banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:211
ມື້ວານນີ້:ມື້ວານນີ້:226
ອາທິດນີ້:ອາທິດນີ້:866
ເດືອນນີ້:ເດືອນນີ້:5022
ທັງໝົດ:ທັງໝົດ:365805

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປືຈັດພິທີມອບ-ຮັບໜ້າທີ່ຂັ້ນຫົວໜ້າພະແນກການ

ໃນຕອນເຊົ້າ ຂອງວັນທີ 18 ພະຈິກ 2020 ນີ້ ທີ່ຫໍ ປະຊຸມໃຫຍ່ ຂອງແຂວງ ໄດ້ຈັດ ພິທີ ປະກາດ ມອບ-ຮັບ ໜ້າທີ່ ຫົວໜ້າ ຄະນະ ຈັດຕັ້ງ ແຂວງ, ຫົວໜ້າ ຄະນະ ໂຄສະນາ ອົບຮົມ ແຂວງ ແລະ ຫົວໜ້າ ຫ້ອງວ່າການ ແຂວງ ລະຫວ່າງ ຜູ້ເກົ່າ ແລະ ຜູ້ໃໝ່ ໂດຍເປັນກຽດ ເຂົ້າຮ່ວມ ແລະ ເປັນປະທານ ຂອງ ທ່ານ ເລັດ ໄຊຍະພອນ ເລຂາພັກ ແຂວງ - ເຈົ້າແຂວງ ອັດຕະປື, ມີບັນດາ ທ່ານ ຄະນະ ປະຈຳພັກ ແຂວງ, ກຳມະການ ພັກແຂວງ, ຫົວໜ້າ ພະແນກການ, ເຈົ້າເມືອງ 5 ເມືອງ ແລະ ພາກສ່ວນ ທີ່ກ່ຽວຂ້ອງ ເຂົ້າຮ່ວມ ຢ່າງພ້ອມພຽງ.

ໃນພິທີ ດັ່ງກ່າວ ທ່ານ ບຸນຮຽນ ແກ້ວບົວພາດ ຮອງເລຂາ ພັກແຂວງ ໄດ້ຂຶ້ນຜ່ານ ມະຕິ ຕົກລົງ ຂອງຄະນະ ປະຈຳພັກ ແຂວງ ວ່າດ້ວຍ ການຍົກຍ້າຍ ທ່ານ ນາງ ມີນາພອນ ໄຊສົມພູ ຮອງເລຂາ ພັກແຂວງ, ອາດີດ ຫົວໜ້າ ຄະນະ ຈັດຕັ້ງ ແຂວງ ມາປະຈຳ ການ ຢູ່ ຫ້ອງວ່າການ ແຂວງ ແລະ ຍົກຍ້າຍ - ແຕ່ງຕັ້ງ ທ່ານ ຄຳບຸນ ດວງພະບາງ ຄະນະ ປະຈຳພັກແຂວງ ອະດີດ ຫົວໜ້າ ຄະນະ ໂຄສະນາ ອົບຮົມແຂວງ ເປັນຫົວໜ້າ ຄະນະ ຈັດຕັ້ງ ແຂວງ ( ຜູ້ໃໝ່ ), ຍົກຍ້າຍ - ແຕ່ງຕັ້ງ ທ່ານ ນາງ ບຸນນານ ບຸນນະແສງ ຄະນະ ປະຈຳພັກ ແຂວງ ອາດີດ ຫົວໜ້າ ພະແນກ ຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ ແຂວງ ເປັນຫົວໜ້າ ຄະນະ ໂຄສະນາ ອົບຮົມແຂວງ ( ຜູ້ໃໝ່ ); ຜ່ານ ຂໍ້ຕົກລົງ ຂອງເຈົ້າແຂວງ ວ່າດ້ວຍ ການຍົກຍ້າຍ ທ່ານ ທະນູໄຊ ບັນຊາລິດ ຄະນະ ປະຈຳພັກ ແຂວງ ອາດີດ ຫົວໜ້າ ຫ້ອງວ່າການ ແຂວງ ປະຈຳການ ຢູ່ ຫ້ອງວ່າການ ແຂວງ ເພື່ອຊ່ວຍວຽກ ທ່ານ ເຈົ້າແຂວງ ແລະ ຍົກຍ້າຍ - ແຕ່ງຕັ້ງ ທ່ານ ສຸລິຈັນ ພອນແກ້ວ ກຳມະການ ພັກແຂວງ ອາດີດ ຫົວໜ້າ ພະແນກ ແຜນການ ແລະ ການລົງທຶນ ແຂວງ ເປັນຫົວໜ້າ ຫ້ອງວ່າການ ແຂວງ ( ຜູ້ໃໝ່ ). ນີ້ເປັນການ ຊັບຊ້ອນ ແລະ ມອບ - ຮັບໜ້າທີ່ ລະດັບ ການນຳ ຂັ້ນແຂວງ ເພື່ອຕອບ ສະໜອງ ກັບຄວາມ ຮຽກຮ້ອງ ຕ້ອງການ ຂອງໜ້າທີ່ ວຽກງານ ໃນປັດຈຸບັນ ກໍ່ຄື ໃນອະນາຄົດ, ພ້ອມທັງ ເປັນຫົວຈັກ ຫຼັກແຫຼ່ງ ເພື່ອສືບຕໍ່ ຊີ້ນຳ - ນຳພາ ພັດທະນາ ແຂວງອັດຕະປື ຂອງພວກເຮົາ.

ໂອກາດນີ້ ທ່ານ ເລັດ ໄຊຍະພອນ ເລຂາ ພັກແຂວງ - ເຈົ້າແຂວງ ໄດ້ມີ ຄຳເຫັນ ໂອ້ລົມ ຮຽກຮ້ອງ ມາຍັງ ບັນດາທ່ານ, ບັນດາ ສະຫາຍ ຜູ້ເຂົ້າຮ່ວມ ໂດຍສະເພາະ ບັນດາທ່ານມອບ - ຮັບໜ້າທີ່ ໃໝ່ ໃຫ້ເອົາ ໃຈໃສ່ ບຸກບືນ ເຮັດໜ້າທີ່ ຂອງຕົນ, ທັງນຳພາ - ຊີ້ນຳ ແລະ ຈັດຕັ້ງ ປະຕິບັດ, ເອົາໃຈໃສ່ ຍົກສູງ ຄວາມ ຮັບຜິດຊອບ ວຽກງານ ທີ່ໄດ້ຮັບ ມອບໝາຍ ໃຫ້ມີ ປະສິດ ທິຜົນ, ມີຄວາມ ຍຸຕິທຳ, ມີຄວາມ ໂປ່ງໃສ ເພື່ອພ້ອມກັນ ສ້າງສາ ພັດທະນາ ແຂວງອັດຕະປື ຂອງພວກເຮົາ ໃຫ້ຈະເລີນ ກ້າວໜ້າ ຂຶ້ນເລື້ອຍໆ.