banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:146
ມື້ວານນີ້:ມື້ວານນີ້:443
ອາທິດນີ້:ອາທິດນີ້:2386
ເດືອນນີ້:ເດືອນນີ້:146
ທັງໝົດ:ທັງໝົດ:607483

Lao National Radio

radio

ແຜນທີແຂວງ ອັດຕະປື

administrative map

 

 

ຮອງນາຍົກລັດຖະມົນຕີ ເຄື່ອນໄຫວຊຸກຍູ້ການພັດທະນາເສດຖະກິດ-ສັງຄົມຢູ່ແຂວງອັດຕະປື

ວັນທີ 19 ສິງຫາ 2022 ທີ່ຜ່ານມານີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ຜູ້ຊີ້ນໍາວຽກງານຂົງເຂດເສດຖະກິດ ພ້ອມດ້ວຍຄະນະ ໄດ້ມາເຄື່ອນໄຫວຢ້ຽມຢາມ ເພື່ອຊຸກຍູ້ການພັດທະນາເສດຖະກິດ-ສັງຄົມ ຢູ່ແຂວງອັດຕະປື, ພິທີຕ້ອນຮັບໄດ້ຈັດຂື້ນທີ່ຫໍປະຊຸມໃຫຍ່ຂອງແຂວງ ເຊິ່ງໃຫ້ກຽດຕ້ອນຮັບໂດຍທ່ານ ເລັດ ໄຊຍະພອນ ເຈົ້າແຂວງອັດຕະປື ພ້ອມຄະນະນຳຂອງແຂວງ.

ເຊິ່ງພາຍຫຼັງທີ່ໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ, ແຜນວຽກຈຸດສຸມ 6 ເດືອນທ້າຍປີ 2022 ແລ້ວ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມ ຕໍ່ພະນັກງານຫລັກແຫຼ່ງແຂວງອັດຕະປື ເຊິ່ງທ່ານ ຮອງນາຍົກ ກໍ່ໄດ້ເນັ້ນໜັກຫຼາຍບັນຫາ ເປັນຕົ້ນ: ການຄຸ້ມຄອງບັນຫາອັດຕາແລກປ່ຽນເງີນຕາ, ອັດຕາເງິນເຟີ້ພາຍໃນແຂວງໃຫ້ສາມາດຄວບຄຸມໄດ້, ການຄຸ້ມຄອງລາຄາສິນຄ້າອຸປະໂພກ, ບໍລິໂພກ ບໍ່ໃຫ້ມີການເໜັງຕີງ ຫຼື ຂື້ນລາຄາຕາມລຳພັງໃຈ, ຄຸ້ມຄອງລາຄານໍ້າມັນເຊື້ອໄຟ ໃຫ້ຢູ່ໃນເກນປົກກະຕິ, ສຸມໃສ່ສົ່ງເສີມການປູກ, ການລ້ຽງ ໃຫ້ປະຊາຊົນໃນທ້ອງຖິ່ນ ທີ່ມີທ່າແຮງໃຫ້ໄດ້ຫຼາຍ ເພື່ອທົດແທນການນຳເຂົ້າ,

ພ້ອມທັງເອົາໃຈໃສ່ປະຕິບັດນຳພາ-ຊີ້ນຳ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ໃຫ້ບັນລຸຕາມຄາດໝາຍທີ່ສະພາປະຊາຊົນແຂວງ ໄດ້ຮັບຮອງ ອັດຕາການເຕີບໂຕຂອງລວມຍອດຜະລິດຕະພັນພາຍໃນໃຫ້ຂະຫຍາຍຕົວບໍ່ຫຼຸດ 6%, ພ້ອມທັງປະຕິບັດໂຄງການລົງທຶນຂອງລັດ, ການຊ່ວຍເຫຼືອທາງການເພື່ອການພັດທະນາ, ການລົງທຶນພາກເອກະຊົນພາຍໃນ ແລະ ຕ່າງປະເທດ ໃຫ້ບັນລຸຕາມແຜນການ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ຕ້ອງຕິດພັນກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ສຸມໃສ່ການຈັດເກັບລາຍຮັບ ຈາກໂຄງການລົງທຶນຕ່າງໆ ໃຫ້ດີກວ່າເກົ່າ

ພ້ອມນັ້ນຍັງເນັ້ນໃຫ້ຄຸ້ມຄອງລາຍຈ່າຍຢ່າງຮັດກຸມຕາມທິດປະຢັດ ໂດຍສະເພາະແມ່ນໃຫ້ຈັດຕັ້ງປະຕິບັດ ດຳລັດ ວ່າດ້ວຍລົດຂອງລັດ ໃຫ້ໄດ້ຮັບການຈັດຕັ້ງປະຕິບັດຢ່າງເປັນຮູບປະທຳ. ເອົາໃຈໃສ່ແກ້ໄຂບັນຫາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ຕິດພັນກັບການປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຢາເສບຕິດ ທີ່ເປັນສາເຫດຂອງການເກີດປະກົດການຫຍໍ້ທໍ້ຕ່າງໆ ໃນສັງຄົມເຊັ່ນ: ການຂີ້ລັກ,ງັດແງະ ຕ້ອງໄດ້ຮັບການແກ້ໄຂຢ່າງທັນການ .
ຂ່າວ-ພາບ: ວິໄລສັກແກ້ວຫຼວງໂຄດ