banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:91
ມື້ວານນີ້:ມື້ວານນີ້:449
ອາທິດນີ້:ອາທິດນີ້:1444
ເດືອນນີ້:ເດືອນນີ້:10797
ທັງໝົດ:ທັງໝົດ:892259

Lao National Radio

radio

ແຜນທີແຂວງ ອັດຕະປື

administrative map

 

 

ຄະນະນໍາແຂວງ ເຄື່ອນໄຫວຢ້ຽມຢາມ ອ່ວຍພອນ

ນາຍ ແລະ ພົນທະຫານ ຂອງກອງພັນທະຫານຮາບ 19 ແລະ ກອງຮ້ອຍທະຫານຊາຍແດນ 542

ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ວັນທີ 20 ມັງກອນ 1949-20 ມັງກອນ ປີ 2024 ທີ່ຈະມາຫມູນວຽນມາເຖິງໃນຫມໍ່ໆນີ້, ເພື່ອເປັນຂວັນ ແລະ ກໍາລັງໃຈໃຫ້ແກ່ອ້າຍນ້ອງນາຍ ແລະ ພົນທະຫານ ຂອງກອງພັນທະຫານຮາບ 19 ແລະ ກອງຮ້ອຍທະຫານຊາຍແດນ 542 ທະຫານແຂວງອັດຕະປື ທີ່ກຳລັງປະຕິບັດໜ້າທີ່ເປັນຮົ້ວຂອງຊາດ ກໍ່ຄືປົກປັກຮັກສາອະທິປະໄຕຜືນແຜນດິນຂອງຊາດ,

ດັ່ງນັ້ນໃນລະຫວ່າງວັນທີ 13-14 ມັງກອນ 2024 ນີ້ ຄະນະນໍາແຂວງ ເຊິ່ງນຳໂດຍ ທ່ານ ທະນູໄຊ ບັນຊາລິດ ຄະນະປະຈຳພັກແຂວງ, ຮອງເຈົ້າແຂວງອັດຕະປື ພ້ອມດ້ວຍຄະນະນຳຈາກບັນດາພະແນກການອ້ອມຂ້າງແຂວງ ແລະ ຄະນະພັກ-ຄະນະບັນຊາ ຈາກກອງບັນຊາການທະຫານແຂວງ ໄດ້ເຄື່ອນໄຫວຢ້ຽມຢາມ ອ່ວຍພອນ ແລະ ໄດ້ນຳເອົາຂອງຂວັນຈຳນວນໜຶ່ງເປັນປະເພດເຄື່ອງບໍລິໂພກ ແລະ ອຸປະໂພກ ເພື່ອມອບໃຫ້ອ້າຍນ້ອງນາຍ ແລະ ພົນທະຫານຢູ່ກອງພັນທະຫານຮາບ 19 ແລະ ກອງຮ້ອຍທະຫານຊາຍແດນ 542.

ພິທີຕ້ອນຮັບ ແລະ ອ່ວຍພອນໄດ້ຈັດຂື້ນທີ່ ກອງພັນທະຫານຮາບ 19 ໃນຕອນບ່າຍຂອງວັນທີ 13 ມັງກອນ 2024 ແລະ ຫຼັງຈາກນັ້ນກໍ່ໄດ້ເດີນທາງຕໍ່ ເພື່ອສືບຕໍ່ໄປຢ້ຽມຢາມ, ອ່ວຍພອນ ແລະ ມອບເຄື່ອງ ທີ່ກອງຮ້ອຍທະຫານຊາຍແດນ 542 ໃນວັນທີ 14 ມັງກອນ 2024. ນະໂອກາດທີ່ມີຄວາມໝາຍຄວາມສຳຄັນນີ້ ທ່ານ ທະນູໄຊ ບັນຊາລິດ ຄະນະປະຈຳພັກແຂວງ, ຮອງເຈົ້າແຂວງອັດຕະປື ກໍ່ໄດ້ຖືໂອກາດນີ້ ຂໍຕາງໜ້າໃຫ້ຄະນະພັກ, ອຳນາດການປົກຄອງທຸກຂັ້ນ ຕະຫຼອດຮອດພໍ່ແມ່ປະຊາຊົນບັນດາເຜົ່າຊາວແຂວງອັດຕະປື ທີ່ຢູ່ແນວຫຼັງ ນະໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ວັນທີ 20 ມັງກອນ 1949-20 ມັງກອນ ປີ 2024 ທີ່ຈະມາຫມູນວຽນມາເຖິງນີ້ ຂໍ່ອ່ວຍໄຊໃຫ້ພອນແກ່ພະນັກງານ-ນັກຮົບ ໃນທົ່ວກອງພັນທະຫານຮາບ 19 ແລະ ກອງຮ້ອຍທະຫານຊາຍແດນ 542 ທີ່ໄດ້ທຸ້ມເທແຮງກາຍແຮງໃຈ ແລະ ສະຕິປັນຍາເພື່ອອຸທິດຕົນໃຫ້ແກ່ປະເທດຊາດບ້ານເມືອງ ໃຫ້ໄດ້ມີໂອກາດສ້າງສາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງເຊັ່ນທຸກວັນນີ້ ໃນໂອກາດວັນສໍາຄັນນີ້ຂ້າພະເຈົ້າຂໍອ່ວຍພອນໄຊອັນປະເສີດ, ຈົ່ງມີສຸຂະພາບເຂັ້ມແຂງ, ມີພາລະອານາໄມສົມບູນ, ມີຄວາມສຸກໃນຊິວິດສ່ວນຕົວ ແລະ ຄອບຄົວ ແລະ ປະສົບຜົນສໍາເລັດໃນການປະຕິບັດໜ້າທີ່ອັນສຳຄັນ ແລະ ໃຫຍ່ຫຼວງ ທີ່ພັກ-ລັດ ກໍ່ຄືຂັ້ນເທິງມອບໝາຍໃຫ້.

ໂດຍ: ວິໄລສັກ ແກ້ວຫຼວງໂຄດ