banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:160
ມື້ວານນີ້:ມື້ວານນີ້:273
ອາທິດນີ້:ອາທິດນີ້:701
ເດືອນນີ້:ເດືອນນີ້:701
ທັງໝົດ:ທັງໝົດ:391461

Lao National Radio

radio

ແຜນທີແຂວງ ອັດຕະປື

administrative map

 

 

ມອບ-ຮັບສວນອະນຸສາວະລີພະບາດ ສົມເດັດພຣະເຈົ້າໄຊຍະເຊດຖາທິຣາດມະຫາຣາດ ທີ່ ແຂວງອັດຕະປື

ໃນວັນທີ 24 ມັງກອນ 2021 ນີ້ ຢູ່ທີ່ ສວນອະນຸ ສາວະລີ ພະບາດ ສົມເດັດ ພຣະເຈົ້າ ໄຊຍະ ເສດຖາ ທິຣາດ ມະຫາຣາດ ບ້ານ ຫາດຊາຍຂາວ ເມືອງໄຊ ເຊດຖາ ແຂວງ ອັດຕະປື ໄດ້ຈັດ ພິທີ ມອບ-ຮັບ ສວນອານຸ ສາວະລີ ພະບາດ ສົມເດັດ ພະເຈົ້າ ໄຊຍະ ເສດຖາ ທິຣາດ ມະຫາຣາດ ໂດຍເປັນກຽດ ເຂົ້າຮ່ວມ ຂອງ ທ່ານ ຈູມມາລີ ໄຊຍະສອນ ອາດີດ ເລຂາທິການ ໃຫຍ່, ອາດີດ ປະເທດ ແຫ່ງ ສປປ ລາວ, ມີທ່ານ ສອນໄຊ ສີພັນດອນ ກົມການເມືອງ ສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ມີ ທ່ານ ເລັດ ໄຊຍະພອນ ກຳມະການ ສູນກາງພັກ, ເລຂາ ພັກແຂວງ - ເຈົ້າແຂວງ ອັດຕະປື ພ້ອມດ້ວຍ ພຸດທະ ສານິ ກະຊົນ ເຂົ້າຮ່ວມ.

ໃນພິທີ ທ່ານ ພົງໄຊ ໄຊຊະນະ ໄຊຍະເສນາ ປະທານ ບໍລິສັດ ວັງຕັດ ຂຸດຄົ້ນ ບໍ່ແຮ່ ໄດ້ໃຫ້ຮູ້ ວ່າ: ພາຍຫຼັງ ທີ່ໄດ້ ລົງມື ການກໍ່ສ້າງ ເກືອບ 30 ເດືອນ ຫຼື ເກືອບ 2 ປີເຄິ່ງ ເຊິ່ງ ເປັນໂຄງການ ກໍ່ສ້າງ ສາທາລະນະ ໂດຍການ ມີສ່ວນຮ່ວມ ຂອງ ທຸກພາກສ່ວນ ທັງພາກລັດ ແລະ ເອກະຊົນ, ພຸດທະ ບໍລິສັດ ແລະ ປວງຊົນ ລາວທັງ ພາຍໃນ ແລະ ຕ່າງປະເທດ ໂດຍແມ່ນ ກຸ່ມບໍລິສັດ ວັງຕັດ ຂຸດຄົ້ນ ບໍ່ແຮ່ ເປັນ ຜູ້ຮັບເໝົາ ກໍ່ສ້າງ ແລະ ເປັນຜູ້ ສັດທາຫຼັກ ປະກອບສ່ວນ ທຶນເບື້ອງຕົ້ນ ມີມູນຄ່າ ທັງໝົດ 37 ຕື້ກີບ. ປະກອບມີ 2 ໜ້າ ວຽກໃຫ່ຍ ຄື: 1. ວຽກເທ ທອງຫຼໍ່ ຮູບເໝືອນ ພຣະເຈົ້າ ໄຊຍະ ເສດຖາ ທິຣາດ ມະຫາຣາດ ປະທັບ ຊ້າງເຜືອກ ມຸງຄຸນ ປະທານ ນ້ຳໜັກ 18 ໂຕນ, ມູນຄ່າ ໄມ້ຢືນຕົ້ນ 3 ຕື້ກີບ ແລະ ວຽກ ກໍ່ສ້າງ ສະຖາ ປະຕິ ມາກຳ ລວດລາຍ ວິຈິດສິນ ຕ່າງໆ ເປັນຕົ້ນ ອາຄານ ຫໍມູນເຊື້ອ, ຫ້ອງການ, ຫ້ອງນ້ຳ ສາທາລະນະ, ຖານຕັ້ງແທ່ນ ແທ່ນກົມ ມະລຽນ ລານ ເບຕົງ ພິມລາຍ, ເບຕົງ ທາງຍ່າງ ຟຸດບາດ, ກຳແພງຮົ້ວ, ວຽກປູກ ຕົ້ນໄມ້, ປູກດອກໄມ້ ປະດັບ ວຽກລະບົບ ໄຟຟ້າ - ນ້ຳປະປາ ມູນຄ່າ 34 ຕື້ກີບ. ພ້ອມນີ້ ຜູ້ຮັບເໝົາ ກໍ່ສ້າງ ຍັງໄດ້ ປະກອບສ່ວນ ສ້າງສວນຫຼິ້ນ ເດັກນ້ອຍ ຊິງຊ້າ ມ້າໝູນ ຫຼໍ່ພະພຸດ ທະຮູບ ຈຳລອງ ປະດິດ ສະຖານໄວ້ ທີ່ຫໍ ມູນເຊື້ອ ກໍ່ສ້າງ ພຣະທາດ ກອງໄຊ ຈັກກະພັດ ເພື່ອອຸທິດ ໃຫ້ດວງ ວິນຍານ ຂອງນັກຮົບ ນາຍກອງ ທະຫານກ້າ ຂອງພະເຈົ້າ ໄຊຍະ ເສດຖາ ທິຣາດ ການກໍ່ສ້າງ ສວນອະນຸ ສາວະລີ ແຫ່ງນີ້ ນອກຈາກ ເປັນແຫຼ່ງ ຮຽນຮູ້ ທາງດ້ານປະຫັວດສາດ, ສີລະປະ ວັດທະນະທຳ ແລ້ວ ຍັງເປັນສວນ ສາທາລະນະ ຮັບໃຊ້ ປະຊາຊົນ ແຂວງອັດຕະປື ໄດ້ນຳໃຊ້ ອອກ ກຳລັງກາຍ ແລະ ຈັດກິດ ຈະກຳ ທາງດ້ານ ສີປະວັດ ທະນະທຳ ມວນຊົນ ຈັດພິທີ ຕາມຮີດຄອງ ປະເພນີ ແລະ ກາຍເປັນໜຶ່ງ ໃນຈຸດໝາຍ ປາຍທາງ ແຫ່ງການ ທ່ອງທ່ຽວ ຂອງແຂວງ ອັດຕະປື.

ໃນໂອກາດ ດຽວກັນ ທ່ານ ເລັດ ໄຊຍະພອນ ເຈົ້າແຂວງ ອັດຕະປື ຕາງໜ້າ ອຳນາດ ການປົກຄອງ ແຂວງ ແລະ ປະຊາຊົນ ບັນດາເຜົ່າ ທົ່ວແຂວງ ຂຶ້ນກ່າວຮັບ ແລະ ພ້ອມທີ່ ຈະປົກປັກ ຮັກສາ ໂຄງການ ດັ່ງກ່າວ ພ້ອມທັງ ໂຄສະນາ ເຜີຍແຜ່ ໃຫ້ຄົນ ລຸ້ນຫຼັງ ໄດ້ສຶກສາ ຮ່ຳຮຽນ ສືບຕໍ່ ໄປຊົ່ວ ກາລະນານ ພ້ອມນີ້ ທານ ຈູມມາລີ ໄຊຍະສອນ ອາດີດ ເລຂາ ທິການໃຫຍ່, ອາດີດ ປະທານ ປະເທດ ພ້ອມດ້ວຍ ບັນດາທ່ານ ການນຳ ຂັ້ນສູນກາງ ການນຳ ຂັ້ນແຂວງ ແລະ ພາກສ່ວນ ທີ່ກ່ຽວຂ້ອງ ໄດ້ພ້ອມກັນ ລັ່ນຄ້ອງ ເກົ້າບາດ ແລະ ຕັດແຖບຜ້າ ມອບ - ຮັບ ຢ່າງເປັນ ທາງການ ແລະ ໃນເວລາ 15:00 ກໍ່ໄດ້ ມີພິທີ ແຮ່ຜາສາດ ເຜິ້ງ ຈາກ 5 ຕົວເມືອງ ອ້ອມກົມ ມະລຽນ ອານຸ ສາສະລີ 3 ຮອບ ແລະ ຮັບຊົມ ສີປະ ວັນນະຄະດີ ການຟ້ອນ ຖະຫວາຍ ກອງບຸນ 39 ກອງ ແລະ ໃນຕອນຄ່ຳ ກໍ່ໄດ້ ມີພິທີ ສູດປະຕິຍະ ມຸງຄຸນ ພ້ອມທັງ ຄົບງັນ ກອງບຸນ ດ້ວຍໝໍລຳ ສີພັນດອນຕະຫຼອດ ທັງຄືນ.