ອັດຕະປື ລະດົມທຶນ ເພື່ອປະກອບສ່ວນເຂົ້າໃນການສະເຫຼີມສະຫລອງ
2 ວັນປະຫວັດສາດລາວ-ຫວຽດນາມ ແລະ ການກະກຽມກອງປະຊຸມເຂດສາມຫລ່ຽມພັດທະນາ.
ຕອນເຊົ້າຂອງວັນທີ 28 ກັນຍາ 2022 ນີ້ ແຂວງອັດຕະປື ໄດ້ມີກອງປະຊຸມ ລະດົມທືນ ເພື່ອປະກອບສ່ວນເຂົ້າໃນການສະເຫຼີມສະຫຼອງ 2 ວັນປະຫວັດສາດ ລາວ-ຫວຽດນາມ ປີ 2022 ແລະ ການກະກຽມຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ( CLV DTA JCC ) ຄັ້ງທີ 13 ທີ່ແຂວງອັດຕະປື ເປັນເຈົ້າພາບ.ກອງປະຊຸມຄັ້ງນີ້ໄດ້ມີຂຶ້ນທີ່ຫໍປະຊຸມໃຫຍ່ຂອງແຂວງ ໂດຍການເປັນປະທານຂອງ ທ່ານ ເລັດ ໄຊຍະພອນ ເຈົ້າແຂວງໆ ອັດຕະປື, ມີບັນດາການນຳຂັ້ນສູງຂອງແຂວງ ແລະ ບັນດາບໍລິສັດ -ຫົວໜ່ວຍທຸລະກິດເຂົ້າຮ່ວມ.
ກອງປະຊຸມຄັ້ງນີ້,ໄດ້ມີບັນດາບໍລິສັດເຂົ້າຮ່ວມ ຫຼາຍບໍລິສັດ ທີ່ໄດ້ຍື່ນມືໃຫ້ການປະກອບສ່ວນສະຫນັບສະຫນູນສະເພາະມື້ນີ້ ໄດ້ມີ 30 ບໍລິສັດ ທີ່ໄດ້ມອບເປັນເງີນສົດເລີຍລວມເປັນເງີນທັງໝົດ 846.700.000 ກິບແລະ ຍັງມີອີກຫຼາຍບໍລິສັດທີ່ໄດ້ລົງທະບຽນໄວ້ ເພື່ອຈະມອບພາຍຫຼັງ
ຂ່າວ: ວິໄລສັກ ແກ້ວຫຼວງໂຄດ