banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:58
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1411
ເດືອນນີ້:ເດືອນນີ້:10764
ທັງໝົດ:ທັງໝົດ:892226

Lao National Radio

radio

ແຜນທີແຂວງ ອັດຕະປື

administrative map

 

 

ພິທີມອບ-ຮັບໂຮງໝໍຊຸມຊົນ ຫຼັງໃໝ່ ທີ່ເມືອງ ສະໜາມໄຊ ແຂວງ ອັດຕະປື

ພິທີມອບ-ຮັບໂຮງໝໍຊຸມຊົນ ຫຼັງໃໝ່ ເມືອງ ສະໜາມໄຊ ແຂວງ ອັດຕະປື ໄດ້ຈັດຂື້ນຢ່າງເປັນທາງການເມື່ອວັນທີ 18 ມັງກອນ 2024 ທີ່ບ້ານ ດົງບາກໃໝ່ຫີນຄຳ, ໃຫ້ກຽດເຂົ້າ​ຮ່ວມຂອງທ່ານ ພົນໂທ ວັນທອງ ກອງມະນີ ເຈົ້າແຂວງ ອັດ​ຕະປື, ມີທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ, ມີທ່ານ ຢອງຊູຈອງ ເອກອັກຄະລັດຖະທູດສາທາລະນະລັດ ເກົາຫຼີ  ປະຈຳ ສປປ ລາວ, ມີພະ​ແນກການອ້ອມຂ້າງແຂວງ, ເມືອງ ເຂົ້າຮ່ວມ.

ໃນພິທີທ່ານ ອິນປັນ ອິນທິລາດ ຫົວໜ້າພະແນກສາທາລະນະສຸກ ແຂວງ ອັດຕະປື ໄດ້ລາຍງານວ່າ: ໂຄງການກໍ່ສ້າງໂຮງໝໍຊຸມຊົນ ເມືອງ ສະໜາມໄຊ ຫຼັງໃໝ່ ໄດ້ເລີ່ມລົງມືກໍ່ສ້າງມາແຕ່ວັນທີ 25 ພະຈິກ 2021 ຫາ ວັນທີ 24 ພະຈິກ 2023 ລວມເວລາກໍ່ສ້າງ 24 ເດືອນ, ໂດຍແມ່ນພະແນກສາທາລະນະສຸກແຂວງ ອັດຕະປື ເປັນເຈົ້າຂອງໂຄງການ, ອົງການຮ່ວມມືສາ​ກົນປະເທດເກົາຫຼີ ເປັນຜູ້ໃຫ້ທຶນປຸກສ້າງ ພາຍໃຕ້ແຜນງານ ສ້າງຄວາມເຂັ້ມແຂງ ເພື່ອຮັບມືກັບສະພາບດິນຟ້າອາກາດແບບປະສົມປະສານ ທີ່ແຂວງ ອັດຕະປື ໃນມູນຄ່າ 16 ຕື້ກວ່າກີບ,

ໂດຍແມ່ນບໍລິສັດໂພສີກໍ່ສ້າງຈຳກັດຜູ້ດຽວ ເປັນຜູ້ຮັບ   ເໝົາການກໍ່ສ້າງ, ໂຮງໝໍຊຸມຊົນ ເມືອງ ສະໜາມໄຊ ເປັນອາຄານຊັ້ນດຽວ, ຂະໜາດບັນຈຸ 30 ຕຽງ, ເຊີ່ງປະກອບມີບັນດາໜ້າວຽກເຊັ່ນ: ປັບພື້ນທີ່ປຸກສ້າງ ແລະ ຖົມດິນ, ອາ​ຄານໂຮງໝໍ, ຫ້ອງການ, ອາຄານຫໍພັກພະນັກງານ, ຫ້ອງນໍ້າ, ອາຄານເຮືອນຄົວກິນພີ່ນ້ອງຄົນເຈັບ, ອາຄານເຮືອນຊັກເຄື່ອງ, ອາຄານກາລາລົດ ແລະ ສ້າງ, ອາຄານເຮືອນເຢັນ, ອາຄານເຮືອນຈັກໄຟຟ້າ, ວຽກນອກອາຄານປະກອບມີຮົ້ວອ້ອມເດີ່ນໂຮງໝໍ, ກໍ່ສ້າງເຮືອນສົ່ງນໍ້າ ບັນຈຸແທ້ງນໍ້າ, ເທເດີ່ນ, ປູກຫຍ້າ, ປູກດອກໄມ້,ອາຄານ ເຕົາອົບອະເຊື້ອ ແລະ ຊັກເຄື່ອງ, ອາຄານເກັບມ້ຽນຂີ້ເຫຍື່ອ ແລະ ຂຸມຝັງເຂັມ, ຮົ້ວອ້ອມອ້ອມສະຖານທີ່ຖິ້ມຂີ້ເຫຍື້ອ ທາງດ້ານການແພດ, ວຽກໄຟຟ້າພາຍໃນ ແລະ ນອກອາຄານ ຍັງໄດ້ຕອບສະ ໜອງອຸປະກອນການແພດທີ່ທັນສະໄໝຮັບໃຊ້ໂຮງໝໍ ຊຸມຊົນສະໜາມໄຊ, ປະກອບມີຫ້ອງປະສູດ, ພາຍໃນ, ພາຍນອກ, ແມ່ ແລະ ເດັກ, ຫ້ອງລັງສີ-ເອໂກ, ຫ້ອງວິເຄາະ, ຫ້ອງປິ່ນປົວແຂ້ວ, ຫ້ອງລະບົບອະເຊື້ອ ລວມມູນຄ່າ ທັງໝົດ 2 ແສນກວ່າໂດລາສະຫາລັດ, ໂຮງໝໍຊຸມຊົນສະໜາມໄຊ ແຫ່ງນີ້ ແມ່ນຈະເປີດບໍລິການ ແລະ ປິ່ນປົວ ແລະ ຮັບໃຊ້ປະຊາຊົນບັນດາເຜົ່າພາຍໃນເມືອງ ສະໜາມໄຊ ແລະ ບັນດາເຂດໃກ້ຄຽງ ຕາມນະໂຍບາຍຂອງກະຊວງສາທາລະນະສຸກ .

ໂອກາດດັ່ງກ່າວໃນພິທີ ແຂກເຂົ້າຮ່ວມທຸກພາກສ່ວນ ໄດ້ຮ່ວມກັນເປີດປ້າຍ ແລະ ລັ່ນຄ້ອງ 9 ບາດ ເພື່ອຢັ້ງຢືນວ່າໂຮງໝໍຊຸມຊົນ ເມືອງ ສະໜາມໄຊ ພ້ອມເປີດບໍລິການຮັບໃຊ້ປິ່ນປົວປະຊາຊົນ ຢ່າງເປັນທາງການ.
ຂ່າວ: ສິດຕິພອນ
ພາບ: ວິໄລສັກ ແກ້ວຫຼວງໂຄດ