banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:242
ມື້ວານນີ້:ມື້ວານນີ້:509
ອາທິດນີ້:ອາທິດນີ້:751
ເດືອນນີ້:ເດືອນນີ້:7294
ທັງໝົດ:ທັງໝົດ:510876

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ສຳເລັດກອງປະຊຸມ ຄົບຄະນະ ບໍລິຫານງານພັກແຂວງ ເປິດກ້ວາງຄັ້ງທີ 4 ສະໄຫມທີ XI

ວັນທີ 31 ທັນວາ 2021 ແຂວງອັດຕະປື ສຳເລັດ ກອງປະຊຸມ ຄົບຄະນະບໍລິຫານງານພັກແຂວງ ເປີດກ້ວາງ ຄັ້ງທີ 4 ສະໄໝທີXI ( ໂດຍຜ່ານລະບົບ ກອງປະຊຸມທາງໄກ ) ເຊິ່ງກອງປະຊຸມໄດ້ດຳເນີນເປັນເວລາມື້ເຄິ່ງຈຶ່ງສຳເລັດລົງ

( ເລິ່ມແຕ່ຕອນເຊົ້າຂອງວັນທີ 30 ຫາ ເຊົ້້າຂອງວັນທີ 31 ທັນວາ 2021 ) ໂດຍການເປັນປະທານຂອງ ສະຫາຍ     ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ອັດຕະປື, ມີບັນດາສະຫາຍຮອງເລຂາພັກແຂວງ, ຄະນະປະຈຳພັກແຂວງ, ກໍາມະການພັກແຂວງ, ອາດິດການນໍາ ພະນັກງານບຳນານ, ເລຂາພັກເມືອງ-ເຈົ້າ ເມືອງ, ຄະນະປະຈໍາພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກພະແນກການອ້ອມຂ້າງແຂວງ ແລະ ຄະນະພັກກອງບັນຊາການ ປກຊ-ປກສ ແຂວງ ເຂົ້າຮ່ວມທັງໝົດ 195 ສະຫາຍ ຍິງ 29 ສະຫາຍ.

ກອງ​ປະຊຸມຄັ້ງນີ້, ໄດ້ດໍາເນີນໄປໃນທ່າມກາງບັນຍາກາດ ທີ່ທົ່ວພັກ-ລັດ, ກຳລັງປະກອບອາວຸດ ແລະ ທົ່ວປວງຊົນຊາວແຂວງອັດຕະປື ພວມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຢ່າງເປັນຂະບວນຟົດຟື້ນ, ພາຍໃຕ້ການປະຕິບັດມາດຕະການປ້ອງກັນ, ຄວບຄຸມ ແລະ ຕ້ານ ການແຜ່ລະບາດຂອງພະຍາດໂຄວິດ-19 ທີ່ທາງຄະນະສະເພາະກິດວາງອອກຢ່າງເຂັ້ມງວດ,  ພ້ອມກັນຄົ້ນຄວ້າປຶກສາຫາລື ແລະ ໄດ້ຮັບຟັງ ການຜ່ານບົດສະຫຼຸບຕີລາຄາການເຄື່ອນໄຫວນຳພາ-ຊີ້ນຳວຽກງານຮອບດ້ານ ຂອງຄະນະບໍລິຫານງານພັກແຂວງໃນໄລຍະ 1 ປີ 2021 ແລະ ທິດທາງແຜນການ ປີ 2022, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ງົບປະມານ, 1 ປີ ແລະ ທິດທາງແຜນການ ປີ 2022, ບົດສໍາຫຼວດການນໍາພາ-ການຊີ້ນໍາຂອງຄະນະບໍລິຫານງານພັກແຂວງປະຈໍາປີ 2021. ພ້ອມດຽວກັນນັ້ນ, ກໍສັງເກດໃຫ້ເຫັນວ່າ: ຍັງມີຈຸດອ່ອນ-ຂໍ້ຂາດຕົກບົກຜ່ອງຈໍານວນໜຶ່ງທີ່ຈະຕ້ອງສືບຕໍ່ສຸມໃສນໍາພາ-ຊີ້ນຳແກ້ໄຂບັນຫາຕ່າງໆໃຫ້ຕົກໄປເທື່ອລະກ້າວ ເພື່ອສ້າງການຫັນປ່ຽນໃຫ້ແຂງແຮງໃນການປົກປັກຮັກສາ ແລະ ສ້າງສາພັດທະນາແຂວງອັດຕະປືໃຫ້ກ້າວຂຶ້ນຕາມຈຸດໝາຍທີ່ວາງໄວ້. ຊຶ່ງໂດຍລວມພວກເຮົາຮັບຮູ້ຕໍ່ຜົນສໍາເລັດທີ່ຍາດມາໄດ້ດ້ວຍຄວາມບຸກບືນບາກບັ່ນໃນການນໍາພາ-ຊີ້ນໍາວຽກງານຮອບດ້ານໃນໄລຍະຜ່ານມາ ຊຶ່ງມີຫຼາຍດ້ານພົ້ນເດັ່ນເປັນຕົ້ນແມ່ນຄວາມມີສະຖຽນລະພາບດ້ານການເມືອງ, ສັງຄົມມີຄວາມສະຫງົບ-ເປັນລະບຽບຮຽບຮ້ອຍ, ເສດຖະກິດ-ສັງຄົມໄດ້ຮັບການພັດທະນາຕໍ່ເນື່ອງ, ການຈັດຕັ້ງພັກ-ລັດແຕ່ລະຂັ້ນໄດ້ຮັບການປັບປຸງຢ່າງເປັນລະບົບ, ໜັກ ແໜ້ນ, ເປັນແຂວງໜຶ່ງທີ່ປອດໄພໃນເບື້ອງຕົ້ນຈາກການແຜ່ລະບາດຂອງພະຍາດໂຄວິດ 19 ແຕ່ປະຈຸບັນນີ້ແມ່ນກໍາລັງແຜ່ລະບາດໃນວົງກວ້າງ ແລະ ອື່ນໆ. ເຖິງຢ່າງໃດກໍ່ດີ, ພວກເຮົາກໍ່ໄດ້ຍອມຮັບ ແລະ ຍັງສັງເກດເຫັນຢ່າງພາວະວິໃສຕໍ່ຂໍ້ຄົງຄ້າງທີ່ຈະຕ້ອງໄດ້ເລັ່ງມືແກ້ໄຂໃນຕໍ່ໜ້າເຊັ່ນ: ຄວາມບອບບາງດ້ານເສດຖະກິດ-ການເງິນ, ຄວາມທຸກຍາກຂອງປະຊາຊົນ, ບັນຫາໄພພິບັດເມືອງສະໜາມໄຊຍັງບໍ່ທັນໄດ້ຮັບການແກ້ໄຂໄດ້ຢ່າງຂາດຕົວ, ປະກົດການຫຍໍ້ທໍ້ໃນສັງຄົມເຊັ່ນ: ບັນຫາຢາເສບຕິດ, ຊິງຊັບພົນລະເມືອງ, ການເຂົ້າອອກ-ເມືອງ, ການປະກອບອາຊີບ-ແຮງງານຜິດກົດໝາຍ, ການລັກລອບຂຸດຄົ້ນຊັບພະຍາກອນປ່າໄມ້, ຄໍາ, ຫີນປາໂກໄດ ແລະ ອື່ນໆ ດັ່ງນັ້ນ, ເພື່ອສືບຕໍ່ພາລະກິດປົກປັກຮັກສາ ແລະ ສ້າງສາພັດທະນາແຂວງອັດຕະປືໃຫ້ກ້າວຂື້ນຢ່າງບໍ່ຢຸດຢັ້ງ.

ໂອກາດນີ້, ສະຫາຍ ສະຫາຍ     ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ອັດຕະປື ໄດ້ມີຄຳເຫັນຊີ້ນຳໃນການ ຈັດຕັ້ງປະຕິບັດ ຄັ້ງນີ້ວ່າ: ຜູ້ແທນກອງປະຊຸມ ຈະຕ້ອງໄດ້ເອົາໃຈໃສ່ນຳພາຊີ້ນຳ ຂອງຄະນະພັກແຕ່ລະຂັ້ນ ສືບຕໍ່ໃນການເຊື່ອມຊືມຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XI ຂອງພັກ, ຄັ້ງທີ XI ຂອງອົງຄະນະພັກແຂວງ ແລະ ມະຕິກອງປະຊຸມ ຄົບຄະນະບໍລິຫານງານພັກແຂວງ ຄັ້ງທີ 04 ສະໄໜທີ XI ກໍຄື ທິດທາງວຽກງານຈຸດສຸມຕໍ່ໜ້າ ແລະ ການເພີ່ມທະວີການຄຸ້ມຄອງລັດ ຕາມລະບຽບກົດໝາຍ ໃຫ້ພະນັກງານ, ປະຊາຊົນເຂົ້າໃຈເຊື່ອມຊືມຢ່າງທົ່ວເຖິງ ສ້າງການຫັນປ່ຽນຢ່າງແຂງແຮງ, ເລີກເຊິ່ງ ຮອບດ້ານ, ເພີ່ມທະວີການຕິດຕາມ, ກວດກາ, ຕີລາຄາ ຂອງຄະນະພັກຂັ້ນເທິງ ຕໍ່ການນຳພາ-ຊີ້ນຳ ການຜັນຂະຫຍາຍມະຕິຂອງສູນກາງພັກ, ມະຕິຂອງອົງຄະນະພັກແຂວງ ຢ່າງເປັນລະບົບຄົບຊຸດ, ເພີ່ມທະວີຄວາມຮັບຜິດຊອບທາງດ້ານການເມືອງ ຂອງຄະນະພັກແຕ່ລະຂັ້ນ ເພື່ອສ້າງການຫັນປ່ຽນຕົວຈິງດ້ານຕ່າງໆ, ເພີ່ມທະວີເຊີດຊູບົດບາດການນໍາພາໂດຍກົງ ຂອງຄະນະພັກທຸກຂັ້ນເພື່ອໃຫ້ການແກ້ໄຂບັນຫາຕ່າງໆຮອບດ້ານ, ເປັນເຈາການໃນການກວດກາຄືນໃຫ້ເຫັນບັນຫາ ເພື່ອແກ້ໄຂ, ປັບປຸງ  ເຮັດໃຫ້ເຂັ້ມແຂງ ແລະ ຮັບປະກັນໝາກຜົນຕົວຈິງ, ສ້າງການຫັນປ່ຽນຢ່າງຈະແຈ້ງ, ຕັ້ງໜ້າ ແລະ ເລີກເຊີ່ງ, ໂດຍສະເພາະ ການແກ້ໄຂສະພາບຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາປະກົດການຫຍໍ້ທໍ້່ໃນສັງຄົມ, ເພີ່ມທະວີການຫັນລົງກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດ, ແກ້ໄຂຄວາມທຸກຍາກ, ຍູ້ຂະບວນການຢ່າງເປັນລະບົບ, ແຂງແຮງ, ຕໍ່ເນື່ອງ, ຕິດພັນກັບການສ້າງພະນັກງານ ທີ່ເຕີບໃຫຍ່ຜ່ານຂະບວນການຕົວຈິງຈາກຮາກຖານຂຶ້ນມາ. ເພີ່ມທະວີບັນດາມາດຕະການທາງດ້ານກົດໝາຍ ແລະ ລະບຽບວິໄນການຄຸ້ມຄອງພະນັກງານ, ສະມາຊິກພັກ ຜ່ານການສ້າງພັກໃຫ້ປອດໃສ, ເຂັ້ມແຂງ ແລະ   ໜັກແໜ້ນ

ບັນດາພະນັກງານຫລັກແຫລ່ງ ໄດ້ມີຄວາມຮັບຮູ້, ມີຄວາມຕັດສິນໃຈ ແກ້ໄຂຈຸດອ່ອນລວມ ກໍ່ຄືຂອງແຕ່ລະສະຫາຍ ຖືເປັນບາດລ້ຽງສຳຄັນໃນການສ້າງພັກ ໃຫ້ປອດໃສເຂັ້ມແຂງ ແລະ ໜັກແໜ້ນ, ຮຽກຮ້ອງມາຍັງສະມາຊິກພັກ, ພະນັກງານ-ລັດຖະກອນ, ທະຫານ, ຕຳຫຼວດ, ຜູ້ປະກອນການ ແລະ ປະຊາຊົນບັນດາເຜົ່າຊາວແຂວງອັດຕະປື ຈົ່ງໄດ້ເຊີດຊູຄວາມສາມັກຄີເປັນປຶກແຜ່ນຢູ່ອ້ອມຂ້າງອົງຄະນະພັກແຂວງ, ຍົກສູງຄວາມຮັບຜິດຊອບ ແລະ ເປັນເຈົ້າການເຊື່ອມຊຶມ, ກຳແໜ້ນ ແລະ ຈັດຕັ້ງຜັນຂະຫຍາຍມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 4 ສະໄໝທີ XI ໃຫ້ເປັນຂະບວນການຟົດຟື້ນ, ຕໍ່ເນື່ອງ, ແຂງແຮງ ແລະ ພັດທະນາກ້າວຂຶ້ນຢ່າງບໍ່ຢຸດຢັ້ງ.

ໃນໂອກາດດັ່ງກ່າວນີ້, ໄດ້ມີພິທີມອບ ກະຕ່າຂອງຂວັນໃຫ້ບັນດາອາດີດການນຳ ພະນັກງານບຳນານຈຳນວນ 8 ສະຫາຍ ອິກດ້ວຍ.

 

ຂ່າວ-ພາບ: ວິໄລສັກ ແກ້ວຫຼວງໂຄດ