banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:152
ມື້ວານນີ້:ມື້ວານນີ້:273
ອາທິດນີ້:ອາທິດນີ້:693
ເດືອນນີ້:ເດືອນນີ້:693
ທັງໝົດ:ທັງໝົດ:391453

Lao National Radio

radio

ແຜນທີແຂວງ ອັດຕະປື

administrative map

 

 

ສະຫາຍ ພົນເອກ ຈັນສະໝອນ ຈັນຍາລາດ ເຄື່ອນໄຫວເຮັດວຽກຢູ່ແຂວງອັດຕະປື.

ໃນວັນທີ 7 ກຸມພາ 2021 ສະຫາຍ ພົນເອກ ຈັນສະໝອນ ຈັນຍາລາດ ກໍາມະການ ກົມການເມືອງ ສູນກາງພັກ, ລັດຖະ ມົນຕີ ກະຊວງ ປ້ອງກັນ ປະເທດ, ຄະນະ ກໍາມະການ ເລືອກຕັ້ງ ລະດັບຊາດ ລົງຊຸກຍູ້ ແລະ ຊີ້ນໍາ ການກະກຽມ ໃຫ້ແກ່ ການດໍາເນີນ ການປ່ອນບັດ ເລືອກຕັ້ງ ສະມາຊິກ ສະພາ ແຫ່ງຊາດ ຊຸດທີ IX ແລະ ສະພາ ປະຊົນແຂວງ ຊຸດທີ II ຢູ່ ແຂວງອັດຕະປື, ໂດຍໄດ້ ຮັບກຽດ ຕ້ອນຮັບ ຂອງ ສະຫາຍ ເລັດ ໄຊຍະພອນ ກໍາມະການ ສູນກາງພັກ, ເລຂາ ພັກແຂວງ ເຈົ້າແຂວງ ອັດຕະປື, ມີບັນດາ ສະຫາຍ ຄະນະ ປະຈໍາພັກ ແຂວງ, ຄະນະ ຮັບຜິດຊອບ ການປ່ອນບັດ ຂັ້ນແຂວງ ແລະ ພະນັກງານ ຫຼັກແຫຼ່ງ ອອ້ມຂ້າງແຂວງ ເຂົ້າຮ່ວມ.

 

ໂອກາດນີ້ ສະຫາຍ ເພັດແກ້ວ ເຮືອງປັນຍາ ປະທານ ສະພາ ປະຊາຊົນ ແຂວງ ໄດ້ລາຍງານ ກ່ຽວກັບ ຄວາມພ້ອມ ໃນການ ກະກຽມ ການປ່ອນບັດ ເລືອກຕັ້ງ ສະມາຊິກສະພາ ແຫ່ງຊາດ ຊຸດທີ IX ແລະ ສະພາ ປະຊົນແຂວງ ຊຸດທີ II ຢູ່ແຂວງ ອັດຕະປື ໂດຍລວມແລ້ວ ເຫັນວ່າ ແຕ່ລະ ຂົງເຂດ ວຽກງານ ໄດ້ຮັບການ ຈັດຕັ້ງ ປະຕິບັດ ແລະ ມີຜົນສໍາເລັດ ຫຼາຍດ້ານ ເຊິ່ງຄະນະ ກໍາມະການ ເລືອກຕັ້ງ ຂັ້ນແຂວງ ໄດ້ອອກ ນິຕິກໍາ ຈໍານວນ 4 ສະບັບ, ຂໍ້ຕົກລົງ 36 ສະບັບ ແລະ ຄໍາແນະນໍາ 4 ສະບັບ, ນອກນັ້ນ ໄດ້ສໍາເລັດການກະກຽມ ແລະ ດໍາເນີນ ກອງປະຊຸມ ຂອງຄະນະ ກໍາມະການ ເລືອກຕັ້ງ ເພື່ອແບ່ງ ຄວາມຮັບ ຜິດຊອບ ແຕ່ລະ ໜ້າວຽກ ໃຫ້ອານຸ ກໍາມະການ ຕ່າງໆ ໃນການ ສ້າງແຜນ ການດໍາເນີນ ງານ ໃຫ້ສອດຄ່ອງ ຖືກຕ້ອງ ຕາມແຜນການ, ມີຄະນະ ຮັບຜິດຊອບ ຮັບໃຊ້ ໃຫ້ແກ່ ການເລືອກຕັ້ງ ທົ່ວແຂວງ ທັງໝົດ 2.966 ຄົນ, ມີໜ່ວຍ ປ່ອນບັດ 204 ໜ່ວຍ, ໜ່ວຍເຄື່ອນທີ່ 46 ໜ່ວຍ, ຫີບປ່ອນບັດ 408 ຫີບ ແລະ ມີ 52 ຈຸດໂຄສະນາ, ສະຖິຕິ ພົນລະເມືອງ ທົ່ວແຂວງ ທັງໝົດ 158.151 ຄົນ, ຍິງ 77.835 ຄົນ, ໃນນີ້ ຜູ້ມີສິດ ປ່ອນບັດ ເລືອກຕັ້ງ ຕາມສໍາ ມະໂນຄົວ 94.803 ຄົນ, ຍິງ 48.262 ຄົນ, ພາຍໃນແຂວງ 75.937 ຄົນ, ມາຈາກ ທ້ອງຖິ່ນອື່ນ 1.898 ຄົນ. ພ້ອມນີ້ ວຽກງານ ປກຊ-ປກສ ກໍ່ໄດ້ວາງແຜນ ປ້ອງກັນ ການປ່ອນບັດ ເລືອກຕັ້ງ ຄັ້ງນີ້ ໃຫ້ຮັບ ປະກັນໄດ້ ຄວາມສະຫງົບ ແລະ ຄວາມປອດໄພ 100%.

 

ໂອກາດ ດຽວກັນ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການ ກົມການເມືອງ ສູນກາງພັກ, ລັດຖະ ມົນຕີ ກະຊວງ ປ້ອງກັນ ປະເທດ, ຄະນະ ກໍາມະການເລືອກຕັ້ງ ລະດັບຊາດ ໄດ້ມີ ຄໍາເຫັນ ໂອ້ລົມວ່າ: ນີ້ແມ່ນ ເຫດການ ການເມືອງ ແລະ ມີຄວາມ ສໍາຄັນ ເປັນຢ່າງຍິ່ງ ເພາະວ່າ ເປັນການ ສືບຕໍ່ສ້າງ ແລະ ບູລະນະ ລະບອບປະຊາ ທິປະໄຕ ປະຊາຊົນ, ໂດຍສະເພາະ ແມ່ນ ການບູລະນະ ສະພາແຫ່ງຊາດ ແລະ ສະມາຊິກ ສະພາ ປະຊາຊົນແຂວງ, ໃນຖານະ ເປັນອົງການ ອໍານາດລັດ ໜຶ່ງ ໃນລະບອບ ການເມືອງ ໃຫ້ນັບມື້ ມີຄວາມ ໜັກແໜ້ນ ເຂັ້ມແຂງ, ດັ່ງນັ້ນ ການຄັດເລືອກ ເອົາຕົວແທນ ແຫ່ງສິດ ແລະ ຜົນປະໂຫຍດ ຂອງ ປະຊາຊົນ ບັນດາເຜົ່າ ເຂົ້າໃນ ກົງຈັກ ຂອງສະພາແຫ່ງຊາດ ແລະ ສະພາ ປະຊາຊົນ ແຂວງ ແມ່ນໜ້າທີ່ ແລະ ຄວາມ ຮັບຜິດຊອບ ຂອງທົ່ວພັກ, ທົ່ວລັດ ແລະ ທົ່ວ ປວງຊົນລາວ ທັງຊາດ ທີ່ຈະຕ້ອງ ພ້ອມກັນ ສຸມໃສ່ ໃນແຕ່ລະໜ້າທີ່ ແລະ ຄວາມ ຮັບຜິດຊອບ ໃຫ້ປະສົບ ຜົນສໍາເລັດ.