banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:173
ມື້ວານນີ້:ມື້ວານນີ້:273
ອາທິດນີ້:ອາທິດນີ້:714
ເດືອນນີ້:ເດືອນນີ້:714
ທັງໝົດ:ທັງໝົດ:391474

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ໄດ້ຮັບເຄື່ອງຊ່ວຍເຫຼືອ ເສື້ອກັນໜາວ 2 ພັນໂຕ

ໃນຕອນບ່າຍ ຂອງວັນທີ 29 ມັງກອນ 2021 ນີ້ ທີ່ຕຶກ ສຳນັກງານ ອົງການ ປົກຄອງແຂວງ ອັດຕະປື, ບໍລິສັດ ເອັສທີກຣຸບ ແລະ ທະນາຄານ ເອັສທີ ຈຳກັດ ໄດ້ມອບເຄື່ອງ ກັນໜາວ ຊ່ວຍເຫຼືອໃຫ້ ແຂວງອັດຕະປື ເຊິ່ງຕາງໜ້າ ມອບໂດຍ ທ່ານ ກິດສະດາ ອິນທະປັນຍາ ຜູ້ຈັດການ ທະນາຄານ ເອັສທີ ຈຳກັດ ສາຂາ ແຂວງອັດຕະປື ແລະ ເປັນກຽດ ກ່າວຮັບຂອງ ທ່ານ ເລັດ ໄຊຍະພອນ ກຳມະການ ສູນກາງພັກ ເລຂາພັກ ແຂວງ - ເຈົ້າແຂວງ ອັດຕະປື ພ້ອມດ້ວຍ ພາກສ່ວນ ທີ່ກ່ຽວຂ້ອງ ຂອງແຂວງ, ພະນັກງານ ບໍລິສັດ ເອັສທີ ກຣຸບ ແລະ ທະນາຄານ ເອັສທີ ຈຳກັດ ເຂົ້າຮ່ວມ.

ເຄື່ອງ ທີ່ນຳມາ ມອບ ແລະ ຊ່ວຍເຫຼືອ ຄັ້ງນີ້ ເປັນປະເພດ ເຄື່ອງນຸງຫົ່ມ ເສື້ອກັນໜາວ ຈຳນວນ 2.000 ໂຕ, ລວມມູນຄ່າ 60 ລ້ານກີບ. ເຄື່ອງດັ່ງກ່າວ ນີ້ ຈະໄດ້ ໄປຊ່ວຍເຫຼືອ ພໍ່ແມ່ ປະຊາຊົນ ເຂດພູດອຍ, ເຂດຫ່າງໄກ ຈາກຕົວເມືອງ ທີ່ຂາດເຂີນ ແລະ ຕ້ອງການ ເຄື່ອງກັນໜາວ ຢູ່ແຂວງ ອັດຕະປື ໃຫ້ໄດ້ ຮັບການ ຊ່ວຍເຫຼືອ ຢ່າງທົ່ວເຖິງ

. ໂອກາດນີ້ ທ່ານ ເລັດ ໄຊຍະພອນ ກຳມະການ ສູນກາງພັກ ເລຂາພັກ ແຂວງ - ເຈົ້າແຂວງ ອັດຕະປື ກໍ່ໄດ້ກ່າວ ສະແດງຄວາມ ຂອບໃຈ, ສະແດງ ຄວາມຮູ້ ບຸນຄຸນ ມາຍັງ ບໍລິສັດ ເອັສທີກຣຸບ ແລະ ທະນາຄານ ເອັສທີ ຈຳກັດ, ພ້ອມມອບ ໃບຍ້ອງຍໍ ເພື່ອເປັນ ການຢັ້ງຢືນ ຍ້ອງຍໍ ສັນລະເສີນ ຜົນງານ ການຊ່ວຍເຫຼືອ ໃນຄັ້ງນີ້.