banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:147
ມື້ວານນີ້:ມື້ວານນີ້:224
ອາທິດນີ້:ອາທິດນີ້:147
ເດືອນນີ້:ເດືອນນີ້:3644
ທັງໝົດ:ທັງໝົດ:403279

Lao National Radio

radio

ແຜນທີແຂວງ ອັດຕະປື

administrative map

 

 

ການລົງ ເຄື່ອນໄຫວ ຊຸກຍູ້ ວຽກງານ ຢູ່ຮາກຖານ ຢູ່ຂັ້ນເມືອງ, ຂັ້ນບ້ານ ຂອງຄະນະນໍາ ຂັ້ນແຂວງ ຖືວ່າ ເປັນວາລະ ການເຄື່ອນໄຫວ ວຽກງານ ທີ່ສໍາຄັນ ແລະ ຖືກຕ້ອງ ສອດຄ່ອງ ທີ່ສຸດ ເພາະໄດ້ ແຖດເຖິງ ຮາກຖານ ພໍ່ແມ່ ປະຊາຊົນ, ຮັບຮູ້ ເຂົ້າໃຈ ຈະແຈ້ງ ແລະ ເຫັນສະພາບ ຕົວຈິງ ເພື່ອພ້ອມກັນ ຊຸກຍູ້ ສົ່ງເສີມ ພັດທະນາ ດ້ານດີ ແລະ ແກ້ໄຂ ດ້ານຄົງຄ້າງ ຮ່ວມກັນ, ໂດຍສະເພາະ ແມ່ນຊຸກຍູ້ ການຈັດຕັ້ງ ປະຕິບັດ ມະຕິ X ຂອງພັກ, ຂອງແຂວງ ແລະ ມະຕິ VIII ຂອງເມືອງ, ແຜນພັດ ທະນາ ເສດຖະກິດ -ສັງຄົມ ຂອງເມືອງໄຊ ເສດຖາ ໃຫ້ບັນລຸ ຕາມຄາດໝາຍ.

ການລົງ ຊຸກຍູ້ ວຽກງານ ຄັ້ງນີ້ ໄດ້ມີຂຶ້ນ ໃນວັນທີ 25 ມີນາ 2021, ເຊິ່ງນໍາໂດຍ ທ່ານ ເລັດ ໄຊຍະພອນ ກໍາມະການ ສູນກາງພັກ, ເລຂາພັກ ແຂວງ- ເຈົ້າແຂວງ ອັດຕະປື ພ້ອມດ້ວຍ ຫົວໜ້າ ພະແນກການ ທີ່ກ່ຽວຂ້ອງ ຂອງແຂວງ ແລະ ໄດ້ຮັບກຽດ ຕ້ອນຮັບ ຂອງ ທ່ານ ອຸດສະຫະ ກົມມະເມືອງ ຮອງເລຂາພັກ ເມືອງ ປະທານ ກວດກາພັກ-ລັດ ເມືອງໄຊເສດຖາ ພ້ອມຄະນະ.

ການເຄື່ອນໄຫວ ດັ່ງກ່າວ ໄດ້ປະຊຸມ ປຶກສາ ຫາລື ວຽກງານ ຮ່ວມກັບ ຄະນະພັກ - ຄະນະນໍາ ຂອງເມືອງ ຂຶ້ນທີ່ ສະໂມສອນ ຂອງເມືອງ ໄຊເສດຖາ, ໂດຍໃຫ້ກຽດ ເປັນປະທານ ຂອງ ທ່ານ ເລັດ ໄຊຍະພອນ ກໍາມະການ ສູນກາງພັກ ເລຂາພັກແຂວງ - ເຈົ້າແຂວງ; ກອງປະຊຸມ ໄດ້ຮັບຟັງ ການລາຍງານ ກ່ຽວກັບ ການຊີ້ນໍາ - ນໍາພາ ການຈັດຕັ້ງປະຕິບັດ ວຽກງານ ຮອບດ້ານ ແລະ ສະພາບ ພົ້ນເດັ່ນ ຂອງເມືອງ ໃນໄລຍະ ຜ່ານມາ ເປັນຕົ້ນ: ການຈັດຕັ້ງ ຜັນຂະຫຍາຍ ມະຕິ ກອງປະຊຸມ ໃຫຍ່ ຂອງອົງ ຄະນະພັກ ສະໄໝທີ VIII ແລະ ການຈັດຕັ້ງ ປະຕິບັດ ແຜນພັດທະນາ ເສດຖະກິດ - ສັງຄົມ 5 ປີ ຄັ້ງທີ IX ຂອງເມືອງ ໄຊເສດຖາ ເຊິ່ງມີ ທັງດ້ານດີ, ຂໍ້ສະດວກ, ຂໍ້ຄົງຄ້າງ, ດ້ານອ່ອນ ແລະ ສິ່ງທ້າທາຍ ຫຼາຍປະການ; ແຕ່ດ້ວຍ ນ້ຳໃຈ ບຸກທະລຸ ຢ່າງແຂງແຮງ ຂອງຄະນະນໍາ ທຸກຂັ້ນ ເຮັດໃຫ້ ເສດຖະກິດຂອງເມືອງ ຂະຫຍາຍຕົວ ຢ່າງຕໍ່ເນື່ອງ ໃນຈັ່ງຫວະ ໄວສົມຄວນ ເຊີ່ງສະແດງອອກໃນ ຍອດລາຍຮັບ ຕົວຈິງ ຂອງປະຊາຊົນ 290 ຕື້ກີບ, ການຂະຫຍາຍຕົວ ຂອງເສດຖະກິດ ໄດ້ປະມານ 4,3% ສະເລ່ຍ ລາຍຮັບ ຕໍ່ຫົວຄົນ ໄດ້ 8.055.273 ກີບ ຫຼື ເທົ່າກັບ 868 ໂດລາ /ຄົນ /ປີ, ໂຄງການ ລົງທຶນ ມີທ່າອ່ຽງ ເພີ່ມຂຶ້ນ ໃນນີ້ ການລົງທຶນ ຂອງປະຊາຊົນ ປະຕິບັດ ໄດ້ 4,306 ລ້ານກວ່າກີບ ເປັນຕົ້ນ ແມ່ນການປູກ - ການລ້ຽງ, ການຄ້າ ແລະ ການບໍລິການ. ພ້ອມນັ້ນ ໄດ້ສຸມໃສ່ ປະຕິບັດຕາມ 4 ແຜນງານ ທີ່ເມືອງວ່າງອອກ ໂດຍມີ ແຜນງານ ຄ້ຳປະກັນ ສະບຽງ ອາຫານ ເຊິ່ງໄດ້ ສຸມໃສ່ ການຜະລິດ ລະດູແລ້ງ ໃນ 5 ໂຄງການ ແຜນ 397 ເຮັກຕາ; ແຜນງານ ຜະລິດ ເປັນສິນຄ້າ ສຸມໃສ່ ການປູກອ້ອຍ ກົນໄກ 2+3, ປູກເຂົ້າ ແລະ ປູກພືດຜັກ ຊະນິດຕ່າງໆ; ແຜນງານ ຟື້ນຟູປ່າ ແລະ ແຜນງານ ແກ້ໄຂ ຄວາມທຸກຍາກ. ໂອກາດນີ້ ຜູ້ເຂົ້າຮ່ວມ ກອງປະຊຸມ ຍັງໄດ້ ພ້ອມກັນ ປະກອບ ຄໍາຄິດເຫັນ ຕາມຂົງເຂດ ຂະແໜງການ ຮັບຜິດຊອບ ດ້ວຍຄວາມ ເປັນເຈົ້າການ ເພື່ອເປັນ ທິດທາງ, ແຜນການ ໃນການ ພັດທະນາ ຕໍ່ໄປ.

ໃນຕອນທ້າຍ ກອງປະຊຸມ ໄດ້ຮັບຟັງ ຄໍາເຫັນ ໂອ້ລົມ ຊີ້ນໍາ ຂອງທ່ານ ປະທານ ໂດຍເນັ້ນ ໃຫ້ສືບຕໍ່ເອົາໃຈໃສ່ ຈັດຕັ້ງ ຜັນຂະຫຍາຍ ມະຕິ ກອງປະຊຸມໃຫຍ່ ຂອງເມືອງ, ຊີ້ນໍາ - ນໍາພາ ຈັດຕັ້ງ ປະຕິບັດ ແຜນພັດທະນາ ເສດຖະກິດ - ສັງຄົມ, ແກ້ໄຂ ບັນຫາ ປະກົດການ ຫຍໍ້ທໍ້, ເອົາໃຈໃສ່ ເຮັດວຽກງານ ແນວຄິດ ໃຫ້ເລິກເຊິ່ງ ເຖິງຖ່ອງ ແລະ ລົງກໍ່ສ້າງ ຮາກຖານ ການເມືອງ ປົກກະຕິ - ຕໍ່ເນື່ອງ, ເອົາໃຈໃສ່ ຊຸກຍູ້ ສົ່ງເສີມ ປະຊາຊົນ ຢ່າງໃກ້ສິດ ເຮັດການຜະລິດ ກະສິກໍາ, ຫັດຖະກໍາ ແລະ ອຸດສາ ຫະກໍາ ໃຫ້ຫຼາຍ ກາຍເປັນ ສິນຄ້າ, ຂະແໜງການ ທີ່ກ່ຽວຂ້ອງ ຂອງແຂວງ ແລະ ເມືອງ ເປັນເຈົ້າການ ຢ່າງຈິງຈັງ ໃນການ ວາງແຜນພັດທະນາ ແລະ ແກ້ໄຂ ບັນຫາ ຄົງຄ້າງຕ່າງໆ ບົນພື້ນຖານ ສິດໜ້າທີ່ ແລະ ຄວາມຮັບ ຜິດຊອບ ຖືກຕ້ອງ ຕາມລະບຽບ ກົດໝາຍ ເພື່ອພ້ອມກັນ ສຸມໃສ່ ໃນການ ປົກປັກ ຮັກສາ ແລະ ສ້າງສາ ພັດທະນາ.

ການລົງ ເຄື່ອນໄຫວ ຄັ້ງນີ້, ທ່ານ ເລັດ ໄຊຍະພອນ ກໍາມະການ ສູນກາງພັກ, ເລຂາພັກ ແຂວງ-ເຈົ້າ ແຂວງ ອັດຕະປື ພ້ອມດ້ວຍ ຫົວໜ້າ ພະແນກການ ທີ່ກ່ຽວຂ້ອງຂອງ ແຂວງ ແລະ ຄະນະນໍາ ຂອງເມືອງ ຍັງໄດ້ ໄປຢ້ຽມຊົມ ຜົນການ ຜະລິດ ກະສິກໍາ ປູກອອ້ຍ ທີ່ເປັນ ອາຊີບ ຂອງປະຊາຊົນ ບ້ານແກ້ງໃຫຍ່, ຢ້ຽມຊົມ ຜົນຜະລິດ ເຂົ້ານາແຊງ ຂອງປະຊາຊົນ ບ້ານວັດຫຼວງ ແລະ ສວນປູກຜັກຫອມ ຂອງປະຊາຊົນ ບ້ານສົມໂຄດ ຕື່ມອີກ.