banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:209
ມື້ວານນີ້:ມື້ວານນີ້:383
ອາທິດນີ້:ອາທິດນີ້:592
ເດືອນນີ້:ເດືອນນີ້:7574
ທັງໝົດ:ທັງໝົດ:380915

Lao National Radio

radio

ແຜນທີແຂວງ ອັດຕະປື

administrative map

 

 

ທ່ານ ເຈົ້າແຂວງ ກ່າວຄໍາອ່ວຍພອນ ເນື່ອງໃນໂອກາດສົ່ງທ້າຍປີເກົ່າ ຄສ 2020 ແລະ ຕ້ອນຮັບປີໃຫມ່ ຄສ 2021

ຂ້າພະເຈົ້າ ໃນນາມ ຕາງຫນ້າ ການນໍາ ຂອງແຂວງ ຂໍສະແດງ ຄວາມຂອບໃຈ ແລະ ຮູ້ ບຸນຄຸນ ຢ່າງລົ້ນເຫລືອ ມາຍັງ ພະນັກງານ, ສະມາ ຊິກພັກ, ທະຫານ, ຕໍາຫລວດ, ນັກທຸລະກິດ, ພໍ່ຄ້າ ຊາວຂາຍ ຕະຫລອດ ຮອດພໍ່ແມ່ ປະຊາຊົນ ບັນດາເຜົ່າ ຊາວແຂວງ ອັດຕະປື ທີ່ໄດ້ ພ້ອມກັນ ປະກອບສ່ວນ ເຂົ້າໃນ ພາລະກິດ ປົກປັກ ຮັກສາ ແລະ ສ້າງສາ ພັດທະນາປະເທດຊາດ, ເວົ້າລວມ ເວົ້າສະເພາະ ກໍຄື ແຂວງ ອັດຕະປື ຂອງພວກເຮົາ ໂດຍສະເພາະ ແມ່ນການ ຈັດຕັ້ງ ປະຕິບັດ ມະຕິ ກອງປະຊຸມ ໃຫຍ່ ຄັ້ງທີ X ຂອງສູນກາງ ພັກ, ຄັ້ງທີ X ຂອງອົງ ຄະນະພັກ ແຂວງ ກໍຄື ແຜນພັດທະນາ ເສດຖະກິດ - ສັງຄົມ 5 ປີ, ມີ ຜົນສໍາເລັດ ເປັນທີ່ຫນ້າ ເພິ່ງພໍໃຈ ເປັນຕົ້ນ: ຮັກສາໄດ້ ສະຖຽນ ນະພາບ ທາງດ້ານ ການເມືອງ, ສັງຄົມ ມີຄວາມ ເປັນລະບຽບ ຮຽບຮ້ອຍ, ເສດຖະກິດ ໄດ້ຮັບການ ຂະຫຍາຍຕົວ 4,6%, ລວມຜະລິດ ຕະພັນ ພາຍໃນ ສະເລ່ຍ ຕໍ່ຫົວຄົນ ບັນລຸໄດ້ 2.011 ໂດລາ, ຫລື ເທົ່າກັບ 18,6 ລ້ານກີບ, ໃນນີ້, ຂະແຫນງກະສິກໍາ ຂະຫຍາຍຕົວ 2,4%, ຈະແຫນງ ອຸດສາຫະກໍາ 9,9%, ແລະ ຂະແຫນງ ບໍລິການ 7%, ມູນຄ່າ ການລົງທຶນ ປະຕິບັດໄດ້ 924,08 ຕື້, ເທົ່າກັບ 65%, ມູນຄ່າ ສົ່ງອອກ ປະຕິບັດໄດ້ 120,98 ລ້ານໂດລາ, ລື່ນແຜນ 12% ມາຮອດປີ 2020 ພວກເຮົາ ສາມາດ ຕີຕະຫລາດ ໄດ້ 10 ກ່ວາ ປະເທດ ຂອງທະວີບ ເອີຣົບ, ຈັດເກັບ ລາຍຮັບ ເຂົ້າງົບປະມານ ໄດ້ 136 ຕື້ກີບ, ເທົ່າກັບ 107%, ລື່ນແຜນ 7%.

ຕໍ່ກັບ ຜົນງານ ແລະ ໄຊຊະນະ ຕະຫລອດ ປີ 2020 ທີ່ພວກເຮົາ ຍາດມາໄດ້ ນັ້ນ, ຍັງມີ ສິ່ງທ້າທາຍ ຫຼາຍຢ່າງ ໂດຍສະເພາະ ບັນຫາ ການລະບາດ ຂອງພະຍາດ ໂຄວິດ-19 ເຊິ່ງເປັນໄພ ຂົ່ມຂູ່ ແລະ ອັນຕະລາຍ ຕໍ່ຊິວິດ ຂອງຄົນເຮົາ ແລະ ເປັນສິ່ງ ທ້າທາຍ ຕໍ່ການ ພັດທະນາ ປະເທດຊາດ ກໍຄືແຂວງ ອັດຕະປື ພວກເຮົາ.

ໃນໂອກາດ ສົ່ງທ້າຍ ປີເກົ່າ ຄສ 2020 ແລະ ຕ້ອນຮັບ ປີໃຫມ່ ຄສ 2021 ຂ້າພະເຈົ້າ ໃນນາມ ຕາງຫນ້າ ການນໍາ ຂອງແຂວງ ຂໍຮຽກຮ້ອງ ມາຍັງ ບັນດາ ສະຫາຍ ຄະນະພັກ - ອໍານາດ ການປົກຄອງ ທຸກຂັ້ນ, ພາກທຸລະກິດ ຕະຫລອດຮອດ ພໍ່ຄ້າ ຊາວຂາຍ ແລະ ປະຊາຊົນ ບັນດາເຜົ່າ ຈົ່ງຮ່ວມແຮງ ຮ່ວມໃຈ ໃນການ ປະກອບສ່ວນ ເຂົ້າໃນ ພາລະກິດ ປົກຮັກສາ ແລະ ສ້າງສາ ພັດທະນາ ປະເທດຊາດ ເວົ້າລວມ ເວົ້າສະເພາະ ແຂວງ ອັດຕະປື ໃຫ້ມີ ຄວາມມັ່ງຄັ້ງ, ເຂັ້ມແຂງ, ປະຊາຊົນ ຮັ່ງມີ ຜ່າສຸກ, ສັງຄົມ ມີຄວາມ ສີວິໄລ ແລະ ຍຸຕິທໍາ. ອວຍພອນໄຊ ອັນປະເສີດ ມາຍັງ ບັນດາທ່ານ ຈົ່ງມີ ສຸຂະພາບ ເຂັ້ມແຂງ, ມີຜົນ ສຳເລັດ ໃນໜ້າທີ່ ວຽກງານ, ໄດ້ສົມດັ່ງ ຄວາມມຸ່ງຫວັງ ແລະ ຂໍໃຫ້ ທຸກທ່ານ ໂຊກດີ ຕະຫຼອດ ປີໃໝ່ 2021.