banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:206
ມື້ວານນີ້:ມື້ວານນີ້:226
ອາທິດນີ້:ອາທິດນີ້:861
ເດືອນນີ້:ເດືອນນີ້:5017
ທັງໝົດ:ທັງໝົດ:365800

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ສໍາເລັດການດຳເນີນກອງປະຊຸມ ອົງການປົກຄອງແຂວງ ງວດ II ປີ 2020.

ແຂວງ ອັດຕະປື ສໍາເລັດ ການດຳເນີນ ກອງປະຊຸມ ອົງການ ປົກຄອງແຂວງ ປະຈໍາ ໄຕມາດທີ່ II ( 4,5,6) ປີ 2020 ພາຍຫຼັງ ດໍາເນີນ ເປັນເວລາ 1 ວັນເຕັມ ໃນວັນທີ 10 ສິງຫາ 2020 ທີ່ຫ້ອງ ປະຊຸມ ຊັ້ນ5 ຕຶກສຳນັກງານ ອົງການ ປົກຄອງແຂວງ ໂດຍພາຍໃຕ້ ການເປັນ ປະທານ ຂອງ ທ່ານ ອຸ່ນຫຼ້າ ໄຊຍະສິດ ຄະນະ ປະຈໍາພັກ ແຂວງ ຮອງ ເຈົ້າແຂວງ ອັດຕະປື, ມີບັນດາ ການນໍາ ຂອງແຂວງ, ກຳມະການ ພັກແຂວງ, ສະມາຊິກ ອົງການ ປົກຄອງແຂວງ, ເຈົ້າເມືອງ 5 ຕົວເມືອງ, ຫົວໜ້າ ພະແນກການ ແລະ ແຂກທີ່ ຖືກເຊີນ ເຂົ້າຮ່ວມ.

 

ການດຳເນີນ ກອງປະຊຸມ ຄັ້ງນີ້ ມີຄວາມໝາຍ ຄວາມສໍາຄັນ ຫຼາຍ, ເຊິ່ງຜູ້ ເຂົ້າຮ່ວມ ໄດ້ພ້ອມກັນ ທົບທວນ ຫວນຄືນ ການຊີ້ນຳ-ນຳພາ, ຜົນການ ຈັດຕັ້ງ ປະຕິບັດ ມະຕິ ກອງປະຊຸມ ອົງການ ປົກຄອງ ແຂວງ ຜ່ານມາ ພ້ອມທັງ ສະຫຼຸບ ຕີລາຄາຄືນ ການຈັດຕັ້ງ ປະຕິບັດ ແຜນພັດທະນາ ເສດຖະກິດ -ສັງຄົມ, ແຜນງົບ ປະມານ ໃນໄລຍະ 6 ເດືອນ ຕົ້ນປີ ແລະ ທິດທາງ ແຜນການ 6 ເດືອນ ທ້າຍປີ 2020, ໂອກາດນີ້ ທ່ານ ສຸລິຈັນ ພອນແກ້ວ ຫົວໜ້າ ພະແນກ ແຜນການ ແລະ ການລົງທຶນ ໄດ້ລາຍງານ ຕໍ່ກອງ ປະຊຸມ ຄັ້ງນີ້ ວ່າ: ໃນໄລຍະ 6 ເດືອນ ຕົ້ນປີ 2020 ແຂວງ ອັດຕະປື ກໍ່ຄ້າຍຄື ກັບແຂວງ ອື່ນໆ ໃນຂອບເຂດ ທົ່ວປະເທດ ລ້ວນແຕ່ ໄດ້ຮັບ ຜົນກະທົບ ຈາກການ ແຜ່ລະບາດ ຂອງພະຍາດ ໂຄວິດ-19 ເຊິ່ງສົ່ງ ຜົນກະທົບ ທາງກົງ ແລະ ທາງອ້ອມ ເຮັດໃຫ້ ການເຕີບໂຕ ຂອງ ເສດຖະກິດ ບໍ່ບັນລຸ ຕາມແຜນ, ຄາດຄະເນ ການເຕີບໂຕ ຂະຫຍາຍ ພຽງແຕ່ 4,6% ຫຼຸດມະ ຕິສະພາ 3,4% ( ມະຕິ ສະພາ 8% ), ມູນຄ່າ ໃນປີ 2.974,3 ຕື້ກີບ ເທົ່າກັບ 95,56% ຂອງແຜນການ ( ມະຕິ 3.112,17 ຕື້ກີບ ), ສະເລ່ຍ ລາຍຮັບ ຕໍ່ຫົວຄົນ 2.011 ໂດລາ ຫຼຸດມະຕິ 355 ໂດລາ ( ມະຕິ 2.366 ) ໃນນີ້: ຂະແໜງ ກະສິກໍາ ຂະຫຍາຍຕົວ ພຽງແຕ່ 2,4% ຫຼຸດມະຕິ 3,94%; ຂະແໜງ ອຸດສາ ຫະກໍາ ຂະຫຍາຍຕົວ 9,9% ເກືອບໄດ້ ຕາມແຜນການ; ຂະແໜງ ບໍລິການ ຂະຫຍາຍ ຕົວພຽງແຕ່ 7% ຫຼຸດມະຕິ 6%. ການເກັບ ລາຍຮັບ ງົບປະມານ ໃນໄລຍະ 6 ເດືອນ ຕົ້ນປີ ປະຕິບັດ ໄດ້ທັງໝົດ 53,36 ຕື້ກີບ ເທົ່າກັບ 36,15% ຂອງ ມະຕິ ສະພາ, ຄາດຄະເນ ໝົດປີ ຈະໄດ້ 128,37 ຕື້ກີບ ເທົ່າກັບ 87% ຂອງ ມະຕິ ສະພາ ໃນນີ້ ລາຍຮັບ ທ້ອງຖິ່ນ ປະຕິບັດ ໄດ້ 30,53 ຕື້ກີບ ແລະ ດຸ່ນດ່ຽງ ງົບປະມານ ສູນກາງ ຊ່ວຍໜູນ 97,02 ຕື້ກີບ, ເຊິ່ງຜົນ ກະທົບ ຈາກການ ລະບາດ ຂອງພະຍາດ ໂຄວິດ-19 ຄັ້ງນີ້ ຄາດວ່າ ຈະສູນເສຍ ລາຍຮັບ ງົບປະມານ ເຖິງ 38, 36 ຕື້ກີບ ໂດຍສະເພາະ ແມ່ນລາຍຮັບ ສວຍສາ ອາກອນ ແລະ ລາຍຮັບ ຄຸ້ມຄອງ ຊັບສິນລັດ.

 

ກອງປະຊຸມ ຄັ້ງນີ້ ຜູ້ເຂົ້າຮ່ວມ ຍັງໄດ້ ຮັບຟັງ ການລາຍງານ ສະພາບ ພົ້ນເດັ່ນ ໃນ 5 ເມືອງ ໄລຍະ 6 ເດືອນ ຜ່ານມາ ແລະ ທິດທາງ ແກ້ໄຂ ໃນຕໍ່ໜ້າ ເປັນຕົ້ນ: ການ ປະຕິບັດ ແຜນພັດທະນາ ເສດຖະກິດ -ສັງຄົມ, ການຜະລິດ ລະດູແລ້ງ- ລະດູຝົນ ຢູ່ບັນດາ ເມືອງ 5 ເມືອງ ຂອງແຂວງ ແລະ ໄດ້ພ້ອມກັນ ປະກອບ ຄໍາຄິດເຫັນ ດ້ວຍຄວາມ ເປັນເຈົ້າການ ແລະ ຮັບຜິດຊອບ ສູງ ເຮັດໃຫ້ ກອງປະຊຸມ ຄັ້ງນີ້ ມີເນື້ອໃນ ສົມບູນ ແລະ ຮັບຮອງໄດ້ ວຽກຈຸດສຸມ ໃນ 6 ເດືອນ ທ້າຍປີ 2020, ເພື່ອໃຫ້ ຂະແໜງການ ກ່ຽວຂ້ອງ ນໍາໄປ ຜັນຂະຫຍາຍ ແລະ ຈັດຕັ້ງ ປະຕິບັດ ໃຫ້ມີ ຜົນສໍາເລັດ ແລະ ບັນລຸ ຕາມແຜນການ ທີ່ວາງໄວ້.

ໂອກາດນີ້ ທ່ານ ອຸ່ນຫຼ້າ ໄຊຍະສິດ ຮອງ ເຈົ້າແຂວງໆ ອັດຕະປື ໄດ້ມີ ຄໍາເຫັນ ໂອ້ລົມ ຮຽກຮ້ອງ ໃຫ້ບັນດາ ທ່ານ ບັນດາ ສະຫາຍ ຜູ້ເຂົ້າຮ່ວມ ກອງປະຊຸມ ຄັ້ງນີ້ ເອົາໃຈໃສ່ ຈັດຕັ້ງ ຜັນຂະຫຍາຍ ມະຕິ ກອງປະຊຸມ ອົງການ ປົກຄອງ ແຂວງ ຄັ້ງນີ້ ໃຫ້ມີ ປະສິດ ທິຜົນ, ເອົາໃຈໃສ່ ປະຕິບັດ ບັນດາ ຄາດໝາຍ ສູ້ຊົນ ທາງດ້ານ ເສດຖະກິດ- ສັງຄົມ, ງົບປະມານ ໃຫ້ເກີດດອກ ອອກຜົນ, ສືບຕໍ່ ປະຕິບັດ ການລົງທຶນ ຂອງລັດ ໃຫ້ປະສົບ ຜົນສໍາເລັດ, ສະມາຊິກ ພັກ, ພະງານ -ລັດຖະກອນ ແລະ ປະຊາຊົນ ບັນດາເຜົ່າ ຊາວ ແຂວງອັດຕະປື ຈົ່ງເຊີດຊູ ຄວາມສາມັກຄີ ເປັນປຶກແຜ່ນ ຢູ່ອອ້ມຂ້າງ ອົງການ ປົກຄອງແຂວງ ພ້ອມກັນ ຍົກສູງ ຄວາມຮັບ ຜິດຊອບ ແລະ ເປັນເຈົ້າການ ໃນການ ເຊື່ອມຊຶມ, ກໍາແໜ້ນ ແລະ ຈັດຕັ້ງ ຜັນຂະຫຍາຍ ມະຕິ ກອງປະຊຸມ ອົງການ ປົກຄອງແຂວງ ປະຈໍາ ໄຕມາດທີ່ II ປີ 2020 ໃຫ້ເປັນ ຂະບວນ ຟົດຟື້ນ, ແຂງແຮງ ແລະ ຕໍ່ເນື່ອງ ເຮັດໃຫ້ ແຂວງ ມີສະຖຽນ ນະພາບ ທາງດ້ານ ການເມືອງ ຢ່າງໜັກແໜ້ນ, ສັງຄົມ ມີຄວາມ ສະຫງົບສຸກ, ເປັນລະບຽບ ຮຽບຮ້ອຍ ແລະ ນໍາພາ ແຂວງອັດຕະປື ມີການ ພັດທະນາ ຢ່າງບໍ່ ຢຸດຢັ້ງ.