ເຈົ້າແຂວງ ອັດຕະປື ວາງພວງມາລາ ແລະ ກະຕ່າດອກໄມ້
ເນື່ອງໃນໂອກາດ ວັນສ້າງຕັ້ງກໍາລັງ ປ້ອງກັນຄວາມສະຫງົບ ຄົບຮອບ 61 ປີ

ໃນຕອນເຊົ້າ ຂອງວັນທີ 4 ເມສາ 2022 ທີ່ຜ່ານມານີ້, ທ່ານ ເລັດ ໄຊຍະພອນ ກຳມະການສູນກາງພັກ ເລຂາພັກແຂວງ ເຈົ້າແຂວງ ອັດຕະປື ພ້ອມດ້ວຍ ບັນດາສະຫາຍ ນາຍ ແລະ ພົນຕໍາຫຼວດກຳລັງ ປ້ອງກັນຄວາມສະຫງົບແຂວງ ໄດ້ເຂົ້າວາງພວງມະລາ ຢູ່ທີ່ອະນຸສາວະລີ ນັກຮົບນີລະນາມດາວແດງ ແລະ ວາງກະຕ່າດອກໄມ້ ຢູ່ອະນຸສາວະລີ ປະທານ ໄກສອນ ພົມວິຫານ ເນື່ອງໃນໂອກາດ ວັນສ້າງຕັ້ງກຳລັງ ປ້ອງກັນຄວາມສະຫງົບ ຄົບຮອບ 61 ປີ ( 5 ເມສາ 19 61 - 5 ເມສາ 2022

ເພື່ອສະແດງຄວາມຮູ້ບຸນຄຸນ ຢ່າງລົ້ນເຫຼືອ ຕໍ່ປະທານ ທີ່ມີຄຸນງາມ ຄວາມດີ ແລະ ຜົນງານອັນໃຫຍ່ຫຼວງ ຍາມໃດປະທານກໍ່ໄດ້ເອົາ ໃຈໃສ່ສຶກສາອົບຮົມຖະນຸບຳລຸງ ແລະ ຝຶກຝົນຫຼໍ່ຫຼອມກຳລັງປ້ອງກັນຄວາມສະຫງົບ ໃຫ້ເຕີບໃຫຍ່ຂະຫຍາຍຕົວຕະຫຼອດມາ ແລະ ເພື່ອລະນຶກ, ຫວນຄືນມູນເຊື້ອ ວັນສໍາຄັນດັ່ງກ່າວ ທັງເປັນການຈາລຶກຄຸນງາມຄວາມດີ, ສະແດງຄວາມກະຕັນຍູຮູ້ບຸນຄຸນ ຕໍ່ການນໍາພັກ - ລັດ, ນັກຮົບນີລະນາມ ແລະ ຜູ້ຊົງຄຸນວຸດທິ ທີ່ໄດ້ເສຍສະຫຼະຊີວິດ, ເລືອດເນື້ອ ເພື່ອປະເທດຊາດ ແລະ ປະຊາຊົນ ໃນໄລຍະທີ່ຜ່ານມາ

ຂ່າວ-ພາບ: ວິໄລສັກ ແກ້ວຫລວງໂຄດ