banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:69
ມື້ວານນີ້:ມື້ວານນີ້:583
ອາທິດນີ້:ອາທິດນີ້:3689
ເດືອນນີ້:ເດືອນນີ້:1707
ທັງໝົດ:ທັງໝົດ:642449

Lao National Radio

radio

ແຜນທີແຂວງ ອັດຕະປື

administrative map

 

 

ຄະນະນຳຂັ້ນສູງແຂວງອັດຕະປື ສໍາເລັດການຢ້ຽມຢາມ ແລະ ເຮັດວຽກທີ່ ແຂວງ ກວາງນາມ ແລະ ແຂວງ ກວາງຫງາຍ

ປະເທດ ສສ ຫວຽດນາມ

ໃນລະຫວ່າງວັນທີ 22 – 23 ສິງຫາ 2022 ທີ່ຜ່ານມານີ້ ຄະນະນຳຂັ້ນສູງນຳໂດຍ ທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ອັດຕະປື ພ້ອມດ້ວຍຄະນະ ໄດ້ສໍາເລັດພາລະກິດຢ້ຽມຢາມ ແລະ ເຮັດວຽກທີ່ແຂວງ ກວາງນາມ ປະເທດ ສສ ຫວຽດນາມ ໃນພາກເຊົ້າ ຂອງວັນທີ 22 ສິງຫາ 2022

ໂດຍການຕ້ອນຮັບຢ່າງອົບອຸ່ນຂອງ ສະຫາຍ ຟານ ຫວຽດ ເກື່ອງ ຄະນະບໍລິຫານງານສູນກາງພັກກອມມູນິດຫວຽດນາມ, ເລຂາພັກແຂວງ, ປະທານ ສະພາປະຊາຊົນແຂວງ ພ້ອມດ້ວຍຄະນະຜູ້ແທນຂອງແຂວງກວາງນາມໃຫ້ການຕ້ອນຮັບ ແລະ ໄດ້ຈັດກອງປະຊຸມຂື້ນທີ່ຫ້ອງວ່າການແຂວງ ກວາງນາມ ປະເທດ ສສ ຫວຽດນາມ, ໃນການມາຢ້ຽມຢາມ ແລະ ເຮັດວຽກຄັ້ງນີ້ ຖືວ່າເປັນຄັ້ງທຳອິດຂອງແຂວງອັດຕະປື, ເຊິ່ງໃນພິທີ ຄະນະນຳທັງສອງຝ່າຍກໍ່ໄດ້ລາຍງານໂດຍຫຍໍ້ກ່ຽວກັບສະພາບລວມ, ຈຸດພິເສດ ແລະ ການພັດທະນາເສດຖະກິດ-ສັງຄົມ ຂອງຕົນໃຫ້ອີກຝ່າຍຮັບຊາບ ເຊິ່ງເຫັນວ່າມີທ່າອ່ຽງ ແລະ ຄວາມເອື້ອອຳນວຍຕໍ່ຄວາມເປັນໄປໄດ້ໃນການຮ່ວມມືຫລາຍດ້ານໃນຕໍ່ໜ້າ, ທັງສອງຝ່າຍຍັງໄດ້ປືກສາຫາລືກ່ຽວກັບແຜນການຮ່ວມມືໃນຕໍ່ໜ້າເຊັ່ນ ການແລກປ່ຽນຄະນະຜູ້ແທນຂັ້ນສູງມາຢ້ຽມຢາມ, ເຮັດວຽກ, ແລກປ່ຽນ ແລະຖອດຖອນ ບົດຮຽນເຊິ່ງກັນ ແລະ ກັນ, ການພົວພັນຮວ່ມມືມິດຕະພາບ ລະຫວ່າງ ແຂວງກວາງນາມ ແລະ ແຂວງອັດຕະປື, ຊຸກຍູ້ແລກປ່ຽນການເຄື່ອນໄຫວການຮ່ວມມືດ້ານການທູດ ແລະ ຊຸກຍູ້ໃຫ້ມີການແລກປ່ຽນ ການຮວ່ມມືຂອງພາກສ່ວນທຸລະກິດ, ຈາກນັ້ນ ຜູ້ແທນທັງສອງຝ່າຍກໍ່ໄດ້ສຶບຕໍ່ຢ້ຽມຢາມ ທັດສະນະທີ່ບໍລິສັດ ທາໂກ ( Thaco ) ເຊິ່ງເປັນບໍລິສັດ ຜະລິດ ແລະ ປະກອບລົດຍົນຄະໜາດໃຫຍ່ ມີຫຼາຍປະເພດ ແລະ ຫຼາຍຍີຫໍ້. ນອກນີ້; ຍັງເປັນບໍລິສັດທີ່ລົງທືນດ້ານການກະເສດເຊັ່ນ: ປູກພືດ ລ້ຽງສັດ ຄະໜາດໃຫຍ່ນຳອິກ.

ໃນວັນດຽວກັນ ຄະນະນຳຂອງແຂວງ ອັດຕະປື ກໍ່ໄດ້ເດີນທາງໄປ ແຂວງ ກວາງຫງາຍ ປະເທດ ສສ ຫວຽດນາມຕື່ມອີກ ເພື່ອຢ້ຽມຢາມ ແລະ ເຮັດວຽກສຶບຕໍ່ໃນພາກເຊົ້າຂອງວັນທີ 23 ສິງຫາ 2022 ໂດຍການຕ້ອນຮັບຢ່າງອົບອຸ່ນຂອງ ສະຫາຍ ນາງ ບຸ່ຍ ທີ້ ກວີ່ນ ເວິນ ຄະນະບໍລິຫານງານສູນກາງພັກ, ເລຂາພັກແຂວງ, ປະທານ ສະພາປະຊາຊົນແຂວງ ພ້ອມດ້ວຍຄະນະນໍາຂັ້ນສູງແຂວງ ກວາງຫງາຍ ໃຫ້ການຕ້ອນຮັບ ແລະ ໄດ້ຈັດກອງປະຊຸມເພື່ອພົບປະແລກປ່ຽນຂື້ນທີ່ ຫ້ອງວ່າການແຂວງ ກວາງຫງາຍ.

ໃນພິທີ ທັງສອງຝ່າຍກໍ່ໄດ້ລາຍງານສະພາບລວມ ແລະ ການພັດທະນາເສດຖະກິດ-ສັງຄົມໃນໄລຍະຜ່ານມາຂອງແຂວງຕົນໃຫ້ອີກຝ່າຍຮັບຊາບ ເຊິ່ງເຫັນວ່າ ທັງສອງແຂວງຕ່າງກໍ່ມີການພັດທະນາໃນຫຼາຍໆດ້ານຢ່າງວ່ອງໄວ ແລະ ຍັງໄດ້ຮ່ວມກັນຫວນຄືນ ແລະ ຄົ້ນຄວ້າ ຕີລາຄາຄືນກ່ຽວກັບການຈັດຕັ້ງຜັນຂະຫຍາຍເນື້ຶອໃນບົດບັນທຶກທີ່ສອງແຂວງໄດ້ລົງນາມກັນໃນປີ 2014 ນັ້ນ, ເຊິ່ງມີພຽງຂົງເຂດການສຶກສາ ທີ່ໄດ້ຈັດຕັ້ງຜັນຂະຫຍາຍເປັນປົກກະຕິ, ສ່ວນຂົງເຂດອື່ນ ຍ້ອນມີປັດໄຈຫຼາຍຢ່າງຈິ່ງບໍ່ໄດ້ຈັດຕັ້ງຜັນຂະຫຍາຍເທົ່າທີ່ຄວນ ແລະ ຜູ້ນຳທັງສອງຝ່າຍຍັງໄດ້ຄົ້ນຄວ້າ ປຶກສາຫາລືແລກປ່ຽນ ເພື່ອຊຸກຍູ້ໃຫ້ມີການແລກປ່ຽນການຮວ່ມມືຂອງພາກສ່ວນທຸລະກິດ ໃຫ້ນັກທຸລະກິດທັງສອງຝ່າຍໄປສຶກສາຄວາມເປັນໄປໄດ້ໃນການລົງທຶນ ແລະ ຄະນະນຳທັງສອງຝ່າຍຈະໃຫ້ການຮ່ວມມື ສະໜັບສະໜູນຢ່າງເຕັມທີ່, ສໍາລັບແຂວງອັດຕະປື ມີທ່າແຮງຫຼາຍດ້ານທີ່ນັກລົງທຶນສາມາດເຂົ້າໄປລົງທຶນ ຫຼື ຮ່ວມມືກັນ, ສະນັ້ນ ສະເໜີໃຫ້ພາກທຸລະກິດຈາກແຂວງກວາງຫງາຍ ໄປສຶກສາເບິ່ງຄວາມເປັນຈິງ ແລະໃນຂະແໜງ ການທ່ອງທ່ຽວ. ແຂວງ ກວາງຫງາຍ ກໍ່ມີທ່າແຮງ ແລະ ປະສົບການໃນການບໍລິການ ດັ່ງນັ້ນ, ໃນຕໍ່ໜ້າ ແຂວງອັດຕະປື ຫວັງຢ່າງຍິ່ງຂະແໜງການທ່ອງທ່ຽວຂອງສອງແຂວງຈະໄດ້ພົບປະ ແລະ ຮ່ວມມືຮ່ວມກັນ.

ທັງສອງຝ່າຍ ລະຫວ່າງ ແຂວງອັດຕະປື ແຫ່ງ ສປປ ລາວ ກັບ ແຂວງ ກວາງຫງາຍ ແຫ່ງ ສສ ຫວຽດນາມ ແລະຍັງໄດ້ເນັ້ນໜ້ກຕໍ່ການເພິ່ມທະວີ ທາງດ້ານການຮ່ວມມື ສາຍພົວພັນອັນດີງາມ, ຄວາມຮັກແພງເໝືອນອ້າຍນ້ອງຮ່ວມອຸທອນດຽວກັນ, ເພີ່ມທະວີການຮ່ວມມືຮອບດ້ານ ລະຫວ່າງ ສອງແຂວງໃຫ້ນັບມື້ພັດທະນາຂື້ນ.
ຂາວ-ພາບ ວິໄລສັກ ແກ້ວຫຼວງໂຄດ.