banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:206
ມື້ວານນີ້:ມື້ວານນີ້:226
ອາທິດນີ້:ອາທິດນີ້:861
ເດືອນນີ້:ເດືອນນີ້:5017
ທັງໝົດ:ທັງໝົດ:365800

Lao National Radio

radio

ແຜນທີແຂວງ ອັດຕະປື

administrative map

 

 

ການນໍາແຂວງອັດຕະປື ວາງພວງມາລາໄຫວ້ອາໄລແດ່ດວງວິນຍານຂອງ ສະຫາຍ ເລ ຄາ ຟຽວ.

ຕອນບ່າຍ ວັນທີ 14 ສິງຫາ 2020 ທີ່ ກົງສູນໃຫຍ່ ສາທາ ລະນະລັດ ສັງຄົມນິຍົມ ຫວຽດນາມ ປະຈໍາ ພາກໃຕ້ ສປປ ລາວ ທີ່ນະຄອນ ປາກເຊ ແຂວງ ຈໍາປາສັກ, ຄະນະພັກ -ອົງການ ປົກຄອງແຂວງ ອັດຕະປື ນໍາໂດຍ ສະຫາຍ ນາງ ມີນາພອນ ໄຊສົມພູ ຮອງເລຂາ ພັກແຂວງ, ຫົວໜ້າ ຄະນະ ຈັດຕັ້ງແຂວງ ພ້ອມດ້ວຍ ຄະນະ ໄດ້ເຂົ້າວາງ ພວງມາລາ ໄຫວ້ອາໄລ ແດ່ດວງ ວິນຍານ ແລະ ການຈາກໄປ ຢ່າງບໍ່ມີວັນ ຫວນຄືນມາ ຂອງ ສະຫາຍ ເລ ຄາ ຟຽວ ອາດີດ ເລຂາ ທິການໃຫຍ່ ຄະນະ ບໍລິຫານງານ ສູນກາງ ພັກ ຄອມມູນິດ ຫວຽດນາມ, ທີ່ ມໍລະນະກໍາ ແລ້ວ ໃນວັນທີ 07 ສິງຫາ 2020.

 

ຄະນະພັກ -ອົງການ ປົກຄອງແຂວງ ອັດຕະປື ໄດ້ເຂົ້າວາງ ພວງມາລາ ແລະ ຂຽນຄໍາ ໄຫວ້ອາໄລ ໂດຍມີ ເນື້ອໃນວ່າ: ຄະນະນໍາ ແຂວງ, ສະພາ ປະຊາຊົນ ແຂວງ, ແນວລາວ ສ້າງຊາດ, ກໍາລັງ ປະກອບ ອາວຸດ, ພະນັກງານ ລັດຖະກອນ ຕະຫຼອດຮອດ ປະຊາຊົນ ແຂວງ ອັດຕະປື ຮູ້ສຶກ ສະເທືອນໃຈ ແລະ ເສຍໃຈ ເປັນຢ່າງຍິ່ງ ເມື່ອໄດ້ຮັບ ຂ່າວ ການຈາກໄປ ໂດຍບໍ່ມີວັນ ຫວນຄືນມາ ຂອງ ສະຫາຍ ເລ ຄາ ຟຽວ. ເຊິ່ງສະຫາຍ ເປັນຜູ້ໜຶ່ງ ທີ່ໄດ້ ປະກອບສ່ວນ ສໍາຄັນ ອັນຍິ່ງໃຫຍ່ ໃນການ ເຄື່ອນໄຫວ ການປະຕິວັດ, ພາລະກິດ ປົດປ່ອຍຊາດ, ປົກປັກຮັກສາ ແລະ ສ້າງສາ ພັດທະນາ ປະເທດ ຫວຽດນາມ, ຜ່ານມາ ໄດ້ດໍາລົງ ຕໍາແໜ່ງ ໃນຫຼາຍ ຂົງເຂດ ວຽກງານ ໂດຍສະເພາະ ດໍາລົງ ຕໍາແໜ່ງ ເລຂາ ທິການໃຫຍ່ ຄະນະ ບໍລິຫານງານ ສູນກາງພັກ ຄອມມູນິດ ຫວຽດນາມ ແລະ ກໍ່ແມ່ນ ຜູ້ໜຶ່ງ ທີ່ໄດ້ ປະກອບສ່ວນ ສໍາຄັນ ໃນການ ສ້າງຕັ້ງ, ຊຸກຍູ້ ຮັດແໜ້ນ ແລະ ເສີມສ້າງ ຄວາມ ສາມັກຄີ ມິດຕະພາບ ແລະ ການຮ່ວມມື ຮອບດ້ານ ລະຫວ່າງ ລາວ - ຫວຽດນາມ. ເຊິ່ງການ ຈາກໄປຂອງ ສະຫາຍ ເລ ຄາ ຟຽວ ແມ່ນການ ສູນເສຍ ອັນຍິ່ງໃຫຍ່ ຂອງ ພັກ-ລັດ, ປະຊາຊົນ ຫວຽດນາມ ແລະ ເປັນການ ສູນເສຍ ເພື່ອນມິດ ສະຫາຍ ທີ່ໃກ້ຊິດ ແລະ ສະໜິດ ສະໜົມ ທີ່ສຸດ ຂອງພັກ-ລັດ ແລະ ປະຊາຊົນລາວ.

ໃນຊ່ວງ ເວລາ ໂສກເສົ້າ ອາໄລ ຢ່າງສຸດຊຶ້ງ ຄະນະນໍາ ແຂວງ, ສະພາ ປະຊາຊົນ ແຂວງ, ແນວລາວ ສ້າງຊາດ, ກໍາລັງ ປະກອບ ອາວຸດ, ພະນັກງານ - ລັດຖະກອນ ຕະຫຼອດຮອດ ປະຊາຊົນ ແຂວງອັດຕະປື ຂໍສະແດງ ຄວາມອາໄລ ອາວອນ ແລະ ແບ່ງເບົາ ຄວາມໂສກເສົ້າ ເສຍໃຈ ມານະ ໂອກາດ ນີ້ດວ້ຍ.