banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:137
ມື້ວານນີ້:ມື້ວານນີ້:443
ອາທິດນີ້:ອາທິດນີ້:2377
ເດືອນນີ້:ເດືອນນີ້:137
ທັງໝົດ:ທັງໝົດ:607474

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ສຳເລັດກອງປະຊຸມ ຄົບຄະນະ ບໍລິຫານງານພັກແຂວງ ຄັ້ງທີ 5 ສະໄຫມທີ XI

ກອງປະຊຸມຄົບຄະນະ ບໍລິຫານງານພັກແຂວງ ຄັ້ງທີ 5 ສະໄໝທີ XI ໄດ້ດຳເນີນ ເປັນເວລາມື້ເຄິ່ງ ເລີ່ມວັນທີ 26 ແລະ ສຳເລັດລົງ ໃນຕອນບ່າຍ ຂອງວັັນທີ 27 ເມສາ 2022 ໂດຍການເປັນປະທານ ຂອງ ສະຫາຍ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ອັດຕະປື, ມີບັນດາສະຫາຍ ຄະນະປະຈຳພັກແຂວງ, ກໍາມະການພັກແຂວງ, ເລຂາພັກເມືອງ-ເຈົ້າເມືອງ ເຂົ້າຮ່ວມ.

ກອງ​ປະຊຸມຄັ້ງນີ້, ໄດ້ດໍາເນີນໄປ ໃນທ່າມກາງບັນຍາກາດ ທີ່ທົ່ວພັກ-ລັດ, ກໍາລັງປະກອບອາວຸດ ແລະ ທົ່ວປວງຊົນຊາວ ແຂວງອັດຕະປື ພວມສຸມໃສ່ ຈັດຕັ້ງປະຕິບັດ 2 ວາລະແຫ່ງຊາດ ແລະ ການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ສະໄໝທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງ ຢ່າງເປັນຂະບວນຟົດຟື້ນ. ຜ່ານການຮັບຟັງ ການຜ່ານບົດສະຫຼຸບ ຕີລາຄາ ການເຄື່ອນໄຫວນຳພາ-ຊີ້ນຳ ວຽກງານຮອບດ້ານ ຂອງຄະນະບໍລິຫານງານພັກແຂວງ ໃນໄລຍະ 3 ເດືອນຕົ້ນປີ 2022 ແລະ ທິດທາງແຜນການ 3 ເດືອນຕໍ່ໜ້າ, ລາຍງານການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ 3 ເດືອນຕົ້ນປີ 2022 ແລະ ທິດທາງແຜນການ 3 ​ເດືອນຕໍ່ໜ້າ, ລາຍງານຜົນການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ.

ຜ່ານການຄົ້ນຄ້ວາ ປຶກສາຫາລືຢ່າກົງໄປກົງມາ ຂອງບັນດາຜູ້ແທນກອງປະຊຸມ ຊຶ່ງໂດຍລວມ ພວກເຮົາຮັບຮູ້ຕໍ່ຜົນສໍາເລັດ ທີ່ຍາດມາໄດ້ດ້ວຍ ຄວາມບຸກບືນບາກບັ່ນ ໃນການນໍາພາ-ຊີ້ນໍາວຽກງານ ຮອບດ້ານໃນໄລຍະຜ່ານມາ ຊຶ່ງມີຫຼາຍດ້ານພົ້ນເດັ່ນ ເປັນຕົ້ນແມ່ນ ຄວາມມີສະຖຽນລະພາບ ດ້ານການເມືອງ, ສັງຄົມມີຄວາມສະຫງົບ-ເປັນລະບຽບຮຽບຮ້ອຍ, ເສດຖະກິດ-ສັງຄົມ ໄດ້ຮັບການພັດທະນາ ຕໍ່ເນື່ອງ ຄຽງຄູ່ກັນນັ້ນ, ກໍ່ສັງເກດ ໃຫ້ເຫັນວ່າ: ຍັງມີຈຸດອ່ອນ-ຂໍ້ຂາດຕົກບົກຜ່ອງ ຈໍານວນໜຶ່ງ ທີ່ຈະຕ້ອງສືບຕໍ່ສຸມໃສນໍາພາ-ຊີ້ນຳ ແກ້ໄຂບັນຫາຕ່າງໆ ໃຫ້ຕົກໄປເທື່ອລະກ້າວ ເພື່ອສ້າງການຫັນປ່ຽນໃຫ້ແຂງແຮງ ໃນການປົກປັກຮັກສາ ແລະ ສ້າງສາພັດທະນາ ແຂວງອັດຕະປື ໃຫ້ກ້າວຂຶ້ນຕາມຈຸດໝາຍ ທີ່ວາງໄວ້.

ໂອກາດນີ້, ສະຫາຍ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ອັດຕະປື ໄດ້ມີຄຳເຫັນຊີ້ນຳໃນການ ຈັດຕັ້ງປະຕິບັດ ຄັ້ງນີ້ວ່າ: ຜູ້ແທນກອງປະຊຸມ ຈະຕ້ອງໄດ້ເອົາໃຈໃສ່ນຳພາຊີ້ນຳ ຂອງຄະນະພັກແຕ່ລະຂັ້ນ ສືບຕໍ່ໃນການເຊື່ອມຊືມ ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ຄັ້ງທີ XI ຂອງອົງຄະນະພັກແຂວງ ແລະ ມະຕິກອງປະຊຸມ ຄົບຄະນະບໍລິຫານງານ ພັກແຂວງ ຄັ້ງທີ 5 ສະໄໜທີ XI ກໍຄື ທິດທາງວຽກງານ ຈຸດສຸມຕໍ່ໜ້າ ແລະ ການເພີ່ມທະວີການ ຄຸ້ມຄອງລັດ ຕາມລະບຽບກົດໝາຍ ໃຫ້ພະນັກງານ, ປະຊາຊົນເຂົ້າໃຈເຊື່ອມຊືມ ຢ່າງທົ່ວເຖິງ, ເປັນເຈົ້າການ ໃນການກວດກາຄືນ ໃຫ້ເຫັນບັນຫາ ເພື່ອແກ້ໄຂ, ປັບປຸງ ເຮັດໃຫ້ເຂັ້ມແຂງ ແລະ ຮັບປະກັນໝາກຜົນຕົວຈິງ, ສ້າງການຫັນປ່ຽນ ຢ່າງຈະແຈ້ງ, ຕັ້ງໜ້າ ແລະ ເລີກເຊີ່ງ, ໂດຍສະເພາະ ການແກ້ໄຂສະພາບ ຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາປະກົດການຫຍໍ້ທໍ້່ ໃນສັງຄົມ, ຮຽກຮ້ອງມາຍັງສະມາຊິກພັກ, ພະນັກງານ-ລັດຖະກອນ, ທະຫານ, ຕຳຫຼວດ, ຜູ້ປະກອນການ ແລະ ປະຊາຊົນບັນດາເຜົ່າ ຊາວແຂວງ ອັດຕະປື ຈົ່ງໄດ້ເຊີດຊູ ຄວາມສາມັກຄີເປັນປຶກແຜ່ນ ຢູ່ອ້ອມຂ້າງ ອົງຄະນະພັກແຂວງ, ຍົກສູງຄວາມຮັບຜິດຊອບ ແລະ ເປັນເຈົ້າການເຊື່ອມຊຶມ, ກຳແໜ້ນ ແລະ ຈັດຕັ້ງຜັນຂະຫຍາຍມະຕິ ກອງປະຊຸມຄົບຄະນະບໍລິຫານງານພັກແຂວງຄັ້ງທີ 5 ສະໄໝທີ XI ໃຫ້ເປັນຂະບວນການຟົດຟື້ນ, ຕໍ່ເນື່ອງ, ແຂງແຮງ ແລະ ພັດທະນາກ້າວຂຶ້ນຢ່າງບໍ່ຢຸດຢັ້ງ.

ຂ່າວ-ພາບ: ວິໄລສັກ ແກ້ວຫຼວງໂຄດ