banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:76
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1429
ເດືອນນີ້:ເດືອນນີ້:10782
ທັງໝົດ:ທັງໝົດ:892244

Lao National Radio

radio

ແຜນທີແຂວງ ອັດຕະປື

administrative map

 

 

3 ປະເທດ ກໍາປູເຈຍ-ລາວ-ຫວຽດນາມ

ປືກສາຫາລືກ່ຽວກັບ ການສົ່ງເສີມການຄ້າ, ການລົງທຶນ ແລະ ທ່ອງທ່ຽວ ເຂດສາມຫລ່ຽມພັດທະນາ ຄັ້ງທີ 13

ກອງປະຊຸມສົ່ງເສີມການຄ້າ, ການລົງທຶນ ແລະ ທ່ອງທ່ຽວ ເຂດສາມຫລ່ຽມພັດທະນາຄັ້ງທີ 13 ໄດ້ຈັດຂຶ້ນໃນວັນທີ 27 ກຸມພາ 2024 ນີ້ທີ່ແຂວງອັດຕະປື ໂດຍເປັນປະທານຂອງທ່ານ ປອ ສະຖາບັນດິດ ອິນສີຊຽງໃໝ່, ຮອງລັດຖະມົນຕີກະຊວງແຜນການ ແລະ ການລົງທຶນ, ມີຮອງເລຂາຄະນະກໍາມະການສົ່ງເສີມການລົງທຶນກໍາປູເຈຍ, ຮອງຫົວໜ້າໜ່ວຍງານລົງທືນຕ່າງປະເທດ ສສ. ຫວຽດນາມ, ພ້ອມດ້ວຍແຂກ, ນັກລົງທຶນ ທັງ 3 ປະເທດ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ໃນໂອກາດນີ້, ທ່ານ ປອ ສະຖາບັນດິດ ອິນສີຊຽງໃໝ່ ໄດ້ກ່າວວ່າ: ກອງປະຊຸມຄັ້ງນີ້ມີຄວາມໝາຍສໍາຄັນຢ່າງ ຍິ່ງໃນການສົ່ງເສີມ ແລະ ປັບປຸງສະພາບແວດລ້ອມຂອງການດໍາເນີນທຸລະກິດ ແລະ ທ່ອງທ່ຽວໃນເຂດສາມຫຼ່ຽມພັດທະນາຂອງ 3 ປະເທດ ກໍາປູເຈຍ-ລາວ-ຫວຽດນາມ. ພ້ອມນີ້, ທ່ານຍັງກ່າວຕື່ມວ່າ: ສປປ ລາວ ຕີລາຄາສູງຕໍ່ຜົນສໍາເລັດໃນການຈັດຕັ້ງປະຕິບັດຂອບການຮ່ວມມືຂອງ 3 ປະເທດ ພົ້ນເດັ່ນແມ່ນການຜັນຂະຫຍາຍຜົນຂອງການປະຊຸມສຸດຍອດລັດຖະສະພາ ກໍາປູເຈຍ-ລາວ-ຫວຽດນາມ ຄັ້ງທີ 1 ທີ່ນະຄອນຫລວງວຽງຈັນ, ສປປ ລາວ ຄັ້ງວັນທີ 5-6 ທັນວາ 2023 ທີ່ຜ່ານມາຂອງລັດຖະບານ ແລະ ຂະແໜງການຂ່ຽວຂ້ອງຕ່າງໆຂອງ 3 ປະເທດໃນການຈັດຕັ້ງປະຕິບັດບັນດາສັນຍາ ແລະ ຂໍ້ຕົກລົງຕ່າງໆ ທີ່ໄດ້ຕົກລົງຮ່ວມກັນຕາມຂອບການຮ່ວມມືໃນເຂດສາມຫຼ່ຽມພັດທະນາ ແລະ ບັນລຸໄດ້ຜົນສໍາເລັດໃນຫລາຍດ້ານ ໂດຍສະເພາະພື້ນຖານໂຄງລ່າງການຄົມມະນາຄົມຂົນສົ່ງທາງບົກທີ່ມີການກໍ່ສ້າງຖະໜົນຫົນທາງເຊື່ອມຕໍ່ ລາວ-ກໍາປູເຈຍ-ຫວຽດນາມ, ການກໍ່ສ້າງເຂື່ອນໄຟຟ້ານໍ້າຕົກ, ການພັດທະນາດ້ານກະສີກໍາ ແລະ ວຽກງານພັດທະນາຊັບພະຍາກອນມະນຸດ ໃນເຂດສາມຫລ່ຽມພັດທະນາໄດ້ຮັບການປັບປຸງຍົກລະດັບຊຶ່ງເປັນການສົ່ງເສີມ ແລະ ອໍານວຍຄວາມສະດວກໃຫ້ແກ່ການຄ້າ, ການລົງທຶນ ແລະ ການທ່ອງທ່ຽວ ຢູ່ເຂດສາມຫຼ່ຽມພັດທະນາເຮັດໃຫ້ຊີວິດການເປັນຢູ່ຂອງປະຊາຊົນນັບມື້ໄດ້ຮັບການແກ້ໄຂດີຂຶ້ນ.

ສໍາລັບ ສປປ ລາວ ສາມາດຍາດແຍ່ງການສົ່ງອອກ, ດຶງດູດການລົງທຶນ ແລະ ນັກທ່ອງທ່ຽວຈາກກໍາປູເຈຍ ແລະ ຫວຽດນາມຄື: ການສົ່ງອອກໄປກໍາປູເຈຍປີ 2021 ມີມູນຄ່າລວມ 131 ລ້ານໂດລາ ຊຶ່ງໄຟຟ້າເປັນຜະລິດຄະພັນຕົ້ນຕໍ່ກວມເອົາ 109 ລ້ານໂດລາສະຫະລັດ. ເທົ່າກັບ 83% ຂອງການສົ່ງອອກທັງໝົດ, ສ່ວນການສົ່ງອອກໄປຫວຽດນາມປີ 2021 ມີມູນຄ່າລວມ 1.240 ລ້ານໂດລາສະຫະລັດ. ຜະລິດຕະພັນຕົ້ນຕໍ່ແມ່ນ ນໍ້າດື່ມ, ຢາງພາລາ ແລະ ງົວ ກວມເອົາ 520 ລ້ານໂດລາສະຫະລັດ. ຄິດເປັນ 42% ຂອງການສົ່ງອອກທັງໝົດ. ການລົງທຶນຂອງກໍາປູເຈຍ ມູນຄ່າລວມຮອດປີ 2023 ແມ່ນ 118 ລ້ານໂດລາ ຈັດເປັນອັນດັບທີ 16. ສ່ວນການລົງທຶນຂອງຫວຽດນາມ ມີມູນຄ່າລວມຮອດປີ 2023 ແມ່ນ 4.200 ລ້ານໂດລາສະຫະລັດ ຈັດເປັນອັນດັບ 3 ການລົງທຶນຕ່າງປະເທດຢູ່ລາວ. ຂະນະທີ່ ການທ່ອງທ່ຽວປີ 2023 (9 ເດືອນຕົ້ນປີ) ສໍາລັບຈາກປະເທດອາຊຽນມີ 1,6 ລ້ານຄົນ ກວມເອົາ 66% ຂອງນັກທ່ອງທ່ຽວທັງໝົດ ຊຶ່ງໃນນີ້ມີນັກທ່ອງທ່ຽວຈາກໄທ, ຫວຽດນາມ ແລະ ກໍາປູເຈຍ ແມ່ນກວມເອົາຈໍານວນຫຼາຍ.

ກອງປະຊຸມວ່າດ້ວຍການສົ່ງເສີມການຄ້າ, ການລົງທຶນ ແລະ ການທ່ອງທ່ຽວ ເຂດ 3 ຫລ່ຽມພັດທະນາ ຄັ້ງທີ 13 ຖືເປັນກົນໄກໜຶ່ງໃນຂອບການຮ່ວມມື ກໍາປູເຈຍ-ລາວ- ຫວຽດນາມ ທີ່ຈັດຂຶ້ນເປັນປະຈໍາທຸກໆປີ, ຊຶ່ງໃນຄັ້ງຜ່ານມາແມ່ນກໍາປູເຈຍ ເປັນເຈົ້າພາບຈັດຂຶ້ນຢູ່ ແຂວງກະແຈະ ໃນປີ 2019 ແລະ ໄດ້ປະສົບກັບບັນຫາການແຜ່ລະບາດຂອງພະຍາດໂຄວິດ-19, ຈຶ່ງເຮັດໃຫ້ກອງປະຊຸມໄດ້ຖືກເລື່ອນອອກໄປ. ຮອດປີ 2024 ສປປ ລາວ ຈຶ່ງໄດ້ສືບຕໍ່ຈັດກອງປະຊຸມດັ່ງກ່າວາຂຶ້ນ ເພື່ອສືບຕໍ່ສົ່ງເສີມດ້ານການຄ້າ, ການລົງທຶນ ແລະ ການທ່ອງທ່ຽວ ຂອງ 3 ປະເທດ.