436
ເດືອນນີ້:ເດືອນນີ້:10789
ທັງໝົດ:ທັງໝົດ:892251

Lao National Radio

radio

ແຜນທີແຂວງ ອັດຕະປື

administrative map

 

 

ອະນຸກໍາມະການປະສານງານລະດັບແຂວງ CLV ປຶກສາຫາລືຮ່ວມເຂດສາມຫຼ່ຽມພັດທະນາ

ໃນວັນທີ 28 ກຸມພາ 2024 ນີ້ທີ່ແຂວງອັດຕະປື, ໄດ້ຈັດກອງປະຊຸມອຸນະກໍາມະການປະສານງານລະດັບແຂວງ ເຂດສາມຫຼ່ຽມພັດທະນາກໍາປູເຈຍ-ລາວ-ຫວຽດນາມ ຄັ້ງທີ 11 ໂດຍການເປັນປະທານຮ່ວມຂອງ ທ່ານ ທະນູໄຊ ບັນຊາລິດ ຮອງເຈົ້າແຂວງອັດຕະປື, ມີທ່ານຫົວໜ້າຄະນະອະນຸກໍາມະການປະສານງານລະດັບແຂວງ CLV ຂອງ ຫວຽດນາມ ແລະ ກໍາປູເຈຍ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

ກອງປະຊຸມຄັ້ງນີ້, ທັງສາມປະເທດໄດ້ມີການຕີລາຄາສູງຕໍ່ຄວາມຄືບໜ້າຂອງການຮ່ວມມືຂອບ CLV ໃນການຈັດຕັ້ງປະຕິບັດແຜນງານ ແລະ ໂຄງການຕ່າງໆໃນໄລຍະຜ່ານມາ, ຜົນສໍາເລັດທີ່ຍາດມາໄດ້ ການປະກອບສ່ວນຢ່າງຕັ້ງໜ້າຂອງພາກສ່ວນກ່ຽວຂ້ອງ 13 ແຂວງຂອງສາມປະເທດ ໂດຍການຮ່ວມມື ແລະ ຊ່ວຍເຫລືອ ເຊິ່ງກັນ ແລະ ກັນຢ່າງໃກ້ຊິດບົນພື້ນຖານຄວາມສາມັກຄີມິດຕະພາບທີ່ມີມາດົນນານຂອງສາມປະເທດ. ພ້ອມກັນນີ້ ກໍເພື່ອເປັນການທົບທວນຄືນການຈັດຕັ້ງປະຕິບັດຜົນຂອງກອງປະຊຸມສຸດຍອດ CLV ຄັ້ງທີ 11 ຜ່ານມາ ທີ່ຕິດພັນກັບອະນຸກໍາມະການປະສານງານລະດັບແຂວງສາມຫຼ່ຽມພັດທະນາ CLV ເຊິ່ງໄດ້ຮຽກຮ້ອງໃຫ້ອະນຸກໍາມະການປະສານງານລະດັບແຂວງຕ້ອງໄດ້ເປັນເຈົ້າການນໍາກັນຢ່າງຕັ້ງໜ້າໃນການປະສານສົມທົບ, ແລກປ່ຽນບົດຮຽນ ແລະ ປະສົບການຕ່າງໆເພື່ອເຮັດໃຫ້ເຈດຕະນາລົມຂອງຜູ້ນໍາສາມປະເທດໃນການສົ່ງເສີມການຮ່ວມມືດ້ານເສດຖະກິດເຂດສາມຫລ່ຽມພັດທະນາກຳປູເຈຍ-ລາວ-ຫວຽດນາມ (CLV DTA) ໄດ້ຮັບການເສີມຂະຫຍາຍຂຶ້ນເລື້ອຍໆ.

ນອກນີ້, ກອງປະຊຸມດັ່ງກ່າວ ກໍໄດ້ຕີລາຄາຜົນສໍາເລັດ, ຂໍ້ຄົງຄ້າງ ແລະ ສິ່ງທ້າທາຍຕ່າງໆທີ່ຕ້ອງໄດ້ເອົາໃຈໃສ່ແກ້ໄຂຮ່ວມກັນ ນໍາເອົາຜົນປະໂຫຍດໂດຍກົງມາສູ່ການພັດທະນາເສດຖະກິດ-ສັງຄົມ ເພື່ອຫລຸດພົ້ນຄວາມແຕກໂຕນດ້ານການພັດທະນາ ລະຫວ່າງ ບັນດາແຂວງພາຍໃນປະເທດ CLV ແລະ ສົ່ງເສີມອໍານວຍຄວາມສະດວກໃຫ້ແກ່ການຮ່ວມມືຮອບດ້ານ, ແນ່ໃສ່ການຍົກລະດັບຊີວິດການເປັນຢູ່ຂອງປະຊາຊົນໃນເຂດສາມຫຼ່ຽມພັດທະນາໃຫ້ນັບມື້ນັບດີຂຶ້ນເລື້ອຍໆ.