banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:206
ມື້ວານນີ້:ມື້ວານນີ້:226
ອາທິດນີ້:ອາທິດນີ້:861
ເດືອນນີ້:ເດືອນນີ້:5017
ທັງໝົດ:ທັງໝົດ:365800

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ຈະສ້າງເຂດຕົວແບບນໍາໃຊ້ເຕັກໂນໂລຊີສະໜອງນ້ຳແບບປະສົມປະສານ ເຂົ້າໃນການຜະລິດດ້ານກະສິກຳ.

ໃນວັນທີ 28 ກັນຍາ 2020 ທີ່ຜ່ານມາ, ກະຊວງ ວິທະຍາ ສາດ ແລະ ເຕັກໂນ ໂລຊີ ໃນນາມ ເຈົ້າຂອງ ໂຄງການ ຄົ້ນຄວ້າ ນຳໃຊ້ ເຕັກໂນ ໂລຊີ ສະໜອງນໍ້່າ ແບບປະສົມ ປະສານ ເພື່ອຮັບໃຊ້ ການຜະລິດ ດ້ານກະ ສິກຳ ຢູ່ເມືອງ ສະໜາມໄຊ ແຂວງອັດຕະປື ໄດ້ລົງມາ ເຮັດວຽກ ຮ່ວມກັບ ການນໍາ ຂອງແຂວງ ແລະ ພາກສ່ວນ ທີ່ກ່ຽວ ຂ້ອງ ຢູ່ ສໍານັກງານ ອົງການ ປົກຄອງແຂວງ ອັດຕະປື ເພື່ອຊີ້ແຈງ ສະເໜີບົດໂຄງການ ທີ່ສໍາຄັນ ດັ່ງກ່າວ, ໂດຍເປັນກຽດ ເຂົ້າຮ່ວມ ມີ ທ່ານ ບົວສອນ ບຸບຜາວັນ ອາດີດ ນາຍົກ ລັດຖະ ມົນຕີ ແຫ່ງ ສປປ ລາວ, ທ່ານ ບໍ່ວຽງຄໍາ ວົງດາລາ ລັດຖະ ມົນຕີ ກະຊວງ ວິທະຍາ ສາດ ແລະ ເຕັກໂນ ໂລຊີ ພ້ອມຄະນະ ແລະ ທ່ານ ເລັດ ໄຊຍະພອນ ເລຂາ ພັກ ແຂວງ - ເຈົ້າແຂວງ ອັດຕະປື ພ້ອມດ້ວຍ ຫົວໜ້າ ພະແນກການ ທີ່ກ່ຽວຂ້ອງ ເຂົ້າຮ່ວມ.

 

ໂອກາດນີ້ ທ່ານ ສຸມານະ ຈຸລາມະນີ ຫົວໜ້າກົມ ເຕັກໂນ ໂລຊີ ແລະ ນະວັດ ຕະກໍາ ໄດ້ລາຍງານ ບົດໂຄງການ ຄົ້ນຄວ້າ ນຳໃຊ້ ເຕັກໂນ ໂລຊີ ສະໜອງນໍ້່າ ແບບປະ ສົມ ປະສານ ເພື່ອຮັບໃຊ້ ການຜະລິດ ດ້ານ ກະສິກຳ ຢູ່ເມືອງ ສະໜາມໄຊ ແຂວງ ອັດຕະປື ໃຫ້ຮູ້ວ່າ: ເພື່ອຜັນ ຂະຫຍາຍ ຈັດຕັ້ງ ປະຕິບັດ ເນື້ອໃນ ຈິດໃຈ ຕາມທິດ ຊີ້ນໍາ ຂອງ ຂັ້ນເທິງ ໃນການ ແກ້ໄຂ ບັນຫາ ການຂາດ ແຄນນໍ້າ ໃນລະດູ ແລ້ງ ແລະ ນໍ້າຖ້ວມ ໃນລະດູ ຝົນ ໃນເຂດ ພື້ນທີ່ ບຸກເບີກ ກະສິກໍາ ຢູ່ເຂດ ດົງບາກ ແລະ ເຂດການ ຜະລິດເຂົ້າ ຢູ່ບ້ານໃໝ່ ແລະ ບ້ານຄັງ, ຈຶ່ງໄດ້ສ້າງ ໂຄງການ ຄົ້ນຄວ້າ ນໍາໃຊ້ ເຕັກໂນ ໂລຊີ ສະໜອງນໍ້າ ແບບປະສົມ ປະສານ ເພື່ອຮັບໃຊ້ ການຜະລິດ ດ້ານກະ ສິກໍາ ໃນເຂດ ດັ່ງກ່າວ.

 

ໂຄງການ ດັ່ງກ່າວນີ້ ແມ່ນ ອອກແບບ ແລະ ໃຊ້ລະບົບ ສະໜອງນໍ້າ ແບບປະສົມ ປະສານ ດ້ວຍການ ນໍາໃຊ້ ລະບົບ ປໍ້ານໍ້າ ໄຟຟ້າ ແສງຕາເວັນ ແລະ ການສ້າງອ່າງ ເກັບນໍ້າ ແກ້ມລີງ ແລະ ທະນາຄານ ນ້ຳໃຕ້ດິນ ເພື່ອແກ້ໄຂ ບັນຫາ ການຂາດ ແຄນນໍ້າ ແລະ ໄພນໍ້າຖ້ວມ ສຳລັບ ພື້ນທີ່ ການຜະລິດ ກະສິກຳ ໃນເຂດ ເປົ້າໝາຍ ຂອງໂຄງການ ໃຫ້ມີ ຄວາມ ເໝາະສົມ ແລະ ຍືນຍົງ.

ສໍາລັບ ໂຄງການ ດັ່ງກ່າວ ມີໄລຍະ ເວລາ ຈັດຕັ້ງ ປະຕິບັດ 18 ເດືອນ, ເຊິ່ງຈະເລີ່ມ ລົງມື ປະຕິບັດ ໃນຕົ້ນເດືອນ ພະຈິກ 2020 ແລະ ໃຫ້ສໍາເລັດ ໃນຕົ້ນປີ 2022, ດ້ວຍມູນຄ່າ ການລົງທຶນ 8 ຕື້ກວ່າກີບ, ໂດຍສຸມໃສ່ ເປົ້າໝາຍ ເຂດຜະລິດ ກະສິກໍາ ແລະ ໃຊ້ວິທີ ຈັດຕັ້ງ ປະຕິບັດ ລະບົບ ສະໜອງນໍ້າ ຢູ່ 3 ຈຸດ ເປັນຕົ້ນ: ຈຸດທີ່ 1 ເຂດດົງ ບາກ: ສ້າງອ່າງ ເກັບນໍ້າ ແກ້ມລິງ ໃນພື້ນທີ່, ສ້າງ ທະນາຄານ ນໍ້າໃຕ້ດິນ ລະບົບເປີດ ແລະ ສູບນໍ້າ ໃຕ້ດິນ ເຕີມເຂົ້າອ່າງ ດ້ວຍໄຟຟ້າ ແສງຕາເວັນ ເພື່ອ ສະໜອງນໍ້າ ໃຫ້ເນື້ອທີ່ ກະສິກຳ 922,83 ຮຕ; ຈຸດທີ່ 2: ບ້ານໃໝ່: ຕິດຕັ້ງ ລະບົບ ສູບນ້ຳ ໄຟຟ້າ ແສງຕາເວັນ ຂະໜາດ 46 kw ເພື່ອສູບນໍ້າ ຈາກແມ່ນໍ້າ ເຊປຽນ ຂື້ນມາໃສ່ ຄອງ ຊົນລະ ປະທານ ສະໜອງນໍ້າ ໃຫ້ເນື້ອທີ່ ກະສິກຳ 70 ຮຕ ; ຈຸດທີ 3: ບ້ານຄັງ: ຕິດຕັ້ງ ລະບົບ ສູບນໍ້າ ໄຟຟ້າ ແສງຕາເວັນ ຂະໜາດ 46 kw ສູບນໍ້າ ຈາກແມ່ນ້ຳ ເຊກອງ ຂື້ນມາໃສ່ ຄອງ ຊົນລະ ປະທານ ສະໜອງນໍ້າ ໃຫ້ເຂດ ຊົນລະ ປະທານ ເນື້ອທີ 70 ຮຕ.

 

ໂຄງການ ດັ່ງກ່າວນີ້ ນອກຈາກ ສະໜອງນໍ້າ ແກ່ການ ຜະລິດ ກະສິກໍາແລ້ວ ຍັງສາມາດ ນໍາໃຊ້ ເຕັກໂນ ໂລຊີ ຜະລິດ ນໍ້າດື່ມ ສະອາດ ໃຫ້ແກ່ ຊຸມຊົນ ແລະ ໂຮງຮຽນ ໃນເຂດ ທີ່ຖືກ ຜົນກະທົບ ຈາກໄພ ພິບັດ ເປັນຕົ້ນ: ໂຮງຮຽນ ປະຖົມ, ມໍຕົ້ນ ບ້ານໃໝ່ ຫີນຄໍາ, ໂຮງຮຽນ ປະຖົມ ສະໝອງໃຕ້, ໂຮງຮຽນ ປະຖົມ ບ້ານ ທ່າແສງຈັນ, ໂຮງຮຽນປະ ຖົມ ບ້ານ ຫີນລາດ ແລະ ໂຮງຮຽນ ມັດທະຍົມ ເມືອງ ສະໜາມໄຊ ອີກດ້ວຍ ແລະ ຈະສ້າງ ຜົນປະໂຫຍດ ໃຫ້ແກ່ ປະຊາຊົນ ມີຄວາມ ສາມາດ ໃນການ ຄຸ້ມຄອງ ຊັບ ພະຍາ ກອນນໍ້າ ຂອງທ້ອງ ຖິ່ນ ເພື່ອຮັບ ປະກັນ ການພັດ ທະນາ ໃນເຂດ ຊົນນະບົດ, ຮັບມື ຕໍ່ການ ປ່ຽນແປງ ດິນຟ້າ ອາກາດ ແລະ ການຫຼຸດຜ່ອນ ຄວາມສ່ຽງ ໄພພິບັດ; ເປັນຕົວ ແບບ ທີ່ດີ ໃນການ ຄຸ້ມຄອງ ຊັບ ພະຍາກອນ ນໍ້າ ໃນທ້ອງຖິ່ນ ທີ່ກ່ຽວຂ້ອງ ກັບລະບົບ ການສະໜອງ ນໍ້າ, ການແກ້ໄຂ ນໍ້າຖ້ວມ, ໄພແຫ້ງແລ້ງ, ນໍ້າໃຕ້ດິນ; ນໍາໃຊ້ ເຕັກໂນ ໂລຊີ ພະລັງງານ ທົດແທນ ທີ່ສະອາດ ແລະ ເປັນມິດ ຕໍ່ສິ່ງ ແວດລ້ອມ; ປະຊາຊົນ ສາມາດ ຂະຫຍາຍ ຜົນການ ຜະລິດ ທາງດ້ານ ກະສິກໍາ, ເພີ່ມລາຍຮັບ, ແກ້ໄຂ ຊີວິດ ການເປັນຢູ່ ດີຂື້ນ; ສ້າງຄວາມ ໝັ້ນຄົງ ທາງດ້ານ ສະບຽງ ອາຫານ ແລະ ເຮັດໃຫ້ ການພັດ ທະນາ ເສດຖະກິດ - ສັງຄົມ ໃຫ້ມີ ຄວາມຍືນຍົງ.