ແຂວງອັດຕະປືໄດ້ຈັດກອງປະຊຸມ ອົງການປົກຄອງແຂວງ ງວດທີ IV ປະຈຳປີ 2021

          ໃນວັນທີ 27 ທັນວາ 2021 ແຂວງອັດຕະປືໄດ້ຈັດກອງປະຊຸມ ອົງການປົກຄອງແຂວງ ງວດທີ IV ປະຈຳປີ 2021 ( ຜ່ານລະບົບກອງປະຊຸມທາງໄກ ) ໂດຍການເປັນປະທານຂ່ອງທ່ານ ເລັດ ໄຊຍະພອນ ກຳມະການ ສູນກາງພັກ, ເລຂາພັກ ແຂວງ ເຈົ້າແຂວງໆ ອັດຕະປື ຫົວໜ້າອົງການ ປົກຄອງແຂວງ, ມີບັນດາ ທ່ານສະມາຊິກ ອົງການ ປົກຄອງແຂວງ ແລະ ແຂກ ທີ່ຖືກເຊີນ ຈາກສະພາ ປະຊາຊົນ ແຂວງ, ພະແນກການ, ອົງການ ທຽບເທົ່າ ພະແນກ, ຫ້ອງການ, ລັດວິສາ ຫະກິດ ອອ້ມຂ້າງແຂວງ ແລະ 5 ເມືອງ ເຂົ້າຮ່ວມ.

          ໂອກາດ ທີ່ມີ ຄວາມໝາຍ ສຳຄັນນີ້ ທ່ານ ເລັດ ໄຊຍະພອນ ໄດ້ໃຫ້ກຽດມີຄຳເຫັນ ກ່າວເປີດ ກອງປະຊຸມ ວ່າ: ຈຸດປະສົງຂອງກອງປະຊຸມຄັ້ງນີ້, ພວກເຮົາຈະໄດ້ຮັບຟັງການສະຫຼຸບ ຫຼືວ່າທົບທວນຄືນການຈັດຕັ້ງປະຕິບັດມະຕິຂອງກອງປະຊຸມອົງການປົກຄອງໃນຄັ້ງຜ່ານມາວ່າພວກເຮົາສາມາດປະຕິບັດອັນໃດໄດ້ແດ່ ແລະ ອັນໃດທີ່ຍັງຄົງຄ້າງທີ່ຈະຕ້ອງໄດ້ສຶບຕໍ່ແກ້ໄຂ, ຮັບຟັງການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ, ວຽກງານການຈັດເກັບລາຍຮັບ ແລະ ການຄຸ້ມຄອງລາຍຈ່າຍ ປີ 2021ແລະ ທິດທາງແຜນການປີ 2022,​ ວຽກງານການຈັດຕັ້ງຜັນຄະຫຍາຍ 2 ວາລະແຫ່ງຊາດ ແລະ ວຽກອື່ນທີ່ສຳຄັນອິກຈຳນວນໜຶ່ງ.

      ກອງປະຊຸມຂອງພວກເຮົາຈະໄຊ້ເວລາທັງໝົດ 2 ວັນ ດັ່ງນັ້ນ, ໃນນາມປະທານກອງປະຊຸມ ຂ້າພະເຈົ້າຂໍຮຽກຮ້ອງມາຍັງບັນດາຜູ້ແທນກອງປະຊຸມ ຈົ່ງພ້ອມກັນເຊິດຊູຄວາມຮັບຜິດຊອບ, ເອົາໃຈໃສ່ຄົ້ນຄ້ວາປຶກສາຫາລື ອອກຄຳຄິດຄຳເຫັນຕໍ່ບັນຫາຕ່າງໆໃຫ້ລະອຽດ, ຖີ່ຖ້ວນ ແລະ ເລິກເຊິ່ງ, ຊອກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ, ສາຍເຫດຖອດຖອນບົດຮຽນເພື່ອພ້ອມກັນຊອກວິທີທາງແກ້ໄຂຢ່າງ  ເໝາະສົມ, ຄົນຄ້ວາພິຈາລະນາທິດທາງ, ກຳນົດຄາດໝາຍສູ້ຊົນວຽກງານແຕ່ລະດ້ານສຳລັບແຜນການປີ 2022. ໃນນາມຕາງໜ້າອົງການປົກຄອງແຂວງ, ຂ້າພະເຈົ້າຂໍປະກາດໄຂກອງປະຊຸມອົງການປົກຄອງແຂວງ ງວດ 4 ປີ 2021 ຢ່າງເປັນທາງການນັບແຕ່ເວລານີ້ເປັນຕົ້ນໄປ.

      ກອງປະຊຸມຄັ້ງນີ້ແມ່ນຈະໄດ້ຮັບຟັງການສະຫຼຸບລາຍງານ ທົບທວນມະຕິກອງປະຊຸມອົງການປົກຄອງ ແລະ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ງົບປະມານ. ເຊິ່ງມີບັນດາສະມາຊິກກອງປະຊຸມ ຜັດປ່ຽນກັນຂື້ນລາຍງານບັນດາເນື້ອໃນເອກະສານລາຍງານຕ່າງໆເຊັ່ນ: 1,) ລາຍງານຜົນຂອງການຈັດຕັ້ງປະຕິບັດມະຕິກອງປະຊຸມອົງການປົກຄອງໃນໄລຍະ 1 ປີ 2021 ແລະ ທິກທາງແຜນປີ 2022, 2,) ບົດສະຫຼຸບການຈັດຕັ້ງການນພັດທະນາເສດຖະກິດ-ສັງຄົມຂອງແຂວງປະຈຳປີ 2021 ແລະ ທິດທາງແຜນປີ 2022, 3,) ລາຍງານການຈັດຕັ້ງປະຕິບັດວຽກງານການຈັດເກັບລາຍຮັບ ແລະ ຄຸ້ມຄອງລາຍຈ່າຍງົບປະມານ ແລະ ລາຍງານການຈັດຕັ້ງປະຕິບັດການເກັບກູ້ໜີ້ສີນແກ່ຍາວ-ຄຸມເຄືອຂອງແຂວງ ປີ 2021 ແລະ ທິດທາງແຜນປີ 2022, 4,) ລາຍງານການຈັດຕັ້ງປະຕິບັດວຽກງານສຳຫຼວດ, ຂື້ນສຳມະໂນຕອນດີນ, ອອກໃບຕາດີນ, ຈັດສັນທີ່ດີນ, ການວາງແຜນນຳໄຊ້ທີ່ດີທົ່ວແຂວງ, ການວາງແຜນການນຳໄຊ້ທີ່ດີນເຂດໄຟພິບັດເມືອງສະໜາມໄຊ ແລະ ການຄຸ້ມຄອງ, ການກວດກາດ້ານສິ່ງແວດລ້ອມປະຈຳປີ 2021 ແລະ ທິດທາງແຜນການ ປີ 2022, 5,) ລາຍງານການຈັດຕັ້ງປະຕິບັດວຽກງານກະສີກຳ ( ການປູກ, ການລ້ຽງ ) ປະຈະປີ 2021 ແລະ ທິດທາງແຜນປີ 2022, 6,) ລາຍງານຮ່າງຂໍ້ຕົກລົງຂອງເຈົ້າແຂວງ 2 ສະບັບ: ຮ່າງຂໍ້ຕົກລົງວ່າດ້ວຍການສ້າງຕັ້ງ ແລະ ກິດຈະການຟາມລ້ຽງສັດ ແລະ ຮ່າງຂໍ້ຕົກລົງຄຸ້ມຄອງການນຳໄຊ້ຢາປາບສັດຕູຟຶດ, 7,) ລາຍງານກ່ຽວກັບສະພາບການຄຸ້ມຄອງ, ການຕິດຕາມ ແລະ ການກວດກາດ້ານວຽກງານທໍລະນີສາດ ແລະ ບໍ່ແຮ່ ປະຈຳປີ 2021 ແລະ ທິດທາງແຜນການປີ 2022, 8,) ລາຍງານວຽກງານການຊູກຍູ້ສົ່ງເສີມການລົງທືນໃນດ້ານອຸດສະຫາກຳ ທີ່ມີທ່າແຮງ ແລະ ຕະຫຼາດຮອງຮັບຈາກພາຍໃນ ແລະ ຕ່າງປະເທດ, 9,) ລາຍງານການຈັດຕັ້ງປະຕິບັດວຽກງານການສ້າງກົນໄກໃນການຄຸ້ມຄອງລາຄາສີນຄ້າພາຍໃນແຂວງອັດຕະປື ປະຈຳປີ 2021 ແລະ ທິດທາງແຜນການປີ 2022,

10,)ຄະນະປະຈຳສະພາປະຊາຊົນແຂວງ ປະກອບຄຳເຫັນຜົນການຕິດຕາມ, ກວດກາ ໃນການຈັດຕັ້ງປະຕິບັດວຽກງານຂອງອງການປົກຄອງທ້ອງຖີ່ນປະຈຳປີ 2021, 11,) ລາຍງານການປ້ອງກັນ, ຄອບຄຸ້ມ ແລະ ລາຍງານ ແກ້ໄຂການແຜ່ລະບາດ ຂອງພະຍາດ ໂຄວິດ 19 ປີ 2021 ແລະ ທິດທາງແຜນການປີ 2022, 12,) ລາຍງານວຽກງານ ຖວທ ແຂວງ ປີ 2021 ໂດຍສະເພາະການກະກຽມຄວາມພ້ອມຮອງຮັບບັນດານັກທ່ອງທ່ຽວໃນຊ່ວງການແຜ່ລະບາດຂອງພະຍາດໂຄວິດ 19 ແລະ ທິດທາງແຜນການປີ 2022, 13,) ລາຍງານວຽກງານປັບປຸງຄຸນນະພາບການບໍລິການໂຮງແຮມ, ຮ້ານອາຫານ ແລະ ບໍລິສັດທ່ອງທ່ຽວ, 14,) ລາຍງານວຽກງານການສຶກສາ ປີ 2021 ໂດຍສະເພາະການກະກຽມຄວາມພ້ອມຕໍ່ວຽກງານການສຶກສາໃນຊ່ວງການແຜ່ລະບາດຂອງພະຍາດໂຄວິດ 19 ແລະ ທິດທາງແຜນການປີ 2022, 15,) ລາຍງານສະພາບການຈັດຕັ້ງປະຕິບັດວຽກງານເສີມຂະຫຍາຍແຜນງານການຊ່ວຍເຫຼືອສຸກເສີມການຊ່ວຍເຫຼືອ ເພື່ອຊ່ວຍເຫຼືອຜູກເຄາະຮ້າຍຈາກໄຟພິບັດ ແລະ ການຮ່ວມມືຈາກພາກສ່ວນໃນສັງຄົມ, 16,) ລາຍງານສະພາບການຈັດຕັ້ງປະຕິບັດວຽກງານຊຸກຍູ້ ແລະ ສົ່ງເສີມດ້ານສີມືແຮງງານປະຈຳປີ 2021 ແລະ ທິດທາງແຜນການປີ 2022, 17,) ມີຄຳເຫັນລາຍງານຕໍ່ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ, 18,) ລາຍງານການພົວພັນຮ່ວມມື, ຄູ່ຮ່ວມຍຸດທະສາດຮອບດ້ານໝັ້ນຄົງຍາວນານກັບບັນດາປະເທດໄກ້ຄຽງ ປະຈຳປີ 2021 ແລະ ທິດທາງແຜນການປີ 2022, 19,) ລາຍງານການຈັດຕັ້ງປະຕິບັດຄຳຕັດສີນຂອງສານປະຈຳປີ 2021 ແລະ ທິດທາງແຜນການປີ 2022,​ 20,) ລາຍງານການປັບປຸງກງຈັກຊ່ວຍວຽກຕ່າງໆ ພາຍໃນແຂວງໃຫ້ເໝາະສົມກັບມາດຖານຂອງກົງຈັກ ແລະ ຕຳແໜ່ງງານຕາມພາລະບົດບາດ ປີ 2021 ແລະ ທິດທາງແຜນການປີ 2022, ແລະ ບັນດາເມືອງ ລາຍງານການຈັດຕັ້ງວຽກງານຮອບດ້ານ ພາຍໃນເມືອງ ປີ 2021 ແລະ ທິດທາງແຜນການປີ 2022.

ກອງປະຊຸມແມ່ນຈະໄດ້ດຳເນີນເປັນເວລາ 2 ວັນ.

ຂ່າວ-ພາບ ວິໄລສັກ ແກ້ວຫຼວງໂຄດ