banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:71
ມື້ວານນີ້:ມື້ວານນີ້:467
ອາທິດນີ້:ອາທິດນີ້:1530
ເດືອນນີ້:ເດືອນນີ້:71
ທັງໝົດ:ທັງໝົດ:569278

Lao National Radio

radio

ແຜນທີແຂວງ ອັດຕະປື

administrative map

 

 

ຄະນະນໍາແຂວງ ອັດຕະປື ອວຍພອນ ຄະນະນໍາ ແຂວງ ກອນຕູມ ເນື່ອງໃນໂອກາດປີໃຫມ່ ຫວຽດນາມ

ຕອນເຊົ້າຂອງວັນທີ 25 ມັງກອນ 2022 ນີ້, ຄະນະນໍາແຂວງ ອັດຕະປື ນໍາໂດຍທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ອັດຕະປຕອນເຊົ້າຂອງວັນທີ 25 ມັງກອນ 2022 ນີ້, ຄະນະນໍາແຂວງ ອັດຕະປື ນໍາໂດຍທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ອັດຕະປືພ້ອມດ້ວຍຄະນະນຳຂອງແຂວງ ໄດ້ຈັດພິທີອວຍພອນຄະນະນໍາ ແຂວງກອນຕູມ ສສ ຫວຽດນາມ ເນື່ອງໃນໂອກາດປີໃຫມ່ ຫວຽດນາມ ຢ່າງເປັນທາງການທີ່ສໍານັກງານອົງການປົກຄອງແຂວງ ໂດຍຜ່ານວິດີໂອທາງໄກ .

ທ່ານ ເລັດ ໄຊຍະພອນ ເຈົ້າແຂວງ ອັດຕະປື ໄດ້ມີຄຳເຫັນ ແລະ ໃຫ້ຄຳອວຍພອນບຸນປີໃໝ່ ຕໍ່ການພົບປະ ( ແບບທາງໄກ ) ລະຫວ່າງແຂວງ ອັດຕະປື ແລະ ແຂວງກອນຕູມ ນະໂອກາດທີ່ມີຄວາມໝາຍນີ້, ຄະນະພັກ, ອຳນາດການປົກຄອງແຂວງ ແລະ ປະຊາຊົນບັນດາເຜົ່າຊາວແຂວງອັດຕະປື ຂໍຝາກຄວາມຢ້ຽມຢາມຖາມຂ່າວ ແລະ ຄຳອວຍພອນໄຊອັນປະເສີດສຸດ ມາຍັງທ່ານເຢືອງວັນຈາງ ກໍາມະການສູນກາງພັກ, ເລຂາພັກແຂວງ,ປະທານສະພາປະຊາຊົນແຂວງກອນຕູມ ພ້ອມດ້ວຍຄະນະນໍາ ແລະ ປະຊາຊົນບັນດາເຜົ່າຊາວແຂວງກອນຕູມ ມານະໂອກາດນີ້ດ້ວຍ. ອວຍພອນບັນດາທ່ານຈົ່ງຍາດໄດ້ຜົນສຳເລັດອັນໃໝ່ໃຫຍ່ຫລວງກວ່າເກົ່າໃນພາລະກິດສ້າງສາພັດທະນາປະເທດເວົ້າລວມ, ເວົ້າສະເພາະ ແຂວງກອນຕູມ ໃຫ້ນັບມື້ນັບມັ່ງຄັ່ງເຂັ້ມແຂງ, ຊີວິດການເປັນຢູ່ຂອງພໍ່ແມ່ປະຊາຊົນດີຂຶ້ນ ແລະ ມີຄວາມຜາສຸກ.

ພ້ອມນີ້, ຍັງໄດ້ລາຍງານສະພາບລວມຂອງແຂວງອັດຕະປື ໂດຍຫຍໍ້ເປັນຕົ້ນ:ໃນປີທີ່ຜ່ານມາ ສປປ ລາວ ເວົ້້າລວມ, ເວົ້າສະເພາະກໍຄືແຂວງ ອັດຕະປື ພົບກັບບັນຫາການແຜ່ລະບາດຂອງພະຍາດໂຄວິດ - 19 ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າພົບຄວາມຫຍຸ້ງຍາກ ແລະ ການພັດທະນາເສດຖະກິດ - ສັງຄົມ ບໍ່ສາມາດບັນລຸເປົ້າໝາຍຕາມທິດທີ່ວາງໄວ້ເຊິ່ງສະແດງອອກດ້ານ ອັດຕາການຂະຫຍາຍຕົວລວມຍອດຜະລິດຕະພັນພາຍໃນ (GDP) ປີ 2021 ເພີ່ມຂື້ນຢູ່ໃນລະດັບ 4,86% (ມະຕິສະພາ 7,5%), ສະເລ່ຍຕໍ່ຫົວຄົນ 16,54 ລ້ານກີບ ຫລື 1.624 ໂດລາສະຫະລັດ (ມະຕິສະພາ 2.437 ໂດລາ); ໃນນີ້: ຂະແໜງກະສິກໍາ ຂະຫຍາຍຕົວ 5,21%, ຂະແໜງອຸດສາຫະກໍາ ຂະຫຍາຍຕົວ 4,7% ແລະ ຂະແໜງບໍລິການ ຂະຫຍາຍຕົວ 3,15%; ຂະແໜງການທີ່ຊຸກຍູ້ເສດຖະກິດສືບຕໍ່ຂະຫຍາຍຕົວ ໄດ້ແກ່: ຂະແໜງປູກຝັງ, ຂະແໜງບໍ່ແຮ່ ແລະ ການຂຸດຄົ້ນ, ຂະແໜງໄຟຟ້າ, ຂະແໜງກໍ່ສ້າງ, ຂະແໜງບໍລິການມວນຊົນ ແລະ ສັງຄົມ; ສ່ວນຂະແໜງການ ທີ່ເຮັດໃຫ້ການຂະຫຍາຍຕົວຂອງເສດຖະກິດ ບໍ່ບັນລຸຕາມແຜນ ແມ່ນຂະແໜງຂາຍຍົກ-ຂາຍຍ່ອຍ, ຂະແໜງຄົມມະນາຄົມຂົນສົ່ງ, ຂະແໜງບໍລິການທີ່ພັກ ແລະ ຮ້ານອາຫານ.ສະນັ້ນ ໃນປີ 2022 ເປັນປີທີ່ມີຄວມໝາຍ, ເຊິ່ງເປັນປີທີ່ສອງປະເທດລາວ - ຫວຽດນາມຈະພ້ອມກັນສະຫຼອງວັນສ້າງຕັ້ງສາຍພົວພັນທາງການທູດ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ - ຫວຽດນາມຄົບຮອບ 45 ປີ.

ຂ້າພະເຈົ້າຫວັງວ່າ ສອງແຂວງອັດຕະປື - ແຂວງກອນຕູມ ຈະມີກິດຈະກໍາ, ການເຄື່ອນໄຫວຕ່າງໆທີ່ມີຄວາມໝາຍ, ເພື່ອເສີມຂະຫຍາຍສາຍພົວພັນ, ຄວາມສາມັກຄີພິເສດ ແລະ ການຮ່ວມມືລະຫວ່າງ ສອງປະເທດ ລາວ - ຫວຽດນາມເວົ້້າລວມເວົ້າສະເພາະສອງແຂວງ ອັດຕະປື ແລະ ແຂວງກອນຕູມນັບມື້ນັບດີຂຶ້ນເທື່ອລະກ້າວ. ອິກເທື່ອໜຶ່ງ ຂ້າພະເຈົ້າ ຕາງໜ້າຄະນະພັກ, ອໍານາດການປົກຄອງ ແລະ ປະຊາຊົນບັນດາເຜົ່າຊາວແຂວງອັດຕະປືຂໍອວຍພອນມາຍັງຄະນະນໍາ, ພະນັກງານລັດຖະກອນ, ກຳລັງປະກອບອາວຸດ ພ້ອມດ້ວຍພໍ່ແມ່ປະຊາຊົນ ແຂວງກອນຕູມ ຕ້ອນຮັບບຸນປີໃໝ່ປະຈໍາຊາດຫວຽດນາມປີ 2022ນີ້ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ຍາດໄດ້ໄຊຊະນະໃໝ່ໃນພາລະກິດປົກປັກຮັກສາ ແລະ ສ້າງສາແຂວງກອນຕູມໃຫ້ກ້າວຂຶ້ນຢ່າງບໍ່ຢຸດຢັ້ງ, ອວຍພອນສາຍພົວພັນມິດຕະພາບທີ່ມີມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ເວົ້າລວມ ນັບມື້ກ້າວສູ່ລວງເລິກ, ເວົ້້້າສະເພາະ ການພົວພັນ, ຮ່ວມມື ລະຫວ່າງ ແຂວງອັດຕະປື ແລະ ແຂວງກອນຕູມ ໃຫ້ມີໂສມໜ້າໃໝ່ໃຫ່ຍຫຼວງກວ່າເກົ່າໃນທຸກດ້ານ.


ຂ່າວ-ພາບ ວິໄລສັກ ແກ້ວຫຼວງໂຄດ