banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:59
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1412
ເດືອນນີ້:ເດືອນນີ້:10765
ທັງໝົດ:ທັງໝົດ:892227

Lao National Radio

radio

ແຜນທີແຂວງ ອັດຕະປື

administrative map

 

 

ສະຫາຍເລຂາທິການໃຫຍ່

ເຄື່ອນໄຫວຢ້ຽມຢາມ ຊຸກຍູ້ວຽກງານຮອບດ້ານ ຢູ່ແຂວງອັດຕະປື

ໃນວັນທີ 22 ກຸມພາ 2024 ນີ້, ພະນະ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ພ້ອມຄະນະນຳຈາກສູນກາງໄດ້ລົງເຄື່ອນໄຫວຢ້ຽມຢາມຊຸກຍູ້ວຽກງານຮອບດ້ານທີ່ ແຂວງ ອັດຕະປື ເຊິ່ງພິທີຕ້ອນຮັບໄດ້ມີຂຶ້ນທີ່ຫໍປະຊຸມໃຫຍ່ຂອງແຂວງ ໂດຍການຕ້ອນຮັບຈາກ ສະຫາຍ ພົນໂທ ວັນທອງ ກອງມະນີ ກຳມະການສູນກາງພັກ ເລຂາພັກແຂວງ ເຈົ້າແຂວງ ອັດຕະປື, ມີບັນດາສະຫາຍພະນັກງານການນຳໃນຄະນະປະຈໍາພັກແຂວງ, ກໍາມະການພັກແຂວງ, ອາດີດການນຳຂອງແຂວງ, ເລຂາພັກເມືອງ-ເຈົ້າເມືອງ, ຫົວໜ້າ-ຮອງພະແນກການອ້ອມຂ້າງແຂວງເຂົ້າຮ່ວມຮັບຟັງ ແລະ ໃຫ້ການຕ້ອນຮັບຢ່າງອົບອຸ່ນ.

ເຄື່ອນໄຫວຢ້ຽມຢາມຊຸກຍູ້ວຽກງານຮອບດ້ານຂອງປະທານປະເທດ ແຫ່ງ ສປປ ລາວ ຢູ່ແຂວງ ອັດຕະປື ຄັ້ງນີ້ ສະຫາຍ ພົນໂທ ວັນທອງ ກອງມະນີ ກຳມະການສູນກາງພັກ ເລຂາພັກແຂວງ ເຈົ້າແຂວງ ອັດຕະປື ໄດ້ລາຍງານລາຍ​ງານໂດຍ​ຫຍໍ້ກ່ຽວ​ກັບການນໍາພາ-ຊີ້ນໍາ ແລ​ະ ປະ​ຕິ​ບັດວຽກງານຮອບດ້ານໃນໄລຍະຜ່ານມາ ແລະ ສະພາບທິດທາງແຜນການພັດທະນາເສດຖະກິດ-ສັງຄົມທີ່ເປັນຈຸດສຸມໃນຕໍ່ໜ້າໃຫ້ທ່ານໄດ້ຮັບຊາບ ໂດຍລວມແລ້ວ ແຂວງ ອັດຕະປື ຍັງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບສຸກ, ປະຊາຊົນມີຄວາມສາມັກຄີປອງດອງ, ເສດຖະກິດສືບຕໍ່ຂະຫຍາຍຕົວຕາມທ່າອ່ຽງຂອງເສດ ຖະກິດແຫ່ງຊາດ​ ໂດຍສະເພາະຂົງເຂດອຸດສາຫະກໍາ-ພະລັງ ງານໄຟຟ້າ, ຂົງເຂດກະສິກໍາ ແລະ ການຜະລິດ ເຊິ່ງລວມຍອດຜະລິດຕະພັນພາຍໃນ (GDP) ຂະຫຍາຍຕົວ 6,77%, ສະເລ່ຍຕໍ່ຫົວຄົນ 36,53 ລ້ານກີບ ຫລື 1.855 ໂດລາ, ຈັດເກັບລາຍຮັບງົບປະມານບັນລຸໄດ້ 787,25 ຕື້ກວ່າກີບ, ເທົ່າກັບ 147,50% ຂອງແຜນການ; ດ້ານລາຍຈ່າຍປະຕິບັດໄດ້ 448,84 ຕື້ກວ່າກີບ, ເທົ່າກັບ 99,69% ຂອງແຜນການ. ສະເພາະປີ 2024 ມາຮອດວັນທີ 13 ກຸມພາ 2024 ເກັບລາຍຮັບໄດ້ 70,58 ຕື້ກີບ ເທົ່າກັບ 10,18% ຂອງແຜນການປີ, ຊຸກຍູ້ປະຊາຊົນ ​ແລະ ​ນັກທຸລະກິດ ​ສື​ບຕໍ່​ລົງທຶນ​ໃນ​ດ້ານ​ຕ່າງໆ​ ເຊັ່ນ: ການ​ລ້ຽງ​ສັດ​ແບບ​ເປັນ​ຟາ​ມ, ການປູກຝັງ, ລ້ຽງສັດ ​ແລະ ອື່ນໆ, ສະເພາະການປູກເຂົ້ານາແຊງປີ 2024 ຊຶ່ງຕາມແຜນ 1.269 ເຮັກຕາ ຄາດຄະເນຜົນຜະລິດ 5.089 ໂຕນ, ຮອດປັດຈຸບັນປະຕິບັດໄດ້ 496,20 ເຮັກຕາ ເທົ່າກັບ 39,1% ຂອງແຜນການ ນອກນີ້, ຍັງ​ໄດ້ຍົກເລີກໂຄງການລົງທຶນມີ 33 ໂຄງການ​ ແລະ ໄດ້ອອກຄໍາສັ່ງຂອງແຂວງກ່ຽວກັບການຢຸດຕິຂຸດຄົ້ນແຮ່ຄໍາຕົກຂ້ອນ, ຄຳ​ສັ່ງຢຸດຕິການສໍາຫຼວດ, ຂຸດຄົ້ນໄມ້ ແລະ ທ້ອນໂຮມໄມ້ໃນທົ່ວແຂວງ ສ່ວນຂົງເຂດວັດທະນະທໍາ-ສັງຄົມ ແລະ ຂົງເຂດອື່ນໆກໍ່ໄດ້ຮັບການພັດທະນາດີຂຶ້ນເປັນກ້າວໆ.

ໃນໂອກາດນີ້ ພະນະ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ໄດ້ມີຄໍາເຫັນໂອ້ລົມ ແລະ ເນັ້ນໜັກຫຼາຍບັນຫາສໍາຄັນເປັນຕົ້ນ: ໃຫ້ການນໍາຂອງແຂວງ ນໍາພາ-ຊີ້ນໍາພະນັກງານ-ສະມາຊິກພັກ ແລະ ປະຊາຊົນບັນດາເຜົ່າ ສືບຕໍ່ເອົາໃຈໃສ່ວຽກງານສຶກສາອົບຮົມ ການເມືອງ-ແນວຄິດຕໍ່ພະນັກງານ, ສະມາຊິກພັກ ແລະ ປະຊາຊົນໃຫ້ເຂົົ້າໃຈສະພາບຄວາມເປັນຈິງຂອງປະເທດໃນປັດຈຸບັນ, ເອົາໃຈໃສ່ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ແຂວງອັດຕະປື ສືບຕໍ່ມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ; ສືບຕໍ່ນໍາພາ-ຊີ້ນໍາການພັດທະນາເສດຖະກິດ-ສັງຄົມດ້ວຍຄວາມເປັນຕົນເອງໃຫ້ຫຼາຍຂຶ້ນ, ສົົ່ງເສີມ ຂະບວນການຜະລິດເປັນສິນຄ້າຢູູ່ພາຍໃນໃຫ້ແຂງແຮງ ແລະ ເປັນເຈົົ້າຕົນເອງ ເພືີ່ອສ້າງຄວາມເຂັ້ມແຂງໃຫ້ແກ່ເສດຖະກິດຂອງແຂວງ, ເອົາ ໃຈໃສ່ການຄຸ້ມຄອງ ຊັບພະຍາກອນ ທໍາມະຊາດ,ໂດຍສະເພາະ ການຕັດໄມ້ທາລາຍປ່າ, ການຂຸດຄົົ້ນບໍ່ແຮ່ຊະຊາຍ, ສົົ່ງເສີມການຜະລິດຂອງປະຊາຊົນ, ມີການຈັດສັນເຂດການຜະລິດຄັກແນ່, ບໍ່ໃຫ້ບຸກລຸກປ່າໄມ້-ທີ່ດິນປູກພຶດອຸດສະຫະກຳທີ່ຜືນຕໍ່ລະບຽບກົດໝາຍຂອງລັດ, ສືບຕໍ່ດຶງການລົງທຶນຕ່າງປະເທດ ແລະ ປະຊາຊົນຕ້ອງເຂົົ້າຮ່ວມໃນໂຄງການລົງທຶນຕ່າງໆນັ້ນຕ້ອງມີຄວາມຮູ້, ຕ້ອງມີສີມືແຮງງານ ແລະ ຕ້ອງມີວິໄນ, ເອົາໃຈໃສ່ເຜີຍແຜ່ ເຊືີ່ອມຊຶມ ແລະ ຜັນຂະຫຍາຍບັນດາມະຕິຂອງສູນກາງ ເພືີ່ອການແກ້ໄຂບັນຫາຕົວຈິງຂອງແຂວງ, ຊຸກຍູ້ສົ່ງເສີມປະຊາຊົນ, ນັກທຸລະກິດ-ຜູ້ປະກອບການ ເຮັດການຜະລິດກະສິກໍາເປັນສິນຄ້າຕາມທ່າແຮງບົ່ມຊ້ອນ, ຄວາມຮຽກຮ້ອງຕ້ອງການຂອງຕະຫຼາດ ແລະ ຄວາມສາມາດຕົວຈິງໃນແຕ່ລະທ້ອງຖິ່ນ ເພື່ອສ້າງຄວາມເຂັ້ມແຂງໃຫ້ແກ່ການພັດທະນາເສດຖະກິດ-ສັງຄົມ ແລະ ແກ້ໄຂຄວາມທຸກຍາກຂອງປະຊາຊົນພາຍໃນແຂວງໃຫ້ດີຂຶ້ນ.

ໃນວັນດຽວກັນນີ້ ປະທານປະເທດແຫ່ງ ສປປ ລາວ ຍັງໄດ້ໄປຢ້ຽມຊົມການຜະລິດ, ຮັບຟັງການລາຍງານ ແລະ ພົບປະໂອ້ລົມກັບພໍ່ແມ່ປະຊາຊົນບ້ານໄຊສີ ເມືອງໄຊເສດຖາ ແລະ ຢ້ຽມຢາມສູນຮຽນຮູ້ການຜະລິດກະສິກໍາແບບຍືນຍົງທີ່ໂຮງຮຽນວິຊາຊີບຂອງແຂວງ ພ້ອມທັງພົບປະໂອ້ລົມກັບພະນັກງານຄູອາຈານ, ນັກຮຽນ ແລະ ປະຊາຊົນຕື່ມອີກ.