banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:189
ມື້ວານນີ້:ມື້ວານນີ້:383
ອາທິດນີ້:ອາທິດນີ້:572
ເດືອນນີ້:ເດືອນນີ້:7554
ທັງໝົດ:ທັງໝົດ:380895

Lao National Radio

radio

ແຜນທີແຂວງ ອັດຕະປື

administrative map

 

 

ພິທີສະເຫຼີມ ສະຫຼອງ 2 ວັນ ປະຫວັດສາດ ຂອງພັກ - ຂອງຊາດ.

ເນື່ອງໃນ ໂອກາດ ວັນຊາດທີ 2 ທັນວາ ຄົບຮອບ 45 ປີ ( 2 ທັນວາ 1975 - 2 ທັນວາ 2020 ) ແລະ ວັນຄ້າຍ ວັນເກີດ ປະທານ ໄກສອນ ພົມວິຫານ ຄົບຮອບ 100 ປີ ( 13 ທັນວາ 1920 - 13 ທັນວາ 2020 ); ໃນວັນທີ 1 ທັນວາ 2020 ນີ້, ຄະນະພັກ - ອົງການ ປົກຄອງແຂວງ, ພ້ອມດ້ວຍ ສະມາຊິກ ພັກ - ພະນັກງານ, ທົ່ວກຳລັງ ປະກອບ ອາວຸດ ແລະ ທົ່ວປວງຊົນ ລາວບັນ ດາເຜົ່າ ໃນທົ່ວແຂວງ ອັດຕະປື ໄດ້ເຂົ້າຮ່ວມ ພິທີ ສະເຫຼີມ ສະຫຼອງ ວັນສະຖາ ປະນາ ສປປ ລາວ ຄົບຮອບ 45 ປີ ແລະ ວັນຄ້າຍ ວັນເກີດ ຂອງປະທານ ໄກສອນ ພົມວິຫານ ຄົບຮອບ 100 ປີ ຂຶ້ນທີ່ ຫໍປະຊຸມ ໃຫ່ຍ ຂອງແຂວງ ດ້ວຍບັນ ຍາກາດ ທີ່ເບີກບານ ແລະ ສະຫງ່າງາມ.

 

ໂອກາດນີ້, ທ່ານ ນາງ ຫວັດສະດີ ໂຄດໂຍທາ ອາດີດ ພະນັກງານ ບໍານານ ການນຳ ຂອງແຂວງ ເປັນກຽດ ປາຖະກະຖາ ຫວນຄືນ ມູນເຊື້ອ ຂອງສອງວັນ ສຳຄັນ ດັ່ງກ່າວ ທ່ານ ໄດ້ຍົກ ໃຫ້ຮູ້ເຖິງ ການຕໍ່ສູ້ ຢ່າງພິລະ ອາດຫານ ຂອງກອງທັບ ແລະ ປະຊາຊົນ ລາວ ບັນດາເຜົ່າ ພາຍໃຕ້ ການນຳພາ ຂອງພັກ ປະຊາຊົນ ປະຕິວັດລາວ ຈົນສາມາດ ປົດປ່ອຍ ປະເທດຊາດ ຢ່າງມີໄຊ, ສະຖາປະນາສາທາ ລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງ ສະຫງ່າ ຜ່າເຜີຍ ໃນວັນທີ 2 ທັນວາ ປີ1975. ພາຍຫຼັງ ປະເທດຊາດ ໄດ້ຮັບ ການສະຖາ ປະນາ ພັກປະຊາຊົນ ປະຕິວັດລາວ ໄດ້ນໍາພາທົ່ວປວງຊົນ ລາວ ບັນດາເຜົ່າ ປະຕິບັດ ສອງໜ້າທີ່ ຍຸດທະສາດ ຄື: ປົກປັກຮັກສາ ແລະ ສ້າງສາ ພັດທະນາ ປະເທດຊາດ, ກໍ່ສ້າງ ລະບອບ ປະຊາທິປະໄຕ ປະຊາຊົນ ຕາມຈຸດໝາຍ ສັງຄົມ ນິຍົມ. ພ້ອມກັນນັ້ນ, ຍັງໄດ້ ຫວນຄືນ ວັນຄ້າຍ ວັນເກີດ ຂອງ ປະທານ ໄກສອນ ພົມວິຫານ ຊຶ່ງປະທານ ໄກສອນ ພົມວິຫານ ເປັນຜູ້ນໍາ ທີ່ສະຫຼາດ ແລະ ມີຫົວຄິດ ປະດິດສ້າງ, ກ້າຄິດ, ກ້າເຮັດ, ກ້າຮັບ ຜິດຊອບ, ເປັນຜູ້ນໍາ ທີ່ເປັນ ແວ່ນແຍງ ໃສແຈ້ງ ແລະ ເປັນແບບຢ່າງ ອັນປະເສີດ ເລີດລໍ້າ ດ້ານຄຸນທາດ ການເມືອງ, ຄຸນສົມບັດ ສິນທໍາ ປະຕິວັດ, ແບບແຜນ ນໍາພາ ກໍຄື ແບບແຜນ ການດໍາລົງ ຊີວິດ ໃຫ້ແກ່ພະນັກ ງານ, ສະມາຊິກ ພັກ, ນັກຮົບ ແລະ ປະຊາຊົນ ບັນດາເຜົ່າ ໃນທົ່ວປະເທດ ແລະ ເຕົ້າໂຮມ ຄວາມສາມັກຄີ ປະຊາຊົນ ບັນດາເຜົ່າ, ຍາມໃດ ກໍຖືສໍາຄັນ ແລະ ເອົາໃຈໃສ່ ໃນການ ສ້າງຄວາມ ສາມັກຄີ ຮັກແພງ, ຄວາມໄວ້ເນື້ອ ເຊື່ອໃຈ ແລະ ນັບຖື ຈາກມະຫາຊົນ ຢ່າງແທ້ຈິງ.

 

ໃນໂອກາດ ດຽວກັນນີ້ ທ່ານ ເລັດ ໄຊຍະພອນ ເລຂາພັກ ແຂວງ- ເຈົ້າແຂວງ ໃຫ້ກຽດ ຂື້ນມອບ ຂອງຂວັນ ໃຫ້ອາດີດ ການນຳ ຂອງແຂວງ ເພື່ອສະແດງ ຄວາມຮູ້ ບຸນຄຸນ, ຈົດຈຳ ຄຸນງາມຄວາມດີ ທີ່ບັນດາ ທ່ານ ອາດີດ ການນຳ ໄດ້ ປະກອບສ່ວນ ເຫື່ອແຮງ, ສະຕິປັນຍາ ເຂົ້າໃນ ພາລະກິດ ປົກປັກຮັກສາ ແລະ ສ້າງສາ ພັດທະນາ ແຂວງອັດຕະປື ກໍ່ຄື ປະເທດຊາດ ໃນຕະຫຼອດ ໄລຍະທີ່ຜ່ານມາ.