banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:54
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1407
ເດືອນນີ້:ເດືອນນີ້:10760
ທັງໝົດ:ທັງໝົດ:892222

Lao National Radio

radio

ແຜນທີແຂວງ ອັດຕະປື

administrative map

 

 

ເຈົ້າແຂວງ ອັດຕະປື ຕ້ອນຮັບການມາຢ້ຽມຢາມ

ແລະ ເຮັດວຽກ ຂອງອົງການອາຫານ ແລະ ການກະເສດ ແຫ່ງສະຫາປະຊາຊາດ

ໃນຕອນເຊົ້າຂອງວັນທີ 27 ກຸມພາ 2024 ນີ້ ທ່ານ ພົທ ວັນທອງ ກອງມະນີ ເຈົ້າແຂວງ ອັດຕະປື ໄດ້ຕ້ອນຮັບການມາຢ້ຽມຢາມ ແລະ ເຮັດວຽກ ຂອງ ທ່ານ ນາງ ຄອງ ມີ ຄິມ ຫົວໜ້າ ອົງການ ອາຫານ ແລະ ການກະເສດ ແຫ່ງສະຫາປະຊາຊາດ ປະຈຳ ສປປ ລາວ​, ພິທີຕ້ອນຮັບ ແລະ ພົບປະໂອ້ລົມ ໄດ້ຈັດຂື້ນທີ່ຫ້ອງຮັບແຂກຂອງທ່ານເຈົ້າແຂວງ.

ນະໂອກາດທີ່ມີຄວາມຫມາຍຄວາມສຳຄັນນີ້ ທ່ານ ນາງ ຄອງ ມີ ຄິມ ໄດ້ລາຍງານເຖິງຄວາມເປັນມາໃນການເຄື່ອນໄຫວວຽກງານຊ່ວຍເຫລືອທາງດ້ານວຽກງານເສີມສ້າງຄວາມທົນທານກັບສະພາບອາກາດຂອງລະບົບກະສິກຳ ແລະ ຊີວິດການເປັນຢູ່ທີ່ເປັນມິດກັບສິ່ງແວດລ້ອມໃນແຂວງອັດຕະປື ເຊິ່ງເປັນໂຄງການທີ່ມີໄລຍະ 4 ປີ ( 2020-2024 ) ມີງົບປະມານທັງຫມົດ 1.800.000 ໂດລາ ເຊິ່ງເປັນໂຄງການທີ່ໄດ້ຮັບທຶນຈາກອົງການ KOICA ສ່ວນຜູ້ນໍາພາຈັດຕັ້ງປະຕິບັດແມ່ນອົງການ FAO ຮ່ວມກັບ ຂະແໜງການກະສິກໍາ ໂດຍສະເພາະແມ່ນ ພະແນກກະສິກຳ ແລະ ປ່າໄມ້ແຂວງອັດຕະປື (PAFO), ໂຄງການຈັດຕັ້ງປະຕິບັດທັງໝົດ 31 ບ້ານ, ພາຍໃນ 3 ເມືອງຄື: ເມືອງ ສາມັກຄີໄຊ 5 ບ້ານ, ໄຊເສດຖາ 7 ບ້ານ ແລະ ສະໜາມໄຊ 19 ບ້ານ ຈາກນີ້ ຍັງໄດ້ກ່າວເຖິງຈຸດປະສົງຂອງການເຂົ້າພົບມື້ນີ້ແມ່ນເພື່ອລາຍງານຕໍ່ທ່ານເຈົ້າແຂວງຮັບຊາບວ່າຈະໄດ້ມີພິທີ ມອບ-ຮັບ ໂຄງການລະບົບນ້ຳພະລັງງານແສງອາທິດ ຢູ່ທີ່ ບ້ານ ອີນທີ ເມືອງສະຫນາມໄຊ.

ໃນໂອກາດດຽວກັນ ທ່ານ ພົທ ວັນທອງ ກອງມະນີ ເຈົ້າແຂວງ ອັດຕະປື ກໍ່ໄດ້ສະແດງຄວາມຂອບໃຈຕໍ່ການມາຢ້ຽມຢາມ ແລະ ຂອບໃຈຕໍ່ກັບການຊ່ວຍເຫລືອດ້ານຕ່າງໆ ເຊິ່ງມີຄວາມຫມາຍຄວາມສຳຄັນຫລາຍ ຕໍ່ກັບການດຳລົງຊີວິດຂອງພໍ່ແມ່ປະຊາຊົນຊາວແຂວງອັດຕະປື ແລະ ກໍ່ຂໍໃຫ້ສືບຕໍ່ຮ່ວມມື ຊ່ວຍເຫລືອ ແລະ ຊູກຍູ້-ສົ່ງເສີມ ວຽກງານການພະລິດກະສິກຳໃນທົ່ວຂົງເຂດໃນແຂວງອັດຕະປື ເພື່ອຮ່ວມກັນພັດທະນາໃຫ້ແຂວງມີຄວາມເຂັ້ມແຂງທາງດ້ານການພະລິດກະສິກຳ (ການປູການລ້ຽງ ) ແລະ ຮັບປະກັນທາງດ້ານສະບຽງອາຫານແບບຍືນຍົງ ແລະ ດີຂື້ນເປັນກ້າວໆ.

ໂດຍ: ວິໄລສັກ ແກ້ວຫຼວງໂຄດ