banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:244
ມື້ວານນີ້:ມື້ວານນີ້:509
ອາທິດນີ້:ອາທິດນີ້:753
ເດືອນນີ້:ເດືອນນີ້:7296
ທັງໝົດ:ທັງໝົດ:510878

Lao National Radio

radio

ແຜນທີແຂວງ ອັດຕະປື

administrative map

 

 

ປະທານປະເທດແຫ່ງ ສ ປປ ລາວ ພ້ອມດ້ວຍຄະນະທີ່ມາຈາກສູນກາງ ໄດ້ມາເຄື່ອນໄຫວຢ້ຽມຢາມ ແຂວງອັດຕະປື

ໃນການມາຢ້ຽມແຂວງອັດຕະປືຄັ້ງນີ້ ກ່ອນອື່ນ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດແຫ່ງ ສປປ ລາວ ພ້ອມດ້ວຍຄະນະທີ່ມາຈາກສູນກາງ ແລະ ຄະນະນຳຂອງແຂວງໄດ້ລົງເຄື່ອນໄຫວຢ້ຽມຢາມປະຊາຊົນທີ່ຖືກຜົນກະທົບຈາກເຄື່ອນແຕກ ທີ່ເມືອງສະໜາມໄຊ ຫຼັງຈາກນັ້ນ ກໍ່ໄດ້ເດີນທາງກັບມາແຂວງ ແລະ ໄດ້ຈັດກອງປະຊຸມ ໂອ້ລົມ ການນຳຫຼັກແຫຼ່ງຂອງແຂວງ ທີ່ຫໍປະຊຸມໄຫຍ່ແຂວງ.

ການລົງຢ້ຽມຢາມປະຊາຊົນ ຊາວເມືອງສະຫນາມໄຊ ທີ່ໄດ້ຮັບຜົນກະທົບຈາກເຫດ ການຄູກັນນໍ້າສັນເຂື່ອນໄຟຟ້າເຊປຽນ-ເຊນໍ້ານ້ອຍແຕກ ເມື່ອປີ 2018 ຜ່ານມາ ໃນຄັ້ງນີ້ ພິທີຕ້ອນຮັບໄດ້ຈັດຂື້ນທີ່ຫ້ອງການບ້ານດົງບາກໃໝ່ຫີນຄໍາ ໃຫ້ກຽດຕ້ອນຮັບຂອງທ່ານ ເລັດ ໄຊຍະພອນ ເຈົ້າແຂວງອັດຕະປື,ພ້ອມຄະນະນໍາຂອງແຂວງ,ການນໍາຂອງເມືອງສະໜາມໄຊ ຕະຫຼອດຮອດພໍ່ແມ່ປະຊາຊົນ ທີ່ປະສົບໄພພິບັດ ກໍ່ໃຫ້ການຕ້ອນຮັບ.

ໂອກາດດັ່ງກ່າວທ່ານປະທານປະເທດແຫ່ງ ສປປ ລາວ ກໍ່ໄດ້ຮັບຟັງການລາຍງານສະພາບການແກ້ໄຂຜົນກະທົບ ແລະ ການຟື້ນຟູຫຼັງໄພພິບັດ ຈາກເຫດການສັນເຂື່ອນໄຟຟ້າເຊປຽນ-ເຊນໍ້ານ້ອຍແຕກ ໃນປີ2018 ຜ່ານມາທີ່ເມືອງສະໜາມໄຊ ໂດຍສະເພາະໂຄງການ ກໍ່ສ້າງເຮືອນຢູ່ຖາ ວອນຈໍານວນ 700 ຫຼັງມູນຄ່າ 24 ລ້ານກວ່າໂດລາສະຫະ ລັດ ດ້ວຍທຶນຊົດເຊີຍບໍລິສັດຜູ້ພັດທະນາໂຄງການເຂື້ອນໄຟຟ້າເຊປຽນ-ເຊນໍ້ານ້ອຍ ມາຮອດປະຈຸບັນສາມາດລົງມືກໍ່ສ້າງໄດ້ທັງໝົດ 700 ຫຼັງ,ທຽບໃສ່ແຜນລວມ 700 ຫຼັງປະຕິບັດໄດ້ 78%,ຕາມສັນຍາແມ່ນໃຫ້ສໍາເລັດ 100% ໃນທ້າຍປີ 2021 ນີ້,ໄດ້ສໍາເລັດ ແລະ ມອບໃຫ້ປະຊາຊົນເຂົ້າຢູ່ແລ້ວ 268 ຫຼັງ,ໃນນີ້ ບ້ານຫີນລາດ 67 ຫຼັງ,ບ້ານດອນບົກໃໝ່ແສງຈັນ 24 ຫຼັງ,ບ້ານດົງບາກ 177 ຫຼັງ,ໂຄງການ ກໍ່ ສ້າງເຮືອນ 45 ຫຼັງ ດ້ວຍທຶນຊ່ວຍເຫຼືອຈາກລັດຖະບານໄທ ມູນຄ່າ 6 ຕື້ກວ່າກີບ ສໍາເລັດ 100% ໄດ້ມອບໃຫ້ປະຊາຊົນເຂົ້າຢູ່ໝົດແລ້ວ,ໂຄງການ ກໍ່ສ້າງເຮືອນ 66 ຫຼັງ ດ້ວຍທຶນຊ່ວຍເຫຼືອຈາກລັດຖະບານຍີ່ປຸ່ນມູນຄ່າ 9 ຕື້ກວ່າກີບ ສໍາເລັດ 100% ແລະ ໄດ້ມອບໃຫ້ປະຊາຊົນເຂົ້າຢູ່ ແລ້ວ,ວຽກຟື້ນຟູການຈັດສັນອາຊີບໃຫ້ແກ່ປະຊາຊົນ ໂດຍສະເພາະ ຟື້ນຟູດິນນາເດີມຂອງປະຊາຊົນ ໃນເນື້ອທີ່ 2.263 ເຮັກຕາ,ປີນີ້ປະຊາຊົນປູກເຂົ້າຕົວຈິງມີ 1.267 ເຮັກຕາ, 1.049 ຄອບຄົວ,ເຮັດນາຢອດ 700 ເຮັກຕາ,ນາປັກດຳ 567 ເຮັກຕາ,ເກັບກູ້ຜົນຜະລິດລວມໄດ້ 3.471 ໂຕນ,ໄດ້ຟື້ນຟູການກໍ່ສ້າງລະບົບຊົນລະປະທານ 4 ແຫ່ງ ມູນຄ່າ 59 ຕື້ກວ່າກີບ,ບ້ວງທຶນຂອງບໍລິສັດ SK ປະຕິບັດສໍາເລັດປະມານ 90%,ສາມາດສະໜອງນໍ້າໃຫ້ແກ່ການຜະລິດໃນລະດູແລ້ງປີນີ້ 910 ເຮັກຕາ ແລະ ວຽກງານອື່ນໆ ກໍ່ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດ.

ໂອກາດດັ່ງກ່າວທ່ານ ທອງລຸນ ສີສຸລິດ ປະທານປະເທດແຫ່ງ ສປປລາວ ໄດ້ເນັ້ນໃຫ້ອໍານາດການປົກຄອງແຂວງ,ອໍານາດການປົກຄອງເມືອງ ສືບຕໍ່ເອົາໃຈໃສ່ປະຕິບັດບັນດາໜ້າວຽກ ທີ່ຍັງຄ້າງໂດຍການປະສານຢ່າງກົມກຽວກັນລະຫວ່າງແຂວງ ແລະ ເມືອງ ເພື່ອເຮັດໃຫ້ທຸກວຽກງານຂອງການຟື້ນຟູໄພພິບັດ ໄດ້ດໍາເນີນໄປຢ່າງມີສໍາເລັດ ພ້ອມທັງໄດ້ເນັ້ນໃຫ້ພໍ່ແມ່ປະຊາຊົນ ເປັນເຈົ້າການພັດທະນາຊີວິດການເປັນຢູ່ດ້ວຍການອອກແຮງງານ ເພີ່ມພູນຜະລິດຜົນປູກຝັງ-ລ້ຽງສັດ ພັດທະນາຊີວິດຄອບຄົວໃຫ້ມີຢູມີກິນ ຫຼຸດພົ້ນຈາກຄວາມທຸກຍາກເທື່ອລະກ້າວ,ໂອກາດັ່ງກ່າວທ່ານປະທານປະເທດ ຍັງໄດ້ມອບເຂົ້າສານໃຫ້ປະຊາຊົນ ທີ່ປະສົບໄພພິບັນ ຢູ່ເມືອງສະໜາມໄຊ ຈຳນວນ 30 ໂຕນ ຈາກນັ້ນທ່ານ ຍັງໄດ້ເຄື່ອນໄຫວເບິ່ງໂຄງການກໍ່ສ້າງເຮືອນຢູ່ຖາວອນ ຢູ່ຈຸດດົງບາກ ແລະ ຈຸດຕໍມໍຢອດຕື່ມອີກ.

ຫຼັງຈາກນັ້ນກໍ່ໄດ້ເດີນທາງກັບມາແຂວງ ແລ້ວກໍ່ໄດ້ຈັດກອງປະຊຸມ ໂອ້ລົມ ບັນດາການນຳຫຼັກແຫຼ່ງແຂວງຂື້ນທີ່ຫໍປະຊຸມໄຫຍ່ແຂວງ ໃນພິທີ ພາຍຫລັງໄດ້ຮັບການລາຍງານສະພາບການພັດທະນາເສດຖະກິດ-ສັງຄົມຂອງແຂວງແລ້ວ ທ່ານ ທອງລຸນ ສີສຸລິດ ໄດ້ໃຫ້ກຽດໂອ້ລົມ ກ່ອນອື່ນໝົດທ່ານກໍໄດ້ຍ້ອງຍໍຊົມເຊີຍຕໍ່ ຄະນະພັກອໍານາດການປົກຄອງແຂວງ ທີ່ໄດ້ນໍາພາ-ຊີ້ນໍາການປະຕິບັດໜ້າທີ່ວຽກງານ ຈົນສາມາດຍາດໄດ້ຜົນງານທີ່ພົ້ນເດັ່ນຫລາຍດ້ານ. ໂດຍສະເພາະຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ດ້ານເສດຖະກິດຍັງສືບຕໍ່ຂະຫຍາຍຕົວຕໍ່ເນືອງໃນລະດັບທີ່ດີ. ພ້ອມນັ້ນ, ທ່ານຍັງໄດ້ເນັ້ນໜັກໃຫ້ຄະນະນໍາແຂວງ ອັດຕະປືທຸກຂັ້ນ ຕ້ອງໄດ້ເພີ່ມທະວີຄວາມສາມັກຄີເປັນປຶກແຜນ, ເປັນຈິດໜຶ່ງໃຈດຽວ, ຊີ້ນໍາ-ນໍາພາເປັນໝູ່ຄະນະ, ບຸກຄົນຮັບຜິດຊອບ, ປັບປຸງແບບແຜນວິທີເຮັດວຽກໃກ້ສິດຕິດແທດກັບມະຫາຊົນ, ສູ້ຊົນປັບປຸງກໍສ້າງໃຫ້ມີຄວາມໜັກແໜ້ນແຂັ້ມແຂງ ແລະ ສົມຄູ່ກັບວຽກງານຕົວຈິງ.ສືບຕໍ່ເອົາໃຈໃສຊຸກຍູ້ການກໍ່ສ້າງເຮືອນປະຊາຊົນທີ່ຖືກຜົນກະທົບຈາກເຂື່ອນແຕກສ່ວນທີ່ຍັງບໍ່ທັນສໍາເລັດເລັ່ງເຮັດໃຫ້ສໍາເລັງພາຍໃນປີ2022,

ຊຸກຍູ້ປະຊາຊົນທໍາການຜະລິດກະສິກຳໃຫ້ກຸ້ມຕົນເອງ ແລະ ສາມາດເປັນສິນຄ້າ ເພື່ອຈໍາໜ່າຍພາຍໃນ ຫລື ຈໍາໜ່າຍອອກຕ່າງປະເທດ, ປຸກລະດົມນັກລົງທຶນທີ່ມີພາຍໃນແຂວງ ເຂົ້າມາຊ່ວຍສະໜັບສະໜູນປະຊາຊົນໃຫ້ຫລາຍຂຶ້ນ ສືບຕໍ່ແກ້ໄຂບັນຫາການຜະລິດຂອງປະຊາຊົນ ແນະນໍາປະຊາຊົນນໍາໃຊ້ ແລະ ຮູ້ວິຖີການດໍາລົງຊີວິດແບບໃໝ່ ສາມາດດຶງເອົານັກລົງທຶນແຕ່ສູນກາງ ແລະ ແຂວງອ້ອມຂ້າງເຂົ້າມາລົງທຶນຮັບຊື້,ໃຫ້ນໍາໃຊ້ທ່າແຮງທີ່ມີຢູ່ພາຍໃນແຂວງໃຫ້ໄດ້ດີທີ່ສຸດ,ປະຫຍັດທີ່ສຸດ ແລະ ມີຜົນປະໂຫຍດສູງສຸດ, ຄຸ້ມຄອງໃຫ້ດີທີ່ສຸດຜະລິດອອກເປັນເງິນຄໍາເພື່ອພັດທະນາແຂວງ ອັດຕະປື ກໍຄືປະເທດຊາດ.ອັນສໍາຄັນປຸກລະດົມພໍ່ແມ່ປະຊາຊົນໃຫ້ມີຄວາມຕື່ນຕົວປະກອບສ່ວນເຂົ້າໃນການສ້າງສາພັດທະນາ, ສືບຕໍ່ເອົາໃຈໃສ່ການປະຕິບັດຄໍາສັ່ງເລກທີ 15 ຢ່າງເຂັ້ມງວດ, ເອົາຈິງເອົາຈັງໃນການກວດກາ,ຕິດຕາມຢ່າງໃກ້ສິດ ເພື່ອຮັບກັນການຮົ່ວໄຫລຄືໃນໄລຍະຜ່ານມາ,

ພ້ອມນີ້ເອົາໃຈໃສວຽກງານປັບປຸງກໍ່ສ້າງພັກ-ພະນັກງານ, ເຮັດວຽກງານກວດກາໃຫ້ດີທີ່ສຸດ, ສືບຕໍ່ຈັດຕັ້ງປະຕິບັດແລະແກ້ໄຂ 2 ວາລະແຫ່ງຊາດຄື: ການແກ້ໄຂບັນຫາຢາເສບຕິດ ແລະ ການແກ້ໄຂຄວາມຫຍຸ້ງຍາກດ້ານເສດຖະກິດໄດ້ຢ່າງທັນການ.

ຂ່າວ-ພາບ: ວິໄລສັກ ແກ້ວຫຼວງໂຄດ