banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:135
ມື້ວານນີ້:ມື້ວານນີ້:273
ອາທິດນີ້:ອາທິດນີ້:676
ເດືອນນີ້:ເດືອນນີ້:676
ທັງໝົດ:ທັງໝົດ:391436

Lao National Radio

radio

ແຜນທີແຂວງ ອັດຕະປື

administrative map

 

 

ບໍລິສັດ ເບຍລາວ ຈໍາກັດ ໄດ້ມອບເງິນ ຈຳນວນ 100 ລ້ານກີບ ໃຫ້ຄະນະພັກ - ອົງການ ປົກຄອງ ແຂວງ ອັດຕະປື ເພື່ອ ປະກອບສ່ວນ ໃນການ ເຄື່ອນໄຫວ ວຽກງານປ້ອງກັນ, ສະກັດກັ້ນ ແລະ ຕອບໂຕ້ ການແຜ່ ລະບາດ ຂອງພະຍາດ ໂຄວິດ-19.

ພິທີມອບ - ຮັບຄັ້ງນີ້ ໄດ້ຈັດຂຶ້ນ ໃນວັນທີ 16 ກຸມພາ 2021 ທີ່ຫ້ອງ ວ່າການ ແຂວງອັດຕະປື, ຊຶ່ງມອບໂດຍ ທ່ານ ສູນທອນ ພົມມະຈັກ ປະທານ ບໍລິສັດ ເບຍລາວ ຈໍາກັດ, ທ່ານ ເຮັນລິກຈູນ ແອນເດີຊັນ ຜູ້ອໍານວຍການ ໃຫຍ່ ບໍລິສັດ ເບຍລາວ ຈໍາກັດ ພ້ອມຄະນະ ແລະ ເປັນກຽດຮັບ ໂດຍ ທ່ານ ບຸນເສີດ ເສດທິລາດ ຮອງເຈົ້າແຂວງ ອັດຕະປື, ທ່ານ ດຣ ອິນປັນ ອິນທິລາດ ຫົວໜ້າ ພະແນກ ສາທາ ລະນະສຸກ ແຂວງ, ທ່ານ ປອ ຄຳພັນ ແກ້ວມະນີ ຮອງຫົວໜ້າ ຫ້ອງວ່າການ ແຂວງ, ມີຄະນະ ກຳມະການ ປ້ອງກັນ, ສະກັດກັ້ນ, ຄວບຄຸມ ແລະ ຕອບໂຕ້ ການລະບາດ ຂອງພະຍາດ ໂຄວິດ-19 ຂັ້ນແຂວງ ເຂົ້າຮ່ວມ.

ໂອກາດນີ້, ທ່ານ ບຸນເສີດ ເສດທິລາດ ຮອງເຈົ້າແຂວງ ອັດຕະປື ໄດ້ລາຍງານ ໃຫ້ຊາບເຖິງ ການຈັດຕັ້ງ ປະຕິບັດ ວຽກງານ ການປ້ອງກັນ, ສະກັດກັ້ນ, ຄວບຄຸມ ແລະ ຕອບໂຕ້ ການລະບາດ ຂອງພະຍາດ ໂຄວິດ-19 ຢູ່ແຂວງ ອັດຕະປື ພ້ອມນັ້ນ ກໍໄດ້ ສະແດງ ຄວາມຊົມເຊີຍ ແລະ ຕີລາຄາສູງ ມາຍັງ ປະທານ ບໍລິສັດ ເບຍລາວ ຈໍາກັດ ພ້ອມຄະນະ; ຜ່ານມາ ແຂວງອັດຕະປື ໄດ້ຮັບການ ສະໜັບ ສະໜູນຈາກ ບໍລິສັດ ເບຍລາວ ບໍ່ວ່າ ຈະເປັນ ການປະກອບສ່ວນ ເຂົ້າໃນ ວຽກງານ ແກ້ໄຂ ໄພນ້ຳຖ້ວມ ອຸທົກ ກະໄພຕ່າງໆ, ປະກອບສ່ວນ ຊຸກຍູ້ ໃນວຽກງານ ແລະ ງານບຸນ ສຳຄັນຕ່າງໆ ຊຶ່ງເປັນການ ປະກອບສ່ວນ ຢ່າງຕັ້ງໜ້າ ໃນການ ພັດທະນາ ເສດຖະກິດ - ສັງຄົມ ຢູ່ແຂວງ ອັດຕະປື ແລະ ການປະກອບສ່ວນ ເປັນເງິນ 100 ລ້ານກີບ ຂອງ ບໍລິສັດ ເບຍລາວ ຄັ້ງນີ້, ຄະນະພັກ - ອົງການ ປົກຄອງ ແຂວງອັດຕະປື ຈະນຳໃຊ້ ຕາມເປົ້າໝາຍ ກໍຄື ການຕ້ານ ການລະບາດ ຂອງພະຍາດ ໂຄວິດ-19 ໃຫ້ເກີດ ປະໂຫຍດ ສູງສຸດ.