banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:125
ມື້ວານນີ້:ມື້ວານນີ້:443
ອາທິດນີ້:ອາທິດນີ້:2365
ເດືອນນີ້:ເດືອນນີ້:125
ທັງໝົດ:ທັງໝົດ:607462

Lao National Radio

radio

ແຜນທີແຂວງ ອັດຕະປື

administrative map

 

 

 ທ່ານ ເລັດ ໄຊຍະພອນ ເຈົ້າແຂວງໆ ອັດຕະປື ເຂົ້າຮ່ວມພິທີປ່ອຍປາ ທີ່ເມືອງໄຊເສດຖາ

ວັນທີ 12 ກໍລະກົດ 2022 ທີ່ຜ່ານມານີ້, ເມືອງ ໄຊເສດຖາ ແຂວງ ອັດຕະປື ໄດ້ຈັດພິທີປ່ອຍປາຄືນທໍາມະຊາດ ເນື່ອງໃນວັນ ອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ 13 ກໍລະກົດ ທີ່ບ້ານ ຫາດຊາຍຂາວ ( ຈຸດເໜືອຂົວເຊກະໝານ ) ວັງຕວຍ, ເຊິ່ງໃຫ້ກຽດ ເຂົ້າຮ່ວມພິທີ ປ່ອຍປາຄັ້ງນີ້ມີທ່ານ ເລັດ ໄຊຍະພອນ ເຈົ້າແຂວງໆ ອັດຕະປື, ມີ ທ່ານ ສີໄລ ສີສະແຫວງສຸກ ເຈົ້າເມືອງໆ ໄຊເສດຖາ, ມີບັນທ່ານຄະນະນໍາ ຂອງແຂວງ ຄະນະນໍາຂອງເມືອງ, ບ້ານ ແລະ ພາກສ່ວນກ່ຽວຂ້ອງເຂົ້າຮ່ວມ. 

ທ່ານ ສີໄລ ສີສະແຫວງສຸກ ໄດ້ໃຫ້ກຽດຂື້ນກ່າວຈຸດປະສົງ ແລະ ມີຄຳເຫັນໃນພິທີວາ: ພິທີປ່ອຍປາຄືນທໍາມະຊາດໃນຄັ້ງນີ້, ກໍ່ເພື່ອເປັນການຈັດຕັ້ງຜັນຂະຫຍາຍ ກົດໝາຍວ່າດ້ວຍການປະມົງ ແລະ ໄດ້ຍົກໃຫ້ເຫັນເຖິ່ງຄວາມໝາຍຄວາມສຳຄັນຂອງການອະນຸລັກສັດນ້ຳ, ໃຫ້ມີການຂະຫຍາຍພັນໄດ້ຫລາຍ.

ເຊິ່ງປະເພດປາທີ່ນໍາມາປ່ອຍໃນຄັ້ງນີ້ມີທັງຫມົດ 50.000 ໂຕ, ໃນນີ້, ມີປານິນ 10.0000ໂຕ, ປາປາກ 20.000 ໂຕ, ປາກິນຫຍ້າ 10.000ໂຕ, ປານວນຈັນ 5.000 ໂຕ ແລະ ປາກະໂທ 5.000 ໂຕ, ພ້ອມທັງຮຽກຮ້ອງ ມາຍັງພະນັກງານ, ທະຫານ, ຕໍາຫລວດ ຕະຫລອດຮອດ ທັງພໍ່ແມ່ປະຊາຊົນຊາວ ເມືອງໄຊເສດຖາ ຈົ່ງຊ່ວຍກັນ ເປັນເຈົ້າການ ໃນການສຶກສາອົບຮົມ, ໂຄສະນາ, ເຜີຍແຜ່ ດ້ານລະບຽບ ກົດໝາຍຕ່າງໆ ຕໍ່ບັນດາກຸ່ມຄົນ ທີ່ນຳໃຊ້ເຄື່ອງມື ທີ່ຜິດກົດໝາຍໄປຫາປາ.

ທັງນີ້ກໍ່ເພື່ອເປັນການສ້າງຄວາມສົມດູນທາງດ້ານລະບົບນີເວດວິທະຍາ ແລະ ເພື່ອເພີ່ມປະລິມານ ທາງດ້ານສະບຽງອາຫານ ເປັນການປູກຈິດສຳນຶກ ແລະ ປຸກລະດົມໃຫ້ທົ່ວປວງຊົນເຫັນໄດ້ເຖິງຄວາມສຳຄັນ ພ້ອມທັງເຊິດຊູສະຕິຫວງແຫນ, ເປັນເຈົ້າການໃນການປົກປັກຮັກສາ ຄຸ້ມຄອງອະນຸລັກ ຄວາມອຸດົມສົມບູນຂອງຊີວະນານາພັນ ແລະ ສິ່ງທີ່ມີຊີວິດຂອງສັດນ້ຳໃຫ້ຍືນຍົງ ແລະ ຄຽງຄູ່ກັບເຮົາຕະຫຼອດໄປ.

ຂ່າວ: ວິໄລສັກ ແກ້ວຫຼວງໂຄດ