banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:147
ມື້ວານນີ້:ມື້ວານນີ້:337
ອາທິດນີ້:ອາທິດນີ້:1699
ເດືອນນີ້:ເດືອນນີ້:4883
ທັງໝົດ:ທັງໝົດ:475285

Lao National Radio

radio

ແຜນທີແຂວງ ອັດຕະປື

administrative map

 

 

ໄຂກອງປະຊຸມ ຄົບຄະນະ ບໍລິຫານງານ ພັກແຂວງ ເປີດກ້ວາງ ຄັ້ງທີ 3 ສະໄໝທີXI.

ວັນທີ15 ມິຖຸນາ 2021, ແຂວງອັດຕະປື ໄດ້ໄຂ ກອງປະຊຸມ ຄົບຄະນະ ບໍລິຫານງານ ພັກແຂວງ ເປີດກ້ວາງ ຄັ້ງທີ 3 ສະໄໝທີXI ຂຶ້ນ ຢ່າງເປັນ ທາງການ ທີ່ຫໍປະຊຸມ ໃຫຍ່ ຂອງແຂວງ. ໂດຍການ ເປັນປະທານ ຂອງ ສະຫາຍ ເລັດ ໄຊຍະພອນ ກຳມະການ ສູນກາງພັກ, ເລຂາພັກ ແຂວງ, ເຈົ້າແຂວງ ອັດຕະປື, ມີບັນດາ ສະຫາຍ ໃນຄະນະ ປະຈໍາພັກແຂວງ, ກໍາມະການ ພັກແຂວງ, ຄະນະ ປະຈໍາພັກ ເມືອງ, ຄະນະພັກ ຮາກຖານ ແລະ ພາກສ່ວນ ກ່ຽວຂ້ອງ ເຂົ້າຮ່ວມ.

ສະຫາຍ ເລັດ ໄຊຍະພອນ ກໍາມະການ ສູນກາງພັກ, ເລຂາພັກແຂວງ, ເຈົ້າແຂວງ ໄດ້ກ່າວໄຂ ກອງປະຊຸມວ່າ: ກອງປະຊຸມ ຈະໄດ້ ຮັບຟັງ ການເຊື່ອມຊຶມ ບັນດາ ເອກະສານຕ່າງໆ ເປັນຕົ້ນ: ການຜັນ ຂະຍາຍ ມະຕິ ກອງປະຊຸມ ໃຫ່ຍ ຄັ້ງທີXI ຂອງພັກ ແລະ ຂອງແຂວງ, ຮັບຟັງ ການລາຍງານ ການຕີລາຄາ ການຊີ້ນໍາ - ນໍາພາ ວຽກງານຮອບດ້ານ 6ເດືອນ ຕົ້ນປີ2021 ເປັນຕົ້ນ: ລາຍງານ ການຈັດຕັ້ງ ປະຕິບັດ ຕີລາຄາ ການຊີ້ນໍາ - ນໍາພາ ວຽກງານ ຮອບດ້ານ ຂອງຄະນະ ບໍລິຫານງານ ພັກແຂວງ ໄລຍະ6ເດືອນ ຕົ້ນປີ ແລະທິດທາງ 6 ເດືອນ ທ້າຍປີ2021, ຮັບຟັງ ບົດລາຍງານ ການຈັດຕັ້ງ ປະຕິບັດ ວຽກງານ ກໍ່ສ້າງ ຮາກຖານ ການເມືອງ ປະຈໍາ 6 ເດືອນ ຕົ້ນປີ ແລະ ທິດທາງ ແຜນການ 6 ເດືອນທ້າຍປີ2021, ຮັບຟັງ ບົດລາຍງານ ການຈັດຕັ້ງ ປະຕິບັດ ແຜນພັດທະນາ ເສດຖະກິດ - ສັງຄົມ ແລະ ງົບປະມານ ປະຈໍາ6ເດືອນ ຕົ້ນປີ ແລະ ທິດທາງ ແຜນການ 6 ເດືອນທ້າຍປີ2021 ແລະ ແຜນການ ຮອດປີ 2022 ແລະ ບັນດາ ເອກະສານ ສໍາຄັນ ອື່ນໆ ອີກດ້ວຍ. ກອງປະຊຸມ ຄັ້ງນີ້ ຈະໄດ້ ດຳເນີນ ເປັນເວລາ 3 ວັນ ນັບແຕ່ ວັນທີ 15 - 17 ມິຖຸນາ 2021 ຈຶ່ງຈະ ສໍາເລັດ.

ຂ່າວຈາກ: ຖວທ ແຂວງ.